Портфель, архивтегі сурет

Шымкент қаласының жаңа әкімі тағайындалды

1651
(Жаңартылды 19:51 30.07.2019)
Ерлан Айтаханов бұған дейін Түркістан облысы Отырар ауданының әкімі болған

НҰР-СҰЛТАН, 30 шілде — Sputnik. Шымкент қаласының әкімі қызметіне Ерлан Айтаханов тағайындалды, деп хабарлайды Ақорда.

"Ерлан Қуанышұлы Айтаханов Шымкент қаласының әкімі болып тағайындалсын", - деп жазылған жарлықта.

Жаңа әкім бұл қызметте Ғабидолла Әбдірахымовты алмастырды. Бұған дейін Ерлан Айтаханов Түркістан облысы Отырар ауданының әкімі қызметін атқарған.

Ерлан Айтаханов туралы не білеміз?

Ерлан Айтаханов 1971 жылы 10 желтоқсанда бұрынғы Шымкент облысы Алғабас ауданында туған.

Ерлан Айтаханов
Ерлан Айтаханов

М.В. Ломоносов атындағы Мәскеу мемлекеттік университетін, Қазақ мемлекеттік заң академиясын тәмамдаған. Экономика ғылымдарының кандидаты.

Еңбек жолын 1994 жылы Alem Bank Kazakstan кредит беру департаментінің экономисі болып бастаған. 1995-2012 жылдары Орталық Азия ынтымақтастық және даму банкінің кредит беру департаментінің бас маманы, "Қазақстан темір жолы" қаржы және бухгалтерлік есеп бас басқармасының бастығы, экономика, қаржы және бухгалтерлік есеп департаментінің бастығы болып жұмыс істеген.

Оңтүстік Қазақстан облысы әкімінің орынбасары, ҚР президенті әкімшілігінің мемлекеттік инспекторы қызметін атқарған. 2014 жылғы қазан айынан бастап Оңтүстік Қазақстан облысы әкімінің орынбасары, 2016 жылдан бастап Отырар ауданының әкімі болды.

Тағы оқыңыз: Ғабидолла Әбдірахымов туралы қызықты деректер

Қазақ, орыс, ағылшын тілін меңгерген.

Бұрынғы сенатор Қуаныш Айтахановтың баласы.

Үйленген, екі ұлы бар.

1651
Кілт сөздер:
жаңа әкім, қала, Шымкент
Тақырып бойынша
Асқар Бейсенбаев туралы не білеміз?
Шымкентті "зың" деп, "вау" етуге уәде берген Ғабидолла Әбдірахымов – қызықты деректер
"Жұмыс істе" Назарбаевтан екі рет сөз естіген Астана әкімі туралы не білмейміз?
"Паранжа киіп жүрейін бе?" Шымкент әкімі киіміне қатысты сұраққа жауап берді
Мемлекет басшыларының кездесуі

Тоқаев Ресей президентін құттықтады

23
(Жаңартылды 17:00 02.07.2020)
Мемлекет басшысы Владимир Путинге коронавирус індетінің таралуына қарсы күресте гуманитарлық көмек көрсеткені үшін ризашылық білдірді 

АЛМАТЫ, 2 шілде – Sputnik. Қазақстан президенті Қасым-Жомарт Тоқаев Владимир Путинді Ресей Федерациясының Конституциясына түзетулер енгізу жөніндегі жалпыхалықтық дауыс берудің нәтижелі өтуімен құттықтады, деп хабарлады Ақорда.

Екі елдің басшылары телефон арқылы сөйлесті.

Қазақстан президенті Ресей тарихындағы бұл маңызды оқиға елді одан әрі дамытудың жаңа кезеңіне жол ашып, ұзақмерзімді даму стратегиясын жүзеге асырудың, мемлекеттілікті, егемендікті және экономикалық өсімді қорғаудың берік негізін қалағанын айтты. Сонымен қатар халықтың Ресей көшбасшысына жоғары деңгейде қолдау көрсеткенін атап өтті.

Сондай-ақ, Қасым-Жомарт Тоқаев Владимир Путинге коронавирус індетінің таралуына қарсы күресте елімізге гуманитарлық көмек көрсеткені үшін ризашылық білдірді. 

Айта кетейік, дауыс бергендердің 78,03 проценті Ресей Конституциясына түзетулер енгізуді қолдаса, ал 21,16% қарсы дауыс берді. Дауыс беруге қатысқандар шамамен 65%. 

Қазақстанда Ресейдің Нұр-Сұлтандағы елшілігінде және Алматы, Орал және Өскемендегі, сондай-ақ Байқоңырдағы консулдықтарда сайлау учаскелері жұмыс істеді.

1 шілде Ресей Конституциясына түзетулер енгізу туралы бүкілресейлік дауыс берудің негізгі және соңғы күні болды. Бұл Ресей тарихында алғаш рет бір аптаға жалғасқан шара болды. Дауыс беру 25 маусымда басталған болатын.

23
Кілт сөздер:
Владимир Путин, Ресей, Қасым-Жомарт Тоқаев, Қазақстан
Тақырып бойынша
Путин Тоқаевтың қандай адам екенін айтты
Путин Тоқаевқа қандай сыйлық жасағаны белгілі болды
"Ең жаманы – осы": Тоқаев коронавирусқа байланысты елдегі жағдай туралы айтты
Тоқаев Назарбаев туралы жазды
Тоқаев Нұрсұлтан Назарбаевтың мінезі туралы айтты
Қазақстан президенті Қасым-Жомарт Тоқаев

Тоқаев Ресейге алғыс айтты

877
(Жаңартылды 13:54 01.07.2020)
Ресей тарапы Қазақстанға дәрі-дәрмек жөнелтті, сонымен қатар, коронавируспен күресуге көмектесу үшін өз мамандарын жібереді

НҰР-СҰЛТАН, 1 шілде – Sputnik. Қазақстан президенті Қасым-Жомарт Тоқаев Ресейге гуманитарлық көмек көрсеткені үшін ризашылығын білдірді.

"Ресей үкіметі коронавирус пандемиясына қарсы күресу үшін Қазақстанға гуманитарлық көмек беру туралы шешім қабылдады. Ресейдің жоғары басшылығына дер кезінде медициналық препараттар мен дәрілер жеткізгені үшін ризашылығымды білдіремін", - деп жазды Тоқаев Twitter-де.

30 маусымда Қазақстан премьер-министрі Асқар Мамин Ресей үкіметінің төрағасы Михаил Мишустинмен телефон арқылы сөйлесті.

Тағы оқыңыз: Қатаң карантин қайта оралуы мүмкін: Тоқаев үкіметке екі күн уақыт берді

Ресей тарапы індетпен күресу үшін гуманитарлық көмек көрсетуге, сонымен қатар, жұқпалы аурулар ауруханалары мен вирусологиялық зертханалар ашу бойынша білікті мамандарын Қазақстанға жіберуге дайын екенін білдірді. 

Соңғы деректерге сүйенсек, Қазақстанда COVID-19 індетіне шалдыққан 40 мыңнан астам адам тіркелді.

877
Кілт сөздер:
коронавирус, Ресей, Қасым-Жомарт Тоқаев
Тақырып бойынша
ДДҰ әлемде коронавирус жедел тарап жатқанын мәлімдеді
Қазақстанда коронавирустан қайтыс болғандарды жерлеу тәртібі өзгерді
Коронавирустың жеңіл түріне шалдыққандардың тамағы қызарып, мұрны бітеледі
Нұрлы жол вокзалында жолаушылардың құжатын тексеру

Қазақстанда карантиннің күшеюіне байланысты қандай пойыздар тоқтайды

0
Республикада екі аптаға енгізілген шектеу шараларына байланысты бірнеше пойыздың қатынау жиілігі қысқарған

НҰР-СҰЛТАН, 2 шілде – Sputnik. Қазақстанда карантиннің күшеюіне байланысты жолаушыларды пойызбен тасымалдауға қатысты шектеу шаралары енгізілді, деп хабарлайды Sputnik Қазақстан индустрия және инфрақұрылымдық даму министрлігіне сілтеме жасап.

"Осы жылдың 2 шілдесінде, елдегі ағымдағы эпидемиологиялық жағдайды ескеріп, мемлекеттік комиссия темір жол көлігімен жолаушыларды тасымалдау бойынша шектеу шараларын енгізу туралы шешім қабылдады", - делінген министрліктің хабарламасында.

Осыған байланысты 5 шілдеден бастап №321/322 "Алматы – Сарыағаш" жолаушылар пойызы уақытша тоқтатылады.

Тағы оқыңыз: Қазақстанда екі апталық карантиннің талаптары бекітілді

Сонымен қатар, бірнеше жолаушылар пойызының жүру жиілігі қысқарады.

Атап айтсақ, №3/4 "Алматы-Нұр-Сұлтан", № 31/32" Алматы-Павлодар" және  № 67/68" Нұр-Сұлтан-Өскемен " пойыздары бұрынғыдай күн сайын емес, күнара қатынайды.

Ал №257/258 "Нұр-Сұлтан-Достық" пойызы аптасына екі рет емес, тек бір рет жүреді.

Бұған дейін 1 шілдеден елордадан шығатын үш пойыздың қозғалысы уақытша тоқтатылғаны хабарланған болатын.

  • №19/20 "Нұр-Сұлтан-Атырау";
  • №95/96 " Нұр-Сұлтан-Орал";
  • №701/702 "Нұр-Сұлтан-Алматы".

Төтенше жағдай аяқталғаннан кейін, бірінші маусымнан жолаушылар пойыздарының қозғалысы кезең-кезеңмен жандана бастады. Бүгінде 93 пойыз қатынайды.  

Қазақстанда 5 шілдеден жаңа карантин басталады.

Ел ішінде әуе және теміржол қатынасы сақталады, бірақ бірқатар шектеу көзделген. Өңірлер арасында қалааралық автобустар уақытша тоқтатылады.

Бұдан бөлек, қоғамдық көліктің жұмыс уақыты шектеледі.

Карантин әзірге екі аптаға енгізіліп отыр, одан кейін ұзартылуы немесе қатаңдатылуы мүмкін.

0
Кілт сөздер:
пойыздар, карантин
Тақырып:
Төтенше жағдай және карантин
Тақырып бойынша
Карантин режимін бұзғандар жауапқа тартылады – Тоғжанов
Қазақстанда карантин қандай жағдайда қатаңдатылады
Қазақстанда жаңа карантин жарияланды: 42 500 теңге төлене ме?
Вице-премьер тығылып той өткізетіндер туралы айтты