Паспорт

Назарбаева Ресейде Қазақстан азаматтарының мүддесін қорғады

1692
(Жаңартылды 08:40 23.10.2019)
Дариға Назарбаева екі ел арасында азаматтар ағыны өте қарқынды жүріп жатқанын айтып, мәселені шешуге көмек сұрады  

НҰР-СҰЛТАН, 23 қазан – Sputnik. Қазақстан парламенті сенатының төрағасы Дариға Назарбаева Ресейге сапары барысында екі ел азаматтарының өзара сапарлары мәселесінде бірдейліктің (паритет) жоқтығын айтты, деп хабарлайды Sputnik Қазақстан тілшісі.

Тағы оқыңыз: Дариға Назарбаева Елбасы өзіне қандай бата бергенін айтты 

Оның пікірінше, Қазақстан мен Ресейге келетіндерге бірдей мүмкіндіктер жасау қажеттілігі туралы мәселе шешуді талап етеді.

"2014 жылдан бері бізде Қазақстан азаматтарының Ресейде және Ресей азаматтарының Қазақстанда болуына қатысты бірдейлік жоқ. Яғни Қазақстан азаматтары виза режимінде Ресей Федерациясында 90 күн тұрғаннан кейін елден кетіп, қайта келу үшін 90 күн күтуі керек. Ал Ресей азаматтары Қазақстан аумағында 90 күн болғаннан кейін елден кетіп, сол күні қайта оралып, тағы 90 күн сонда тұра алады", - деді Дариға Назарбаева Федерация кеңесінің төрағасы Валентина Матвиенкомен кездесуде.

Оның айтуынша, қазіргі уақытта бұл мәселені ресейлік тарап қарастырып жатыр.

"Ресейге әр түрлі себептермен келетін азаматтардың ағыны өте қарқынды жүріп жатыр, мұнда бизнестен бастап білім беруге дейін түрлі қызметпен айналысқысы келетіндер көп. Біз сізден осы мәселені шешуге көмек сұраймыз", - деп атап өтті Дариға Назарбаева.

Қазақстан парламенті сенатының спикері Ресейге ресми сапармен барды. Сапар бағдарламасында Ресей Федерациясының премьер-министрі Дмитрий Медведев кездесу жоспарланған.

1692
Кілт сөздер:
Ресей, Дариға Назарбаева
Тақырып бойынша
ТМД-ға ортақ виза қажет: Ресей Тоқаевтың ұстанымын қолдайды
"Еркектерден әйелдер көп...": Назарбаева тың ұсыныс жасады  
Қазақстан президенті ТМД үшін "достастық визасын" енгізуді ұсынды
Дариға Назарбаева Ресейге ресми сапармен барды
"Қате жоқ па?": Матвиенко Мәскеуде Назарбаеваны қалай қарсы алды – видео
Загрузка...