үкімет отырысы

"Бірінші басшылар жауапты": Мамин әкімдер мен министрлерге тапсырма берді

1039
(Жаңартылды 11:35 03.09.2019)
Қазақстан президентінің халыққа жолдауын іске асыру бойынша жалпыұлттық іс-шаралар жоспары әзірленеді

НҰР-СҰЛТАН, 3 қыркүйек – Sputnik. Премьер-министр Асқар Мамин мемлекет басшысының тапсырмасын орындауға бірінші басшылар жауапты екенін еске салды, деп хабарлайды Sputnik Қазақстан тілшісі.

"Мемлекет басшысының тапсырмасын орындауға бірінші басшылар дербес жауапты екенін назарларыңызға саламын. Президенттің әрбір тапсырмасын орындау қатаң бақылауға алынып, орындаудың нақты мерзімі белгіленуі қажет. Біз қойылған міндеттерді тиімді шешу бойынша үйлесімді жұмыс жүргізуіміз керек", - деді Мамин үкімет отырысында.

Премьер жолдаудағы барлық бағыт бойынша жалпыұлттық іс-шаралар жоспары әзірленетінін атап өтті.

"Жолдаудың іске асырылуы толығымен қаржылай қамтамасыз етілуі қажет", - деді ол.

Үкімет басшысы мемлекеттік органдарға іс-шаралар жоспарына қатысты ұсыныстарды ұлттық экономика министрлігіне 5 қыркүйекке дейін өткізуді тапсырды. Ал министрлік тиісті қаулы жобасын 7 қыркүйекте үкіметке енгізуі керек.

Маминнің айтуынша, жалпыұлттық іс-шаралар жоспарын президентке бекітуге енгізу үшін ол келесі отырыста мақұлдануы тиіс.

1039
Кілт сөздер:
министрлер, әкімдер, Асқар Мамин
Тақырып:
Президент жолдауы - 2019 (26)
Тақырып бойынша
Зейнетақы қорындағы ақшаны алуға кімге рұқсат беріледі – Сапарбаевтың жауабы
Тоқаев қазақ тіліне қатысты мәлімдеме жасады
Шағын бизнес салықтан қашан босатылатыны белгілі болды
Жұмыс істейтіндерге беріледі: Тоқаев 1 қаңтардан бастап өзгеріс болатынын айтты
Загрузка...