Қытай мен Қазақстан тулары, архивтегі сурет

Тоқаевтың баспасөз хатшысы Қытайдың Қазақстандағы басты мақсатын атады

898
Берік Уәлидің айтуынша, Қытаймен арадағы байланысты нығайтып, мәңгілік стратегиялық әріптестік орнату - заңдылық

НҰР-СҰЛТАН, 13 қыркүйек – Sputnik. Қытай Қазақстан жеріне ешқашан көзін алартып қарамайды. Олардың басты мақсаты – сауда жасау. Бұл туралы бүгін Қазақстан президентінің баспасөз хатшысы Берік Уәли айтты, деп хабарлайды Sputnik Қазақстан тілшісі.

Уәли президенттің Қытайға жасаған екі күндік сапарын қорытындылады. Айтуынша, мемлекеттік сапар екі елдің ұзақ мерзімді стратегиялық қарым-қатынасын нығайта түседі.

"Өздеріңіз білесіздер, Қазақстан территориялық тұрғыдан әлемдегі екі алып мемлекетпен құрлықтық шекарасы бар. Оның бірі Ресей болса, шығысымызда – Қытай. Қазіргі таңда еліміздің 1782 шақырым шекарасы осы Қытаймен шектеседі. Бұл үлкен құрлықтық шекара болып есептеледі. Көршілес, іргелес тұрған елмен араласпай, алыс-беріс жасамай тұра алмаймыз. Өйткені Қытай – біздің Құдай қосқан көршіміз. Сол себепті Қытаймен байланысымызды орнықтыруымыз, мәңгілік стратегиялық әріптестік орнатуымыз заңдылық деп есептейміз", - деді ол орталық коммуникациялар қызметінде өткен баспасөз мәслихатында.

Тағы оқыңыз: Тоқаевтың Қытайға не үшін барғаны белгілі болды

Уәли Қытай жоғары технология өнімдерін өндіру бойынша жаһандық деңгейде көшбасшы саналатынын атап өтті.

"Оны мойындауымыз керек. Кешегі сапар барысында оған көз де жеткіздік. Оның үстіне әлемдегі экономикасы дамыған екінші ел саналады. Осындай әлеуеті күшті мемлекетпен араласпай, шекарамызды жауып отыру мүмкін де емес. Оны барлықтарыңыз жақсы білесіздер", - деді баспасөз хатшысы.
Айтуынша, Қазақстан Қытайдың жаңа технологиясын күнделікті өмірде пайдалануға, өндіріс орындарына инновациялық жаңалықтар енгізуге мүдделі.

"Сол себепті біз мынаны түсінуіміз керек деп ойлаймын. Қытай бізге өзінің идеологиялық саясатын таңып, қандай да бір құйтырқы ойын жасап отырған жоқ. Қытай Қазақстанның жеріне ешқашан көзін алартып қарамайды. Біздің территориялық тұтастығымызды толық мойындап отыр. Қазақстанға тек стратегиялық әріптес ретінде қарайды. Оның негізгі мақсаты – сауда жасау. Сауда арқылы пайда табу. Әлемнің қай түкпірінде жүрмесін, бұл - олардың басты мақсаты, мұраты. Осы бағытта жұмыс істеп келе жатыр", - деді Уәли.

Тағы оқыңыз: "Бас тарта алмаймыз": вице-премьер Қытаймен бірлескен 55 жоба туралы айтты

Ол бүгінде барлық әлем Қытайдың инвестициясына ұмтылып жатқанын, Қазақстан да бұл үрдістен қаша алмайтынын жеткізді.

898
Кілт сөздер:
Қазақстан, Қытай, Қасым-Жомарт Тоқаев
Тақырып бойынша
Тоқаев Қазақстан мен Қытай тарихында ортақ дүниелер бар екенін айтты
Қытаймен бірлескен кәсіпорындар құруға мүдделіміз - Тоқаев
Қазақстан мен Қытайдың қарым-қатынасы жаңа тарихи кезеңге өтті - Ли Чжаньшу
Тоқаев Қытайда Ақжарқын Тұрлыбайдың мәселесін көтерді
Тоқаев Қытай төрағасын Қазақстанға шақырды
Тоқаев: Қазақстанға қытай туристерін тартуға мол мүмкіндік бар
Нурсултан Назарбаев

Назарбаев билік ауысқан кезде не болатынын айтты - видео

5890
(Жаңартылды 19:57 03.07.2020)
Фильм 6 шілде күні сағат 21.40-та эфирге шығады. Елбасының баспасөз қызметі фильмнің анонсын жариялады

НҰР-СҰЛТАН, 3 шілде — Sputnik. Қазақстанның тұңғыш президенті билік транзиті мен коронавирус пандемиясының әсері туралы айтты. Елбасының баспасөз қызметі "Пусть следующие поколения сделают лучше меня..." деректі фильмінің анонсын жариялады.

Жарыққа шығатын фильм журналист Айгүл Әділова мен Елбасы баспасөз қызметінің арнайы жобасы. Көрермендер фильмді 6 шілде күні сағат 21.40-та "Хабар" арнасынан тамашалай алады.

"Биліктің ауысуы - қауіпті сәт. Бұл кезде үнемі тәртіпсіздіктер болады. Барлық саяси күштер бас көтереді. Мен осыны ескердім", - деді Назарбаев.

Елбасының айтуынша, коронавирус билік жақсы басқаратын елдер қиындыққа төтеп бере алатынын көрсетті. Ол адамдар көз жұмып жатқан жағдайда жылдам шешім қабылдау маңызды екенін айтты.

5890
Кілт сөздер:
видео, фильм, билік, Назарбаев
Тақырып бойынша
"Назарбаевтың қанынан вакцина жасайды": министрлік түсініктеме берді
Тоқаев Назарбаев туралы жазды
"Халық мүлдем басқаша өмір сүретін болады": Назарбаев маңызды жоба туралы айтты
"Бүкіл ауыртпашылығын сезіндім": Нұрсұлтан Назарбаев денсаулығы туралы айтты
Тоқаев коронавирус жұқтырған Назарбаев туралы жазба жариялады
Мемлекет басшыларының кездесуі

Тоқаев Ресей президентін құттықтады

157
(Жаңартылды 17:00 02.07.2020)
Мемлекет басшысы Владимир Путинге коронавирус індетінің таралуына қарсы күресте гуманитарлық көмек көрсеткені үшін ризашылық білдірді 

АЛМАТЫ, 2 шілде – Sputnik. Қазақстан президенті Қасым-Жомарт Тоқаев Владимир Путинді Ресей Федерациясының Конституциясына түзетулер енгізу жөніндегі жалпыхалықтық дауыс берудің нәтижелі өтуімен құттықтады, деп хабарлады Ақорда.

Екі елдің басшылары телефон арқылы сөйлесті.

Қазақстан президенті Ресей тарихындағы бұл маңызды оқиға елді одан әрі дамытудың жаңа кезеңіне жол ашып, ұзақмерзімді даму стратегиясын жүзеге асырудың, мемлекеттілікті, егемендікті және экономикалық өсімді қорғаудың берік негізін қалағанын айтты. Сонымен қатар халықтың Ресей көшбасшысына жоғары деңгейде қолдау көрсеткенін атап өтті.

Сондай-ақ, Қасым-Жомарт Тоқаев Владимир Путинге коронавирус індетінің таралуына қарсы күресте елімізге гуманитарлық көмек көрсеткені үшін ризашылық білдірді. 

Айта кетейік, дауыс бергендердің 78,03 проценті Ресей Конституциясына түзетулер енгізуді қолдаса, ал 21,16% қарсы дауыс берді. Дауыс беруге қатысқандар шамамен 65%. 

Қазақстанда Ресейдің Нұр-Сұлтандағы елшілігінде және Алматы, Орал және Өскемендегі, сондай-ақ Байқоңырдағы консулдықтарда сайлау учаскелері жұмыс істеді.

1 шілде Ресей Конституциясына түзетулер енгізу туралы бүкілресейлік дауыс берудің негізгі және соңғы күні болды. Бұл Ресей тарихында алғаш рет бір аптаға жалғасқан шара болды. Дауыс беру 25 маусымда басталған болатын.

157
Кілт сөздер:
Владимир Путин, Ресей, Қасым-Жомарт Тоқаев, Қазақстан
Тақырып бойынша
Путин Тоқаевтың қандай адам екенін айтты
Путин Тоқаевқа қандай сыйлық жасағаны белгілі болды
"Ең жаманы – осы": Тоқаев коронавирусқа байланысты елдегі жағдай туралы айтты
Тоқаев Назарбаев туралы жазды
Тоқаев Нұрсұлтан Назарбаевтың мінезі туралы айтты
Дәрі-дәрмек

Парацетамол мен ибупрофенді кімдерге ішуге болмайды?

0
(Жаңартылды 13:51 06.07.2020)
Мамандар қазақстандықтар дәріханадан жаппай сатып алып жатқан дәрілердің кері әсері болуы мүмкін екенін ескертті. Сондықтан міндетті түрде дәрігер тағайындауы тиіс

НҰР-СҰЛТАН, 6 шілде – Sputnik. Температурасы 38,5 градустан төмен ересектерге парацетамол мен ибупрофен ішуге болмайды. Бұл туралы орталық коммуникациялар қызметінде медицина ғылымдарының кандидаты, доцент, "Астана медициналық университетінің" кафедра меңгерушісі Нұрила Малтабарова айтты.

Оның айтуынша, бұл препараттар қабынуға қарсы дәрілер тобына жатады. Дәрігерлерде оларды қолданудың нақты хаттамасы бар.  

"Парацетамол мен ибупрофенді ересектер температурасы 38,5 градустан жоғары болған кезде ғана ішуі керек. Бұл препараттардың түрлі баламасы бар. Алайда дәрілердің кері әсері болуы мүмкін екенін ұмытпау қажет", - деді доцент.

Медицина ғылымдарының кандидаты неврологиялық сырқаттармен есепте тұрған балалардың  температурасы 37,5 градус болғанда парацетамол тағайындалатынын айтты.

Айта кетсек, Қазақстанда коронавирус жұқтырғандар санының артуына байланысты дене қызуын түсіретін дәрілер тапшылығы туындады.

Бұл мәселені шешуді президент денсаулық сақтау министрлігі мен құқық қорғау органдарына тапсырды.

0
Кілт сөздер:
коронавирус, дәрі-дәрмек
Тақырып бойынша
Шымкенттік дәрігер президентке үндеу жолдады - денсаулық министрі жауап берді 
COVID-19: министр қандай дәрілер көмектеспейтінін айтты
COVID-19: дәрігер желіде тараған кеңес несімен қауіпті екенін айтты
Нұр-Сұлтанда дәрі-дәрмекке қатысты жедел желі іске қосылды
Шымкентте тегін таратылуы тиіс дәрілерді ұрлаған сатушы ұсталды