Орталық сайлау комиссиясы

Сайлаудың қорытындысы шықты: ОСК кімнің жеңіске жеткенін жариялады

11789
(Жаңартылды 16:45 10.06.2019)
Кезектен тыс президент сайлауында өз таңдауын сайлаушылардың 77,4 проценті жасады

НҰР-СҰЛТАН, 10 маусым – Sputnik. Орталық сайлау комиссиясы кезектен тыс президент сайлауының алдын ала қорытындысын жариялады. Сонымен, Nur Otan партиясы атынан сайлауға түскен Қасым-Жомарт Тоқаев 70,76% дауыс жинап, жеңіске жетті, деп хабарлайды Sputnik Қазақстан тілшісі.

Орталық сайлау комиссиясының мәлімдеуінше, 9 маусымда өткен президент сайлауында кандидаттар келесідей дауыс жинаған: 

  • Қасым-Жомарт Тоқаев - 70,76%;
  • Әміржан Қосанов - 16,02%;
  • Дания Еспаева - 5,2%;
  • Төлеутай Рақымбеков - 3,2%;
  • Амангелді Таспихов - 2,07%;
  • Жамбыл Ахметбеков -1,82%;
  • Сәдібек Түгел - 0,92%.

Exit poll нәтижесі

9 маусымда өткен президент сайлауынан кейін Exit-poll нәтижесі жарияланып, Қасым-Жомарт Тоқаевтың көпшілік дауыспен жеңіске жеткені белгілі болды.

Тағы оқыңыз: Тоқаев биліктің кімге мұраға қалатынын айтты 

"Қоғамдық пікір" институты жүргізген сауалнама нәтижесі Тоқаевтың 70,13% дауыс жинағанын көрсетті. Сайлаушылардың 15,39%-і Әміржан Қосановқа, 5,32%-і Дания Еспаеваға, 3,86%-і Жамбыл Ахметбековке, 3,03%-і Төлеутай Рақымбековке, 1,41%-і Амангелді Таспиховқа, ал 0,86%-і Сәді-Бек Түгелге дауыс берген.

Ал "Жастар" ғылыми-зерттеу орталығы жүргізген Exit-poll нәтижесі бойынша Қасым-Жомарт Тоқаев 69,94% дауыс жинады. Әміржан Қосанов – 14,96%, Дания Еспаева – 4,78%, Жамбыл Ахметбеков – 3,06%, , Төлейтау Рахимбеков – 2,71%, Амангелді Таспихов – 2,63%, Түгел Сәдібек – 1,92% дауыс жинады.

Дауыс беруге қанша қазақстандық қатысты

9 маусым күні елорда уақытымен 20:00-де еліміздің басым аумағында сайлау учаскелері жабылды. Уақыт белдеуіне байланысты Ақтөбе, Маңғыстау, Батыс Қазақстан, Атырау және Қызылорда облыстарында сайлау учаскелері астана уақытымен 21:00-де жұмысын аяқтады.

Орталық сайлау комиссиясы сайлаушылардың дауыс беруге келуінің алдын ала қорытындысын жариялады. Облыстардың, республикалық маңызы бар қалалардың, астананың сайлау комиссиялары ұсынған мәліметіне сәйкес, сайлаушылардың 77,4 проценті дауыс берген.

Дауыс беруге келген сайлаушылар саны жағынан өңірлер арасында Алматы облысы – 89%, Ақтөбе облысы – 84,9%, Шығыс Қазақстан облысы – 84,9% көш бастады.

Айта кетсек, 2015 жылы өткен президент сайлауында өз таңдауын сайлаушылардың 95,22%-і жасаған.

11789
Кілт сөздер:
президент сайлауы, Қасым-Жомарт Тоқаев
Тақырып:
Президент сайлауы - 2019 (176)
Тақырып бойынша
Тоқаев президент сайлауында 69,94% дауыс жинады - "Жастар" зерттеу орталығы
Тоқаев президент сайлауында 70,13%-пен жеңіске жетті - "Қоғамдық пікір" институты
Тоқаевтың Exit poll қорытындысы жарияланғаннан кейінгі алғашқы мәлімдемесі 
"Жағымды бір жаңалық келді": Тоқаев қазақстандықтарға үндеу жолдады
Шапан киіп келді: президентікке кандидаттар қалай дауыс берді - видео
Қасым-Жомарт Тоқаев

Тоқаев жарлыққа қол қойды

17468
Мемлекет басшысы үкіметке Самарқан қаласында Қазақстанның Бас консулдығын ашу туралы жарлықтан туындайтын қажетті шараларды қабылдауды тапсырды

НҰР-СҰЛТАН, 23 қыркүйек – Sputnik. Президент Қасым-Жомарт Тоқаев Самарқан қаласында Қазақстан Республикасының Бас консулдығын ашу туралы жарлыққа қол қойды, деп хабарлады Ақорда.

"Самарқан қаласында (Өзбекстан Республикасы) Қазақстан Республикасының Бас консулдығы ашылсын", - делінген жарлық мәтінінде.

Мемлекет басшысы үкіметке осы жарлықтан туындайтын қажетті шараларды қабылдауды тапсырды.

Жарлық қол қойылған күнінен бастап қолданысқа енгізіледі.

Оқи отырыңыз: Тоқаев пен Мирзиёев телефон арқылы сөйлесті

Самарқан – Өзбекстандағы ежелгі қала, Самарқан облысының орталығы. Зеравшан өзен аңғарында орналасқан. Онда жарты миллионнан астам адам тұрады.

4 ғасырдан 6 ғасырға дейін Түрік қағанатының құрамына енген Соғды мемлекетінің, 14 ғасырдың аяғы мен 15 ғасырдың басында Әмір Темір мемлекетінің, ал 1924-30 жылдары Өзбекстанның астанасы болды.

1938 жылдан облыс орталығы. 1970 жылы қазанда Самарқанның 2500 жылдығы аталып өтті.

17468
Кілт сөздер:
жарлық, Самарқанд, Қасым-Жомарт Тоқаев
Тақырып бойынша
Президент Қарағанды облысының әкіміне тапсырма берді
Тоқаевтың жарлығы қоғамдық талқылауға шығарылды
Халықтың кредиті кешіріле ме – экономистер жауап берді
Тоқаев БҰҰ Бас ассамблеясында әлемге төнген жаңа қауіпті атады
Тоқаев ашаршылық қасіреті туралы іс-шаралар қабылдауды тапсырды
Ұшақ терезесінен қарағанда, архивтегі сурет

Қазақстан Ливияға қару тасымалдаған үш әуекомпанияның жұмысын тоқтатты

165
(Жаңартылды 13:11 23.09.2020)
Біздің елде тіркелген әуе кемелерімен Ливияға қару жеткізу эмбаргосына қатысты БҰҰ Қауіпсіздік кеңесі санкцияларының бұзылуы бойынша 2020 жылдың ақпанында Қазақстанға хат ұсынылған болатын

АЛМАТЫ, 23 қыркүйек – Sputnik. Қазақстанның индустрия және инфрақұрылымдық даму министрлігі құқық қорғау органдарымен бірлесіп Біріккен ұлттар ұйымы Қауіпсіздік кеңесінің Ливияға қару жеткізу жөніндегі тыйымын бұзған қазақстандық үш әуекомпания бойынша жұмыс жүргізді, деп хабарлайды Sputnik Қазақстан.

Министрлік бұл жұмыстар "Azee Air" ЖШС, "Sigma Airlines" ЖШС және "Jenis Air" ЖШС-ға қатысты жүргізілгенін хабарлады.

Әуе кемелерінің меншік иелері – Біріккен Араб Әмірліктері (SPACE CARGO INC., AGANYA LTD) мен Британ Виргин аралдарында (LTD "Infinitive Seal Inc.") тіркелген шетелдік компаниялар.

Бұл ұшақтар Таяу Шығыс аймағында шетелдік тапсырыс берушілердің мүдделері үшін пайдаланылған. Ұшақтардың негізгі базасы Біріккен Араб Әмірліктері болып табылады. Ал БҰҰ Қауіпсіздік Кеңесінің санкциясы бар елдерге рейстер үшінші елдердің аумағы арқылы жүзеге асырылған.

"Халықаралық тәжірибеге сәйкес, шетелде қалыптасқан тасымалданатын жүктердің сипатын пайдаланушы мемлекет, яғни Қазақстан бақыламайды. Керісінше, ұшу жүзеге асырылатын шет мемлекеттің мемлекеттік органдары жүкті қадағалайды", – делінген хабарламада.

Қазақстанның авиациялық әкімшілігі Қазақстан Республикасы заңнамасының, ICAO стандарттары мен ұсынылатын тәжірибесінің талаптарын сақтау тұрғысынан тексеру жүргізді. Нәтижесінде, Қазақстанның авиациялық әкімшілігі бас директорының 2020 жылдың 29 мамырдағы №167/1 бұйрығына сәйкес, аталған үш әуе компанияның азаматтық әуе кемелерінің пайдаланушысы сертификатын, соның ішінде "Sigma Airlines" ЖШС сертификатының қолданылуын уақытша тоқтатты.

Оқи отырыңыз: Көп жыл Назарбаевтың ұшағын басқарған пилот Елбасы туралы айтып берді

165
Кілт сөздер:
әуе компаниясы, әуе қатынасы
Тақырып бойынша
Қазақстандықтар 26 қыркүйектен бастап Мәскеуге ұша алады
Қырғызстанға ұшуға рұқсат берілді: алғашқы рейске билеттер сатылып кетті
"Ұшақты атқылаған": үш жыл бұрынғы әуе апатына қатысты жаңа дерек шықты
Отандық әуе компаниясы Сауд Арабиясына тұрақты ұшуға рұқсат алды
Bek Air әуе компаниясы рейстерді қай уақытқа дейін тоқтатқаны белгілі болды
Архивтегі фото

Ұшақ Алматыны бір сағат айналып ұшты: Air Astana не болғанын түсіндірді

0
Қалада тәжірибелі нұсқаушылардың басшылығымен оқу-жаттығу өткен, ұшақ бортында жолаушылар мен бортсеріктер болмады

АЛМАТЫ, 23 қыркүйек – Sputnik. Сәрсенбіде Air Astana ұшағы бір сағат бойы Алматы аспанын айналып ұшты. Flightradar24 мәліметінше, әуе кемесі қаланы бірнеше рет айналған.

Әуе компаниясы бұл оқу-жаттығу екенін мәлімдеді.

"Алматы аспанын айналып ұшу кезінде аэродромдық дайындық жасалды, бұл жаңадан келген ұшқыштарға – курсанттар немесе ұшақтың басқа түрлерін басқарған ұшқыштарға арналған ұшу дайындығының бір бөлігі болып саналады", - деп түсіндірді Sputnik Қазақстанға Air Astana баспасөз қызметі.   

Аэродромдық дайындыққа "конвейерден" ретті ұшу (қонғаннан кейін ұшу-қону жолағында тоқтамай), схема бойынша Алматы әуежайы аймағында айналып ұшу, кейін қонып, екінші айналымға кету кіреді.

"Жолаушыларға жақындауға қорықтым": бортсерік басынан кешкен жағдайды айтып берді

Кадеттің дайындық дәрежесіне қарай, әр ұшқыш күніне төрт сағаттан алты сағатқа дейін ұшады.  

"Қазіргі таңда жаңа ұшқыштар көптеп келіп жатқанына байланысты мұндай оқу-жаттығу айына 2-4 мәрте өткізіледі", - деп атап өтті Air Astana.  

Мамандар оқу-жаттығу тәжірибелі нұсқаушылардың басшылығымен өтетінін баса айтты. Сонымен бірге бортта жолаушылар мен бортсеріктер болмайды.  

0
Кілт сөздер:
Алматы, Эйр Астана, ұшақ