Қасым-Жомарт Тоқаев, архивтегі сурет

Тоқаев жолдауда не туралы айтады - сарапшылар болжам жасады

2588
(Жаңартылды 18:58 29.08.2019)
Келесі аптада Қазақстан президенті халыққа жолдау арнайды. Белгілі саясаттанушылар Тоқаевтың не айтатыны туралы болжам жасады

НҰР-СҰЛТАН, 29 тамыз – Sputnik. Алдағы дүйсенбі, 2 қыркүйекте Қазақстанның президенті Қасым-Жомарт Тоқаев халыққа алғашқы жолдауын арнайды. Sputnik Қазақстан тілшісіне сұхбат берген саясаттанушылар жолдаудың негізгі тұстарына тоқаталды. Мемлекет басшысының жолдауынан халықтың не күтетінін де айтып берді.

"Жолдау реалистік сипатта жазылуы қажет"

Саясаттанушы Айдос Сарымның айтуынша, президент жолдаудың мазмұндық жағын өз анонсында көрсетті. Бірақ бүгінде қоғамды алаңдатып отырған нақты екі бағыт бар. Біріншісі - экономикалық жағдай. Бүгінде санкциялық соғыстардың салдарынан қиыншылықтар туындауы мүмкін деген болжам көп. Ал Қазақстанның экономикасы оған дайын ба? Мемлекеттік аппараттың әлеуеті жете ме? Жоқ па? Осы сұрақтардың жауабы қажет. 

Екінші бағыт – саяси реформалар. Себебі алдағы бір жарым жылдың ішінде Қазақстанда үлкен үш сайлау науқаны өтеді. Соның алдында белгілі бір саяси реформаларды өткізіп, заңдарды өзгерту керек.

"Қоғамның ішінде, саяси таптың ішінде осы реформалардың бағыт-бағдары бойынша консенсус бар сияқты. Жалпы, реформа керек. Ал оның тереңдігі, оның мән-мазмұны қандай болады? Оны талқылау қажет. Президент оған қандай баға береді? Осыған қатысты қоғам ішінде үміт те, пессимизм де, негативизм де бар", - дейді Сарым.

Сарапшының ойынша, жолдау реалистік сипатта жазылуы шарт. Ал оның ішінде шынайы мәселелер көрініс тапқаны жөн.

Тағы оқыңыз: Тоқаев 2 қыркүйекте қандай мәлімдеме жасайды - саясаттанушы пікірі

"Бір жағынан стильдік өзгерістердің керек екені анық. Меніңше, биік әңгімелерден гөрі нақты мемлекетті, қоғамды, мемлекеттік аппаратты іскерлік арнаға бұратын стиль болса деп отырмыз. Ғасырлар бойы шешендік өнері жағынан мақтанып жүретін жолдаудан гөрі нақты құжаттың болғаны дұрыс сияқты", - деп атап көрсетті Сарым.

10 бастама қайталана ма?

Ал саясаттанушы Досым Сәтпаевтың ойынша, Қасым-Жомарт Тоқаев өзінің ұлықтау рәсімі кезінде жариялаған 10 басым бағыттың аясынан шықпайды.

"Жолдауда тағы сол бастамалар туралы айтылатын сияқты. Соны басқаша формада айтуы да мүмкін. Естеріңізде болса, 10 мақсат-міндеттің 90 проценті әлеуметтік-экономикалық мәселелерді қамтыды. Иә, жемқорлықпен күрес, сот пен ішкі істер жүйесін өзгерту жайы сөз болды. Дегенмен, саяси реформалар туралы ештеңе айтылмады", - дейді Сәтпаев.

Тағы оқыңыз: "Бізге сын": Тоқаев жаңа тапсырмалар берді

Оның айтуынша, "Nur Otan" партиясының соңғы отырысында саяси жүйеде көп өзгеріс болмайтыны анық байқалды. Партия төрағасы да бір саяси ұйымды күшейтіп, соған басымдық беру керектігін жеткізді.

"Енді Тоқаевтың саяси тұрғыда маневр жасайтын жері көп емес. Былай ғой, егер ішкі саясат саласындағы монополия түңғыш президентке тиесілі болса, Тоқаевқа имиджді көтеру үшін әлеуметтік саланы беруі мүмкін. Көпбалалы отбасыларға жәрдемақы төлеу, кредитін өтеу, мұғалімдердің еңбекақысын көтеру сияқты шаралардың аясынан шыға алмайды. Дәл осы сегментте жұмыс істейді. Меніңше, бүгінде көбісі Тоқаевтан бұған дейін айтылған 10 бастаманы қайталауды емес, жолдауға саяси контекст те қосатынын күтіп отыр. Ал саяси реформалардың болмауынан көптеген әлеуметтік-экономикалық реформа тежеліп тұр", - деді Сәтпаев.

2588
Кілт сөздер:
жолдау, Қасым-Жомарт Тоқаев
Тақырып:
Президент жолдауы - 2019 (26)
Тақырып бойынша
"Негізсіз шығындарды қысқарту керек": Тоқаев бюджетке қатысты тапсырма берді
Тоқаев жастардың ұсынысына қолдау білдірді
Тоқаев президенттің кадрлық резервін "блатсыз" құруды тапсырды
Беларусь президенті Тоқаевтың қандай адам екенін ашық айтты
Тоқаев жарлығы: ерлі-зайыптының кредиті қалай өтеледі?
Қасым-Жомарт Тоқаев

Президент Қазақстанда Қырым сценарийі қайталануы мүмкін дегендерге жауап берді

491
(Жаңартылды 12:14 03.06.2020)
Тоқаев Қырым немесе Донбасс сценарийінің Қазақстанда қайталануы туралы болжам жасайтындар туралы ойын айтты

АЛМАТЫ, 3 маусым – Sputnik. Мемлекет басшысы Қасым-Жомарт Тоқаев Қазақстанда Қырым немесе Донбасс сценарийінің қайталануы мүмкін деген болжамға жауап берді.

"Мұндай псевдосарапшылардың болжамында маңызды негіз жоқ. Олар Қазақстандағы жағдайды тұрақсыздандыруға және мемлекеттер арасындағы тату көршілік, одақтастық қарым-қатынастарды бұзуға бағытталған. Мұндай болжамды тек құзіреті жоқ, біреудің сөзін сөйлейтін қастық ойлаушылар ғана айта алады", - деді президент "Комсомольская правда" газетіне берген сұхбатында.

Сонымен қатар президент Қазақстан Ресей мен Беларусьтің одақтас мемлекетіне кіруі мүмкін бе деген сауалға жауап берді. Айтуынша, Қазақстанның Ресей мен Беларусьтің одағына қосылу жоспары жоқ.

"Қазақстан Ресей және Беларусьпен екіжақты форматта, сондай-ақ интеграциялық бірлестіктер (ЕАЭО, ҰҚШҰ, ТМД) аясында ынтымақтастық қарым-қатынаста және Ресей мен Беларусьтің одақтас мемлекетіне қосылу жоспары жоқ", - деді мемлекет басшысы.

Басым бағыт – аталған интеграциялар аясында одан әрі даму, деп атап өтті Тоқаев.

Сондай-ақ, экономикалық одақ ретінде ЕАЭО әлеуетін күшейту үлкен қызығушылық тудыратынын атап өтті.

"Кооперациялық байланыстарды дамыта отырып, тауарлардың, қызметтердің, жұмыс күшінің ортақ нарығын құра отырып, Одаққа қатысушы мемлекеттердің инвестиция тартуды күшейте отырып, ЕАЭО-ны жаһандық ауқымдағы тиімді құрылымға айналдыра аламыз. Бұл бағыттағы жұмыс жалғасып жатыр. 2025 жылға қарай жалпы энергетикалық, қаржы нарықтары қалыптастырылады. Басым бағыт – цифрлық өзара әрекеттесу", - деді Тоқаев.

491
Тақырып бойынша
Тоқаев Қытай төрағасы телефонмен сөйлескенде өзіне не дегенін айтты
Тоқаев: Қазақстандағы орыстар – еліміздің ажырамас бөлігі
Тоқаев Ресей Қазақстан үшін неге маңызды екенін айтты
Тоқаев Ресей және Қытаймен арадағы қарым-қатынас туралы айтты
Тоқаев Ресей, Беларусь және Қырғызстан президенттеріне орден тақты
Халыаралық әскери жиындар

Тоқаев: Қазақстанда АҚШ әскери базасын салу мәселесі талқыланбайды

84
(Жаңартылды 08:36 03.06.2020)
Қазақстан Америка құрама штаттарымен әріптестік орнатқан, алайда әскери база мәселесін қарастырмайды

НҰР-СҰЛТАН, 3 маусым – Sputnik. Қазақстан президенті Қасым-Жомарт Тоқаев Қазақстанда АҚШ-тың әскери базасын алу мәселесі қарастырылмайтынын айтты. 

"Қазақстанда АҚШ-тың әскери базасын салу мәселесі талқыланбайды және күн тәртібінде тұрған жоқ", - деді ол "Комсомольская правда" басылымына берген сұхбатында.

Президент Қазақстан мен Америка құрама штаттары арасында энергетика, инвестиция және технология салалары бойынша әріптестік сәтті жүзеге асырылып жатқанын жеткізді.

"Біз АҚШ-пен ядролық қаруды таратпау мәселесі бойынша үнемі байланыстамыз", - деді Тоқаев.

Мемлекет басшысы бұған дейін Қазақстан мен АҚШ мамандары арасында биологиялық қауіпсіздік мәселесі бойынша тығыз әріптестік болғанын атап өтті. 2016 жылдың қыркүйек айында Алматыда Орталық референс-зертхана ашылды. Кейбір мәліметтерге сәйкес, оның құрылысына АҚШ үкіметі 130 миллион доллар бөлген.

"Келісімшарттың аяқталуына байланысты АҚШ ғалымдары Алматыдағы биозертханадан кетті. Қазіргі уақытта тек қазақстандық мамандар жұмыс істеп жатыр. Зертхана мемлекет бюджетінен қаржыландырылады", - деді Тоқаев.

Биологиялық қауіпсіздік саласындағы зерттеулер Қазақстан үшін маңызды. Сондықтан Тоқаев Қазақстан ресейлік мамандармен әріптестік орнатуға дайын екенін жеткізді.

Бір апта бұрын Қазақстан президенті биологиялық қауіпсіздік жөніндегі заң әзірлеуді тапсырған болатын.

84
Кілт сөздер:
әскери база, АҚШ, Қасым-Жомарт Тоқаев
Тақырып бойынша
Тоқаев шенеуніктерге: ақша мен уақытты босқа жұмсауды доғару керек
Қазақстан қақтығыстарды бейбіт жолмен реттеуге үлес қоса алады – Тоқаев
Тоқаев қазақстандықтарға үндеу жасады
Тоқаев дезинфекция жасап жүрген жігітті таныды - видео
Тоқаев парламенттік оппозиция туралы конституциялық заңға қол қойды
Жандарбек Бекшин

Бекшин Алматыда енгізілген шектеу шараларын түсіндірді

10
Қазір қалада адамдар кәсіпкерлердің үйін жалға алып жатыр. Ұжым болып жиналып, карантин режимін бұзатындар көбейген

АЛМАТЫ, 3 маусым – Sputnik. Алматының бас санитар дәрігері Жандарбек Бекшин 1 маусымда қабылданған қаулыдағы шектеу шараларын түсіндірді, деп хабарлайды Sputnik Қазақстан тілшісі.

Қаулыға сәйкес, қала аумағанда топ болып жиналуға тыйым салынады.

"Қала алаңдарында, аумағында адамдардың топ болып жүруіне шектеу қойып жатырмыз. Қазір адамдар жеке үйлерді, кәсіпкерлердің үйін жалға алып жатыр. Ұжым болып жиналып, карантин режимін бұзатындар көбейді. Сол себепті осындай шешім қабылдадық", - деді ол.

Сонымен қатар баланы балабақшадан алып қайтуға егде жастағы кісілерді жібермеуге қатысты ұсынысын түсіндірді.

"60-65 жастан асқан кісілер инфекцияны тез жұқтыратын қауіпті топқа кіреді. Ең бірінші талап – оларды оқшаулау. Үлкендер бұл талапты қатаң сақтап келгендіктен науқастар арасында олардың саны көп емес. Жастардың үлесі – 41%,  үлкендердің үлесі жеті процентке жетпейді. Үлкендерге қарым-қатынасты азайту керек", - деді ол.

Қаланың бас санитар дәрігері мемлекеттік балабақшаны ашу туралы мәселе 15 маусымға дейін көтерілмейтінін айтты.  

Сонымен қатар ашық бассейн мен жағажайдың жұмысына рұқсат беру мәселесі де 15 маусымнан кейін қаралатынын жеткізді.

Оқи отырыңыз: Алматыда карантин шарасы күшейтіледі 

"Бізде күн ыстық, көбіне судың сапасы қажетті бактериологиялық және паразитологиялық көрсеткіштерге сәйкес келмейтінін көпжылдық талдау көрсетіп отыр. Сол себепті шомылу аймақтарын ашу мәселесін қарастырмаймыз. Оларды 1 маусымнан бастап ашу жөнінде бірқатар ұсыныс түсті, алайда бұл мәселені 15 маусымнан кейін қарастырамыз", - деді Бекшин.

Ол қаладағы спорт кешендерінде бассейн ашық екенін, ал Алматыдағы су қоймаларының сапасы сын көтермейтінін алға тартты.

10
Кілт сөздер:
Алматы, Жандарбек Бекшин
Тақырып:
Төтенше жағдай және карантин
Тақырып бойынша
Қазақстанда карантин кезінде балалар суициді жиілеген
Бекшин Алматыда қызметі тоқтатылған нысандарды атады
Әскерге шақырылғандар он төрт күнге карантинге алынады 
Алматыда той жасауға рұқсат берілді ме
Блок бекетте шын мәнінде не болғаны жұртқа жария етіледі – полиция бастығы