Ауыл партиясынан президенттікке кандидат Төлеутай Рақымбеков

Орталық сайлау комиссиясы "Ауыл" партиясынан кандидаттың құжаттарын қабылдады

89
Рақымбеков 27 сәуір күні мемлекеттік тілден емтихан тапсырады 

НҰР-СҰЛТАН, 26 апр — Sputnik. "Ауыл" партиясынан президенттікке кандидат Төлеутай Рақымбеков Орталық сайлау комиссиясына құжаттарын тапсырды.

Рақымбековтың мемлекет басшысы лауазымына ұсынылғаны туралы 25 сәуір күні "Ауыл" халықтық-демократиялық патриоттық партиясының XV кезектен тыс съезі барысында белгілі болды.

Перуашев президент сайлауына неге түспегенін айтты

"2019 жылдың 26 сәуірінде "Ауыл Халықтық-демократиялық патриоттық партиясы" қоғамдық бірлестігі Қазақстан Республикасының президенттігіне кандидат ретінде Төлеутай Сатайұлы Рақымбековтың құжаттарын Қазақстан Орталық сайлау комиссиясына тапсырды", - деп хабарлады ОСК баспасөз қызметі.

Рақымбековтың мемлекеттік тілді еркін меңгергенін анықтайтын лингвистикалық комиссиясының отырысы 2019 жылдың 27 сәуірінде өтеді.   

Төлеутай Рақымбеков туралы не білеміз?

Төлеутай Сатайұлы Рақымбеков 1964 жылы 19 шілдеде Қарағанды облысы, Жаңаарқа ауданы Атасу кентінде туған.

1986 жылы Қазақ ауыл шаруашылығы институтын инженер-механик мамандығы бойынша тәмамдады. Бөкетов атындағы Қарағанды мемлекеттік университетін заңгер мамандығы бойынша бітірген. Экономика ғылымдарының докторы.

Еңбек жолы

Еңбек жолын 1987 жылы Қазақ ауыл шаруашылығы институтының аспирантурасын бітіргеннен кейін, Қарағанды облыстық Жаңаарқа аудандық ауыл шаруашылығы техникалары бірлестігінде инженер болып бастаған.

1992 жылдан бері кәсіпкерлікпен айналысқан.

1999-2001 жылдары – Сәтбаев қаласы әкімінің орынбасары;

2001-2002 жылдары – Жезқазған мемлекеттік университетінің доценті;

Конституциялық кеңес Тоқаевтың өтінішіне байланысты шешім шығарды

2002-2006 жылдары Қазақстанның ауыл шаруашылығы министрлігінде басқарма басшысы, департамент директоры секілді түрлі басшылық қызметтер атқарды;

2006-2007 жылдары – Көлік және коммуникация министрлігі көлік саясаты және халықаралық ынтымақтастық департаментінің директоры;

2007-2009 жылдары – "ҚазАгроИнновация" АҚ президенті;

2009 жылдың наурызынан 2009 жылдың қарашасына дейін – премьер-министр орынбасарының кеңесшісі;

"Ақ жол" партиясынан президенттікке кандидат Дания Еспаева

2009-2011 жылдары – Қарағанды облысы әкімінің орынбасары;

2017 жылдың наурызы мен 2017 жылдың шілдесі аралығында ауыл шаруашылығы вице-министрі болды.

2019 жылдың сәуір айынан бері – "Ұлттық аграрлық ғылыми-білім беру орталығы" КеАҚ басқарма төрағасы.

Марапаттары

"Құрмет" орденімен, түрлі медальдармен және құрмет грамотасымен марапатталған.

Отбасылық жағдайы

Үйленген, екі қызы бар.

89
Кілт сөздер:
сайлау, ауыл
Тақырып бойынша
Кәсіподақтар федерациясынан президенттікке кандидат құжатын тапсырды – ОСК
"Ауыл" партиясынан сайлауға кім түсетіні белгілі болды
Алғашқы кандидат Сәдібек Түгел неге президент болғысы келеді?
"Сайлауға түсуімді өтінеді" Назарбаев қазақстандықтар жазған хаттар туралы айтты
Үшінші кандидат: бұрынғы парламент депутаты президент сайлауына түседі
ОСК: Тоқаев президенттікке кандидатқа қойылатын талаптарға сай
Бейрутегі жарылыс

Тоқаев қазақстандықтардың қауіпсіздігі үшін Ливан президентіне қоңырау шалды

17
Ливанда 200-ге жуық Қазақстан азаматы, оның ішінде, қазақ дипломаттары мен әскери қызметшілер тұрып жатыр   

НҰР-СҰЛТАН, 5 тамыз – Sputnik. Қазақстан президенті Қасым-Жомарт Тоқаев Ливан президенті Мишель Аунға телефон арқылы көңіл айтты. Бұл туралы мемлекет басшысы Twitter-де хабарлады.

"Бүгін Ливан президенті Мишель Аунмен телефон арқылы сөйлесіп, Бейрут портындағы жарылыс кезінде қаза болған адамдардың отбасына көңіл айтып, зардап шеккендердің сауығып кетуіне тілектестік білдірдім", - деп жазды Тоқаев.

Ол Ливандағы 200-ге жуық Қазақстан азаматының, оның ішінде, қазақ дипломаттарының және БҰҰ-ның бітімгершілік күштері құрамында қызмет атқарып жүрген әскери қызметшілердің қауіпсіздігін қамтамасыз етуді өтінді.

Оқи отырыңыз: Сыртқы істер министрі Тоқаев қандай тапсырма бергенін айтты 

"Ливан президенті осындай қиын-қыстау кезеңде қолдау білдіргеніміз үшін алғыс айтып, Қазақстан азаматтарының қауіпсіздігін қамтамасыз етуге уәде берді", - деп атап өтті президент.

Бейрут қаласындағы жарылыс

4 тамыз күні Ливан астанасындағы теңіз порт базасында бірнеше жарылыс болды. Жақын маңдағы және бірнеше шақырым қашықтықтағы үйлер, ғимараттар қирады.

Ливандық БАҚ жүздеген адам зардап шегіп, ондаған тұрғын қайтыс болғанын айтты.

Жарылыс пиротехника қоймасында болуы мүмкін деген болжам жасалды. Алайда Ливан қауіпсіздік қызметінің басшысы генерал Аббас Ибрагим мұны жоққа шығарып, жарылғыш заттар орнатылғанын мәлімдеп отыр.

Жарылыс толқыны салдарынан Ливандағы Қазақстан дипломатиялық миссиясының ғимаратына зақым келді. Ол кезде жұмыс аяқталған. Сондықтан дипломатиялық миссия қызметкерлері кеңседе болмапты. Бірақ жұмыста қалған Қазақстанның Ливандағы консулы Бағлан Сыпабек жарылыс болған кезде жарақат алды.

17
Кілт сөздер:
қауіпсіздік, жарылыс, Қасым-Жомарт Тоқаев
Тақырып бойынша
Ақсайда тазартқыш ғимаратта жарылыс болып, бөлімше бастығы көз жұмды
Бейруттегі жойқын жарылыс: Қазақстан консулы жараланды
Сәкен Сәрсенов

"Қазпоштаның" бұрынғы басшысы жаңа лауазымға тағайындалды

201
Президент Қасым-Жомарт Тоқаевтың өкімімен Сәкен Сәрсенов министрдің орынбасары болып тағайындалды

НҰР-СҰЛТАН, 3 тамыз – Sputnik. "Қазпочта" АҚ бұрынғы төрағасы Сәкен Сәрсенов ішкі істер министрінің орынбасары болды, деп хабарлайды Ақорда.

"Мемлекет басшысының өкімімен Сәрсенов Сәкен Сейітжаппарұлы Қазақстан республикасы ішкі істер министрінің орынбасары қызметіне тағайындалды", – деп хабарлады президентің баспасөз қызметі.

Айта кетейік, 2020 жылдың 25 шілдесінде Қанат Алпысбаев "Қазпочта" АҚ басқарма төрағасы болып тағайындалған болатын.

Оқи отырыңыз: Қазпошта әлеуметтік карталарына жаңа функция енгізіледі

201
Кілт сөздер:
Ішкі істер министрлігі, Сәкен Сәрсенов
Тақырып бойынша
42 500 теңге: "Қазпошта" виртуалды карта шығара бастады
Алматы облысында ауылдық "Қазпошта" бөлімшесін тонаушылардың бірі ұсталды
"Кез келген адам ақша таба алады": Қазпошта жаңа қызметті іске қоспақшы
Көкшетауда екі адам "Қазпошта" бөлімшесін тонап, миллион теңге алған
Карантин пошта жұмысына қалай әсер етті – "Қазпошта" басшысымен онлайн-брифинг
WhatsApp мессенджері

"Кешкісін құрбандарын іздейді": маньяк пайда болғаны жайлы ақпарат тарады

0
(Жаңартылды 19:37 05.08.2020)
Полицейлердің айтуынша, өзара араздасқан тараптар медиация тәсілі арқылы татуласуға келіскен

АЛМАТЫ, 5 тамыз – Sputnik. Солтүстік Қазақстан облысының Мамлют ауданында әйел WhatsApp желісінде танысының фотосын жариялап, оның маньяк екенін айтқан. Polisia.kz порталының хабарлауынша, 27 жастағы тұрғын фотодағы азаматпен араздасып қалған соң, осындай әрекетке барған.

Автор желіде жариялаған фотосының жанына: "Сақ болыңыздар! Мамлют қаласындағы жұмысшы кентінде маньяк пайда болды. Кешкісін құрбандарын іздейді. 30 шілдеде ол жас қыздың соңынан жүгірді, қуанышқа қарай бойжеткен қашып үлгерді. Бұрын қылмыстық жауапкершілікке тартылған" деп жазып, хабарламаны мессенждерлерде таратқан.

Аудандық полиция бөлімінің қызметкерлері жалған ақпарат таратушыны мониторинг жүргізу арқылы тапты.

"Тәртіп сақшылары аудан орталығының 27 жастағы тұрғынын анықтады. Ол өзінің танысымен арада туындаған кикілжіңге байланысты жалған ақпарат таратқанын мойындады", - делінген ақпаратта.

3 тамызда Әкімшілік құқық бұзушылық туралы кодекстің 73-3-бабының 2-бөлігі "жала жабу" бойынша әкімшілік сот отырысы өтті. Медиация нәтижесінде жәбірленуші шағымдардан бас тартып, жерлесімен татуласуға келісті.

"Егер бұл жерде медиация тәсілі қолданылмағанда тәртіп бұзушыға 180 айлық есептік көрсеткішке дейін айыппұл салу (500 040 теңге) немесе 20 тәулікке әкімшілік қамауға алу түріндегі жауапкершілік жүктелетін еді. Заңда жеке тұлғаларға жала жапқаны үшін, яғни басқа адамның ар-намысы мен қадір-қасиетіне, беделіне нұқсан келтіретін көрінеу жалған ақпарат таратқаны үшін дәл осындай жаза қарастырылған", - деді Мамлют аудандық полиция бөлімінің бастығы Серік Әлжанов.

0