Талғат Ерғалиев

"Сайлауға түспейтін болдым" Кандидаттардың бірі ойынан айнып қалды

2891
(Жаңартылды 11:07 29.04.2019)
Талғат Ерғалиев "Ақ жол" партиясының төрағасымен сөйлескеннен кейін президент сайлауына қатысудан бас тартты

НҰР-СҰЛТАН, 29 сәуір — Sputnik. Қазақстан құрылысшылары одағынан президент сайлауына ұсынылған кандидат Талғат Ерғалиев өтінішін қайтарып алды, деп хабарлады "Ақ жол" партиясының баспасөз қызметі.

Ерғалиев "Ақ жол" партиясының төрағасы Азат Перуашевпен кездескеннен кейін партияның кандидаты Дания Еспаеваны қолдауды ұйғарып, президент сайлауына қатысудан бас тартты.  

Естеріңізге сала кетейік, "Ақ жол" партиясы алты үміткердің арасынан Дания Еспаеваны іріктеп алған болатын. Талғат Ерғалиев дауыс беру қорытындысы бойынша 31,6% дауыс жинап, екінші орынды иеленді. Кейін Ерғалиев мемлекет басшысы сайлауына Қазақстан құрылысшылары одағынан түсуді ұйғарды.

Талғат Ерғалиев съездегі дауыс беру қорытындысына ешқандай шағымы жоқ екенін хабарлады. Ол Қазақстан құрылысшылары одағын бұрыннан басқаратындықтан, саланың проблемасын және халықтың баспанаға мұқтаждығын бүге-шігесіне дейін білетіндіктен осы ұйымнан кандидат ретінде ұсынылуын дұрыс деп есептейді. Оның пікірінше, бұл мәселелерге мемлекет деңгейінде толық назар аударылып отырған жоқ.

"Сонымен қатар, Талғат Ерғалиев партияның төрағасымен әңгімеден кейін, "Ақ жол" партиясын құрметтейтінін ескере отырып, Орталық сайлау комиссиясынан өз өтінішін қайтарып алатынын және Дания Еспаеваның сайлау алды науқанына қатысуға дайын екенін мәлімдеді", - делінген хабарламада.

Алғашқы әйел үміткер Дания Еспаева туралы не білеміз?

Еңбек жолы

Еңбек жолын 1982 жылы КСРО Мемлекеттік банкі Ақтөбе облыстық басқармасы несиелеу бөлімінің экономисі болып бастаған.

Тағы оқыңыз: Бұрынғы парламент депутаты президент сайлауына түседі

Әртүрлі жылдары "Әлем банк" Ақтөбе облыстың басқармасы кредит бөлімінің бас маманы, несиелеу бөлімі басшысының орынбасары, "БТА банк" АҚ корпоративтік бизнес жөніндегі директордың орынбасары, "БТК Банк" АҚ Ақтөбе филиалының директоры, "Қазкоммерцбанк" АҚ Ақтөбе филиалының директоры қызметтерін атқарды.

2016 жылдың наурызынан бері – мәжіліс депутаты, қаржы және бюджет комитетінің мүшесі.

Тағы оқыңыз: Сәдібек Түгел неге президент болғысы келеді?

Банк жүйесінде 1982 жылдан бері жұмыс істеген, бұл саладағы жалпы еңбек өтілі 34 жылды құрайды.

Басқа да қызметтері

2008 және 2012 жылдары Ақтөбе облыстық мәслихатының депутаты болып сайланды.

"Атамекен" одағы Ақтөбе филиалы басқармасының мүшесі, Ақтөбе облысы өңірлік үйлестіруші кеңестің мүшесі болды.

Марапаттары

2011 жылы "Құрмет" орденімен, "Қазақстан тәуелсіздігіне 20 жыл" медалімен, "Қазақстан тәуелсіздігіне 25 жыл" медалімен, "Үздік қаржыгер" қоғамдық медалімен марапатталған.

Отбасылық жағдайы

Екі ұлы мен екі немересі бар.

2891
Кілт сөздер:
президент сайлауы
Тақырып бойынша
Коммунистер партиясы президент сайлауына түсетін кандидатты атады
ОСК: Тоқаев президенттікке кандидатқа қойылатын талаптарға сай
Әміржан Қосанов президент сайлауына түсетінін мәлімдеді
"Ауыл" партиясынан сайлауға кім түсетіні белгілі болды
Кандидат Еспаева қазақ тілінен емтихан тапсырған соң көзіне жас алды
Президент сайлауы: соңғы минуттарда тағы бір кандидат құжат тапсырды
Ақорда ғимараты

Тоқаев Мәдиев пен Өтеновті жаңа қызметке тағайындады

81
(Жаңартылды 10:47 01.10.2020)
Стратегиялық жоспарлау және реформалар агенттігі төрағасының орынбасарларын тағайындау туралы президент өкімі жарияланды

НҰР-СҰЛТАН, 1 қазан — Sputnik. Әркен Өтенов Стратегиялық жоспарлау және реформалар агенттігі төрағасының орынбасары қызметіне тағайындалды. Ол Сыртқы істер министрлігінің жауапты хатшысы қызметінен босатылды.

Сондай-ақ, Стратегиялық жоспарлау және реформалар агенттігі төрағасының орынбасары қызметін Жаслан Мәдиев атқаратын болады, деп хабарлайды Ақорда.

Ол тағайындауға дейін ұлттық экономика вице-министрі болған.

Жаңа агенттік

Еске сала кетсек, 14 қыркүйекте мемлекет басшысы Қайрат Келімбетовті стратегиялық жоспарлау және реформалар агенттігінің төрағасы қызметіне тағайындау туралы жарлыққа қол қойған болатын.

Бұған дейін Қасым-Жомарт Тоқаев президентке тікелей бағынатын стратегиялық жоспарлау және реформалар агенттігін қайта құру туралы шешім қабылдады. Оған стратегиялық жоспарлау және мемлекеттік статистикалық қызмет салаларындағы ұлттық экономика министрлігінің функциялары мен өкілеттіктері берілді.

Стратегиялық жоспарлау және реформалар агенттігінің міндеті:

  • реформаларды жүзеге асыру тәсілдерін, реформаларды жүзеге асыруға қажетті, сондай-ақ олардың іске асырылу барысын мониторингтеу мен бағалау  бойынша нормативтік құқықтық актілер жобаларын әзірлеу;
  • мемлекеттік жоспарлау жүйесінің құжаттарын дайындау кезінде, сондай-ақ оларды келісу, іске асыру барысын мониторингтеу мен бағалау бойынша мемлекеттік органдардың және квазимемлекеттік сектор субъектілерінің қызметін үйлестіру;
  • мемлекеттік органдардың мемлекеттік басқару жүйесін жетілдіруге бағытталған ұсыныстарын келісу;
    елдің дамуы мен халықаралық ахуалды стратегиялық болжамдау мен  талдау жүргізу;
  • ведомстволық статистика саласындағы жұмысты үйлестіру;
  • орталық мемлекеттік органдар және облыстардың, республикалық маңызы бар қалалардың, астананың жергілікті атқарушы органдары қызметінің тиімділігіне жыл сайынғы бағалау жүргізу бойынша жұмыстарды үйлестіру жөніндегі функциялар мен өкілеттіктер берілді.
81
Кілт сөздер:
жаңа қызмет, Қасым-Жомарт Тоқаев
Тақырып бойынша
Президент Алтынбаевты қызметінен босатты
Тоқаев Келімбетовке жауапты қызметті сеніп тапсырды
Президент екі жаңа агенттік құру жөніндегі жарлыққа қол қойды
Тоқаев стратегиялық жоспарлау және реформалар агенттігін құруды тапсырды
Қазақстанда құрылатын жаңа агенттік немен айналысады 
БҰҰ-ға қатысушы елдердің тулары

Қазақстанның БҰҰ-дағы тұрақты өкілі ауысты

49
Бұған дейін Қазақстанның БҰҰ-дағы тұрақты өкілі болған Қайрат Омаров Австриядағы төтенше және өкілетті елші қызметіне тағайындалды

АЛМАТЫ, 30  қыркүйек – Sputnik. Мемлекет басшысы Қасым-Жомарт Тоқаевтың жарлығымен Қазақстанның Нью-Йорктегі БҰҰ жанындағы тұрақты өкілі ауысты. Бұл қызметке Мағжан Ілиясов тағайындалды, деп хабарлады Қазақстанның сыртқы істер министрлігі.

Ал бұған дейін бұл қызметті атқарған Қайрат Омаров Қазақстан Республикасының Австрия Республикасындағы төтенше және өкілетті елшісі қызметіне тағайындалды.

Оқи отырыңыз: Тоқаев экс-министр Жұмағалиевке жұмыс тауып берді 

Ал Мағжан Ілиясовтың орнына Асқар Жұмағалиев Қазақстан Республикасының Нидерланд Корольдігіндегі төтенше және өкілетті елшісі болды. Ол химиялық қаруға тыйым салу жөніндегі ұйым жанындағы Қазақстан Республикасының тұрақты өкілі қызметін қоса атқарады.

Мағжан Ілиясов туралы не білеміз?

Мағжан Жанботаұлы 1974 жылдың 26 тамызында Алматы қаласында дүниеге келген. Қазақ мемлекеттік әлем тілдері университетінің халықаралық қатынастар факультетін бітірген және Дж. Кеннеди атындағы Гарвард университетінің мемлекеттік басқару мектебінің магистратурасын тәмамдаған.

Дипломатиялық карьерасын 1996 жылы Қазақстан сыртқы істер министрлігі халықаралық ұйымдар мен халықаралық экономикалық қатынастар басқармасының референті, кейіннен атташесі лауазымдарынан бастады.

1998-1999 жылдары БҰҰ басқармасы және халықаралық экономикалық ұйымдар басқармасының үшінші, екінші хатшысы қызметтерін атқарған.

1999 жылдан 2003 жылға дейін Қазақстан Республикасы президент әкімшілігінің протокол қызметінің консультанты болып жұмыс істеді.

2003-2005 жылдары Қазақстан президенті кеңсесінің ұйымдастыру және құжаттамалық қамтамасыз ету тобының бас сарапшысы болды.

2005-2012 жылдары президент әкімшілігінің сыртқы саясат орталығында жұмыс істеді, онда бас сарапшыдан орталық меңгерушісі лауазымына дейін жетті.

2013-2016 жылдары президент кеңесшісі – президент әкімшілігі сыртқы саясат орталығының меңгерушісі болды.

Қазақстанның БҰҰ жанындағы тұрақты өкілі болып тағайындалғанға дейін 2016 жылдан бастап Қазақстанның Нидерландтағы елшісі және Қазақстан Республикасының химиялық қаруға тыйым салу ұйымындағы тұрақты өкілі болды.

Мағжан Ілиясов І сыныпты төтенше және өкілетті уәкіл дипломатиялық дәрежесіне ие. Ағылшын және неміс тілін меңгерген.

49
Кілт сөздер:
Қазақстан, БҰҰ
Тақырып бойынша
Мәжіліс депутатының өкілеттігі тоқтатылды
Қазақстанның мемлекеттік бас санитар дәрігері ауысты
Сынақ мерзімінен өтпеді: Молдағасымова тағы да жұмыссыз қалды
Қарағанды қаласына жаңа әкім тағайындалды
Жылқы, архивтегі сурет

"Жүздеген жылқы қырылды": Қызылорда облысында тараған аурудың себебі анықталды 

13
(Жаңартылды 11:00 01.10.2020)
Тұрғындар бұл жағдайды ескеріп, мемлекет өтемақы беруі керек екенін айтты. Олар солтүстікте қырылған құстарға өтемақы беріледі дегенді алға тартып отыр

НҰР-СҰЛТАН, 1 қазан – Sputnik. Қызылорда облысының шаруалары жүздеген жылқының белгісіз аурудан қырылып жатқанын мәлімдеді.

Байкенже ауылының тұрғыны Қанетбек Кембайдың айтуынша, тамыз айынан бері 200 жылқы қырылды. Бірақ үй жануарының неден өліп жатқаны белгісіз, деп хабарлады "Еуразия" бірінші арнасы.

"Біздің мал өсірумен айналысқанымызға 50 жыл болды. Бірақ мұндайды бірінші рет көріп отырмыз. Жылқы он күндей ауырып, жем-шөп жемей қояды. Бір қызығы, айғыр ауру малды табынға жақындатпайды", - дейді Кембай. 

Осы ауылдың тағы бір тұрғыны Әбдіманап Әкімбек мемлекет тарапынан өтемақы берілуі керек деп санайды. 

"Солтүстік облыстарда қырылған құстың өтемақысын береді дейді. Бізге де осындай көмек берілсе, жақсы болар еді. Өйткені қырылған мал көп. Бір үйде 20-30 жылқыдан, ондай отбасылар аз емес", - деді Әкімбек. 

Ал ветеринарлық қызметтің мамандары жылқының қырылғанына адамдардың өздері кінәлі деп отыр. Мамандар үй жануарының өліміне себеп болған ауруды да анықтады. Ол – гастрофилез. Оны асқазанға түсетін бөгелек құрты қоздырады. Бұл жәндік далада жүрген жылқының ішіне тез түседі.

"Биыл күн ыстық болды, жаңбыр жауған жоқ. Ондайда малды күтіп ұстаудың өзіндік тәртібі бар. Мәселен, жылқыны күндіз емес, кешке қарай бағу қажет. Сосын дезинфекция жасап отырған жөн. Жылқыны тазалап, жуып тұру қажет. Сонда құрт-құмырсқа жабыспайды", - деп атап көрсетті Жаңақорған ауданының ветеринарлық станциясының директоры Марат Қазыбаев. 

Бүгінде гастрофилез ауруы Қызылорда облысының төрт ауданында тіркеліп отыр. Әкімдік жұмыс тобын құрып, соның аясында барлық мәселені талқылауды көздейді. Соның ішінде өтемақы төлеу жайы да бар.

 

13
Кілт сөздер:
ауру, жылқы, Қызылорда облысы
Тақырып бойынша
Құс тұмауы адам үшін қауіпті ме - ауыл шаруашылығы министрлігі жауап берді
"300 жылқы ұстадық": Шекарашылар қырғыз кәсіпкерлерінің қулығын әшкереледі 
Жылқы құлынды биені өрттен құтқару үшін көк түтінге кіріп кетті – видео
Ақтауда жылқы жұрттың көз алдында есінен танып құлады
Шығыс Қазақстанда жылқы құтқару операциясы сәтті аяқталды