Микрофон, архивтегі сурет

Қасым-Жомарт Тоқаев теледебатқа қатыса ма саясаттанушы пікірі

480
Бүгін ақпарат және қоғамдық даму министрі президенттікке кандидаттар арасында теледебаттың ұйымдастырылатынын мәлімдеді

НҰР-СҰЛТАН, 14 мамыр – Sputnik. Президенттікке үміткерлердің пікірталасы болса да, өткір сауалдарды күтудің қажеті жоқ. Саясаттанушы Әділ Қаукенов Қазақстан-Ресей сарапшылар форумында осындай пікірін айтты, деп хабарлайды Sputnik Қазақстан тілшісі.

Оның ойынша, сайлауалды үгіт-насихат аясында теледебаттарды өткізген дұрыс. Өйткені халық мұндай шараларға қатты қызығады. Қазақстандықтар АҚШ пен Украина сияқты шет елдерде өткен теледебаттарды да қызығып көрді.

Қасым-Жомарт Тоқаев теледебатқа қатыса ма?

"Енді, оған Nur Otan партиясының кандидаты Қасым-Жомарт Тоқаев қатыса ма, жоқ па, ол жағын айту қиын. Себебі ол қысқа уақыттың ішінде барлық аймақтарды аралап, сайлаушылармен кездесуді жоспарлап отыр. Ал теледебаттарға қатысу үшін уақыт қажет. Егер Қасым-Жомарт Тоқаев дебатқа қатысса, онда халықтың осы шараға деген қызығушылығы арта түседі. Себебі бәрі қазіргі президенттің пікірталас кезінде өзін қалай ұстайтынын көргісі келеді", - дейді Қаукенов.

Саясаттанушының айтуынша, Қасым-Жомарт Тоқаев дебатты ойдағыдай өткізе алады.

"Себебі оның дипломатиялық тәжірибесі мол. Оған қоса, Біріккен ұлттар ұйымында біраз уақыт еңбек етті. Алайда дәл қазір оның теледебатқа қатысу жағы белгісіз. Қасым-Жомарт Тоқаев дебатқа шықпаса, сайлаушылармен кездесу шараларына басымдық беретін болады", - дейді саясаттанушы.

Ал саясаттанушы Андрей Чеботарев қазіргі президентке теледебатқа шығу қажет деп санайды. Себебі кандидат Жамбыл Ахметбековтен басқасының бәрі сайлауға алғаш рет қатысып жатыр.

"Мәселен, тұңғыш президент үшін теледебатқа қатысудың қажеті жоқ. Ал Тоқаев үшін бұл - үлкен мүмкіндік. Ол халықтың алдында өзін көрсете алады. Басқа кандидаттар да кеңінен таныла алады. Әсіресе, Әміржан Қосанов үшін тиімді. Себебі оны адамдар жақсы біледі, бірақ өзі теледидардан көп көріне бермейді", - деді Чеботарев.

Украинадағы пікірталасты Қазақстанда көре аламыз ба?

Сарапшылардың ойынша, дебаттар кезінде өзекті деген мәселелердің бәрі көтеріледі. Алайда қызу пікірталас болмайтын сияқты.

"2016 жылы бізде парламент сайлауы кезінде бір дебаттар болды. Оған барлық партиялардың өкілдері қатысты. Сол кезде өткір сұрақтар болған жоқ, қызу пікірталасты да байқамадық. Осы жолы да солай болатын сияқты", - дейді сарапшы.

Әділ Қаукенов те теледебаттар сайлауалды уәделермен шектеледі деп санайды. Сондықтан  күтпеген мәлімдемелер болмайды. Қазақстандағы теледебаттарды Петр Порошенко мен Владимир Зеленский арасындағы пікірталаспен салыстыруға келмейді.

"Біздегі дебаттар Зеленский пен Порошенко арасында болған пікірталасқа ұқсамайды. Әрине, әрбір кандидаттың өзінің "фишкасы" болады. Кейбіреулері популизмге де салынатын шығар. Оны қазірдің өзінде байқауға болады", - деді Қаукенов.

Айта кетсек, Қазақстанда президент сайлауы алдындағы теледебат 2005 жылдың 17 қарашасында өткен болатын. 14 жыл бұрын ҚР Орталық сайлау комиссиясы "Хабар" телеарнасында Қазақстан президенттіне кандидаттар арасында пікірталас ұйымдастырды. Оған төрт кандидат: Ерасыл Әбілқасымов, Әлихан Бәйменов, Мэлс Елеусізов және Жармахан Тұяқбай қатысты. Қазақстанның сол кездегі президенті Нұрсұлтан Назарбаев пікірталасқа қатысқан жоқ.

Осы жолы Қазақстан президенттігіне жеті адам таласады. Олар:

  • Nur Otan партиясы атынан Қасым-Жомарт Тоқаев;
  • "Ұлт тағдыры" қозғалысы атынан Әміржан Қосанов;
  • Қазақстан коммунистік халық партиясы атынан Жамбыл Ахметбеков;
  • "Ауыл" партиясы атынан Төлеутай Рақымбеков;
  • "Ақ жол" демократиялық партиясы атынан Дания Еспаева;
  • Кәсіподақтар федерациясы атынан Амангелді Таспихов;
  • "Ұлы дала қырандары" қоғамдық бірлестігі атынан Сәдібек Түгел.
480
Кілт сөздер:
үміткерлер пікірсайысы, пікір, Қасым-Жомарт Тоқаев
Тақырып:
Президент сайлауы - 2019 (176)
Тақырып бойынша
Президенттікке үміткер басында үйі жоғын, астындағы көлігін несиеге алғанын айтты
Сайлауда кімге дауыс бересіз – Қазақстанда мұндай сұрақты кім қоя алады
Қазақстанда президент сайлауын кімдер бақылайды?
Қазақстанда президенттікке кандидаттар тегін тамақ, ақша тарата ала ма? 
Әміржан Қосанов: Тоқаевтың уәдесіне сеніп келдім
Бейрутегі жарылыс

Тоқаев қазақстандықтардың қауіпсіздігі үшін Ливан президентіне қоңырау шалды

6
Ливанда 200-ге жуық Қазақстан азаматы, оның ішінде, қазақ дипломаттары мен әскери қызметшілер тұрып жатыр   

НҰР-СҰЛТАН, 5 тамыз – Sputnik. Қазақстан президенті Қасым-Жомарт Тоқаев Ливан президенті Мишель Аунға телефон арқылы көңіл айтты. Бұл туралы мемлекет басшысы Twitter-де хабарлады.

"Бүгін Ливан президенті Мишель Аунмен телефон арқылы сөйлесіп, Бейрут портындағы жарылыс кезінде қаза болған адамдардың отбасына көңіл айтып, зардап шеккендердің сауығып кетуіне тілектестік білдірдім", - деп жазды Тоқаев.

Ол Ливандағы 200-ге жуық Қазақстан азаматының, оның ішінде, қазақ дипломаттарының және БҰҰ-ның бітімгершілік күштері құрамында қызмет атқарып жүрген әскери қызметшілердің қауіпсіздігін қамтамасыз етуді өтінді.

Оқи отырыңыз: Сыртқы істер министрі Тоқаев қандай тапсырма бергенін айтты 

"Ливан президенті осындай қиын-қыстау кезеңде қолдау білдіргеніміз үшін алғыс айтып, Қазақстан азаматтарының қауіпсіздігін қамтамасыз етуге уәде берді", - деп атап өтті президент.

Бейрут қаласындағы жарылыс

4 тамыз күні Ливан астанасындағы теңіз порт базасында бірнеше жарылыс болды. Жақын маңдағы және бірнеше шақырым қашықтықтағы үйлер, ғимараттар қирады.

Ливандық БАҚ жүздеген адам зардап шегіп, ондаған тұрғын қайтыс болғанын айтты.

Жарылыс пиротехника қоймасында болуы мүмкін деген болжам жасалды. Алайда Ливан қауіпсіздік қызметінің басшысы генерал Аббас Ибрагим мұны жоққа шығарып, жарылғыш заттар орнатылғанын мәлімдеп отыр.

Жарылыс толқыны салдарынан Ливандағы Қазақстан дипломатиялық миссиясының ғимаратына зақым келді. Ол кезде жұмыс аяқталған. Сондықтан дипломатиялық миссия қызметкерлері кеңседе болмапты. Бірақ жұмыста қалған Қазақстанның Ливандағы консулы Бағлан Сыпабек жарылыс болған кезде жарақат алды.

6
Кілт сөздер:
қауіпсіздік, жарылыс, Қасым-Жомарт Тоқаев
Тақырып бойынша
Ақсайда тазартқыш ғимаратта жарылыс болып, бөлімше бастығы көз жұмды
Бейруттегі жойқын жарылыс: Қазақстан консулы жараланды
Сәкен Сәрсенов

"Қазпоштаның" бұрынғы басшысы жаңа лауазымға тағайындалды

201
Президент Қасым-Жомарт Тоқаевтың өкімімен Сәкен Сәрсенов министрдің орынбасары болып тағайындалды

НҰР-СҰЛТАН, 3 тамыз – Sputnik. "Қазпочта" АҚ бұрынғы төрағасы Сәкен Сәрсенов ішкі істер министрінің орынбасары болды, деп хабарлайды Ақорда.

"Мемлекет басшысының өкімімен Сәрсенов Сәкен Сейітжаппарұлы Қазақстан республикасы ішкі істер министрінің орынбасары қызметіне тағайындалды", – деп хабарлады президентің баспасөз қызметі.

Айта кетейік, 2020 жылдың 25 шілдесінде Қанат Алпысбаев "Қазпочта" АҚ басқарма төрағасы болып тағайындалған болатын.

Оқи отырыңыз: Қазпошта әлеуметтік карталарына жаңа функция енгізіледі

201
Кілт сөздер:
Ішкі істер министрлігі, Сәкен Сәрсенов
Тақырып бойынша
42 500 теңге: "Қазпошта" виртуалды карта шығара бастады
Алматы облысында ауылдық "Қазпошта" бөлімшесін тонаушылардың бірі ұсталды
"Кез келген адам ақша таба алады": Қазпошта жаңа қызметті іске қоспақшы
Көкшетауда екі адам "Қазпошта" бөлімшесін тонап, миллион теңге алған
Карантин пошта жұмысына қалай әсер етті – "Қазпошта" басшысымен онлайн-брифинг