Шығыс Қазақстан облысындағы әскери жаттығулар

Әскери мамандар тапшы: Қазақстан мен Түркия келісімді жаңартты

267
Келісімде әскери даярлық пен оқытуды қоса алғанда, бұдан бұрын қамтылмаған басқа мәселелер де көрсетілген

НҰР-СҰЛТАН, 30 қазан – Sputnik. Парламент мәжілісі Қазақстан мен Түркия үкіметтері арасындағы әскери ынтымақтастық туралы келісімді ратификациялау туралы заң жобасын мақұлады, деп хабарлайды Sputnik Қазақстан тілшісі.

Қорғаныс вице-министрі Тимур Дәндібаевтың айтуынша, екіжақты келісім өткен жылы Анкара қаласында рәсімделді. Бұған дейін Қазақстан мен Түркия арасындағы әскери ынтымақтастық 1993-1994 жылдары қол қойылған келісімдер негізінде жүргізілді. Онда әскери техника, білім мен ғылым саласындағы әріптестік байланыстар қарастырылған. Бүгінде екі келісімнің кейбір тұстары ескіріп қалды және ұлттық заңнамаға сәйкес келмейді. Осыған байланысты жаңа келісімді рәсімдеу туралы шешім қабылданды.  

"Келісімде әскери даярлық пен оқытуды қоса алғанда, бұдан бұрын қамтылмаған бірлескен оқу-жаттығуларды өткізу, картография, гидрография, топогеодезиялық қамтамасыз ету, әуе кеңістігі арқылы әскери мүліктің транзиті, медициналық көмек көрсету және тағы басқа мәселелер көрсетілген", - деді Дәндібаев мәжілістің жалпы отырысында.

Ал депутаттардың сұрақтарына жауап берген кезде вице-министр келісімнің кейбір тұстарын ашып берді. Оның сөзіне қарағанда, елімізде бірқатар әскери маман тапшы. Түркияда дәл сол мамандықтар бойынша білім беру жұмысы жолға қойылған. 

"Қазақстанның әскери орындарында тәрбиеші офицерлер, психологтар, байланысшылар, штурман-десантшылар сияқты мамандар даярланады. Ал Түркияда біз тапшы мамандықтар бойынша оқытамыз. Мысалы, әскери теңіз күштері, медициналық мамандықтарға жібереміз. Біз талдау жасадық. Түркиядан келетін әскери қызметшілердің білімдері де жоғары, практикалық дайындығы да жақсы. Сондықтан екіжақты ынтымақтастықты жалғастыру керек", - деп атап көрсетті Дәндібаев.

Тағы оқыңыз: "Роботтандыру мен жасанды интеллект" - Тоқаев Қазақстан армиясын қалай өзгертпек?

Осы орайда вице-министр Қазақстанның тәуелсіздігін бірінші болып мойындаған Түркияның әскери көмегін еске алды.

"Түркия біздің стратегиялық әріптесіміз. Бұл мемлекет тәуелсіздігімізді бірінші болып мойындады. Бұдан бөлек, бірінші болып 5 миллион доллар көлемінде әскери көмек берді. Сол кезде Ланд Ровер сияқты әскери техника жеткізілді. Қазіргі кезде біз "Кобра" секілді брондалған техниканы пайдаланып жүрміз. Оптикалық аспаптарды шығаратын кәсіпорын бар. Біз осы ынтымақтастықты сақтап қалуды көздейміз", - дейді Дәндібаев.

267
Кілт сөздер:
келісім, әскерилер, Түркия
Тақырып бойынша
"Қиыншылық көресің": Түркиядағы қазақ елге неге оралғысы келмейтінін айтты
Назарбаевқа Түркі әлемінің Жоғары ордені тапсырылды
"Халықты құтқаруға қатысты": министрлік Арыста қаза болған екінші әскери туралы айтты
Үкімет үйі

"Ұпай жинайсыз деді": Тоқаев үкіметті неге отставкаға жібермегенін ашық айтты

1622
(Жаңартылды 15:26 10.07.2020)
Президент кез келген дағдарыс әрбір басшының кәсіби біліктілігін анықтайтын сынақ екенін атап өтті

НҰР-СҰЛТАН, 10 шілде – Sputnik. Қазақстан президенті Қасым-Жомарт Тоқаев үкіметті неге отставкаға жібермегенін түсіндірді, деп хабарлайды Sputnik Қазақстан тілшісі. 

"Ашығын айтайын: осы отырысқа дайындалып жүргенде маған кейбір өңірлердің, ведомстволардың бірінші басшыларын жұмыстан шығаруға, тіпті бүкіл үкіметті отставкаға жіберуге кеңес берді. Мұндай шешімді қоғам жақсы қабылдайды, ұпай жинайсыз деді. Бірақ, маған ұпай мүлде керек емес. Мен жауапты адамдарды тыңдауға және құлақ асуға дайынмын, бірақ көпшілік алдында ойнамаймын. Бұған жасым да, лауазымым да сай емес", - деді Тоқаев үкіметтің кеңейтілген отырысында. 

Ол кейбір әкімдер сөгіс пен ескерту алғанын еске салды. 

"Жалпы мұндай жазаға басқа облыстардың немесе министрліктердің басшылары лайық шығар. Бірақ біз қазір әлеуметтік-экономикалық дамудың қатерлі кезеңінде тұрмыз. Одан әрі ушыға беретін дағдарыстан шығу үшін үкімет пен әкімдер батыл әрі жанкешті іс-қимыл жасауы қажет. Бұл әлемдік экономикаға қатысты болжам, ал Қазақстан оның бір бөлігі", - деді мемлекет басшысы. 

Ол мемлекеттік органдардың барлық шешімі халыққа және ұлттық экономикаға арналуы тиіс екенін атап өтті. Орындаушылардың қателіктері, қағазбастылыққа жол беруі қарапайым адамдардың әл-ауқаты мен денсаулығына зиян келтіреді.

"Кез келген дағдарыс – әрбір басшының кәсіби біліктілігін анықтайтын сынақ. Осыны есте сақтаңыздар", - деді Тоқаев.

Айта кетсек, 10 шілдеде президенттің төрағалығымен үкіметтің кеңейтілген отырысы өтті. Жиында Қазақстанның әлеуметтік-экономикалық дамуының қорытындылары мен жыл соңына дейін орындалатын міндеттер қаралды.

 

1622
Кілт сөздер:
отставка, үкімет, Қасым-Жомарт Тоқаев
Тақырып бойынша
Тоқаев биліктің қалай өзгеретінін айтты
Мемлекет басшысы жаңа оқу жылына дайындық мәселесін қозғады
Президент халықты қолдау шараларын әзірлеуді тапсырды
Тоқаев министрлер мен әкімдерге: демалысты ұмытыңдар
Президент екінші Жолдауында қандай мәселені көтеретінін айтты
Қазақстан президенті Қасым-Жомарт Тоқаев

Тоқаев үкіметтің кеңейтілген отырысын өткізеді

523
(Жаңартылды 10:35 10.07.2020)
Үкімет 2020 жылдың алғашқы жарты жылдығындағы еліміздің әлеуметтік-экономикалық даму қорытындысы туралы есеп береді

НҰР-СҰЛТАН, 10 шілде – Sputnik. Президент Қасым-Жомарт Тоқаев сағат 11:00-де видео байланыс арқылы үкіметтің кеңейтілген отырысын өткізеді.

Жиында үкімет 2020 жылдың алғашқы жарты жылдығындағы еліміздің әлеуметтік-экономикалық даму қорытындысы туралы есеп береді, деп хабарлады мемлекет басшысының баспасөз хатшысы Берік Уәли.  

"Сондай-ақ коронавирусқа қарсы күреске қатысты қабылданған шаралар, мемлекет басшысының үкіметтің алдағы уақытта атқаратын жұмысының негізгі бағыттары бойынша берген тапсырмалары мен міндеттері қарастырылады", - деп жазды ол.

Президенттің баспасөз қызметі @AkordaPress ресми аккаунтында твит-трансляция жасайды.

Оқи отырыңыз: Президент денсаулық сақтау саласында тергеу жүргізілетінін мәлімдеді 

Қазақстандық саясаттанушылар Sputnik Қазақстанға берген сұхбатында Тоқаев үкіметтің бірлескен отырысында кадрлық тағайындаулар жасайды деп болжаған еді.   

523
Тақырып бойынша
Президент дәрі-дәрмек тапшылығы мәселесі қай кезде шешілетінін айтты
Тоқаев ел азаматтарын дүрбелеңге салынбауға шақырды
Тоқаев үйде көмек көрсететін мобильді топтардың саны артатынын хабарлады
Тоқаев "Астана" қаржы орталығының артықшылығын атады
Тоқаев жалпыұлттық аза тұту күнін жариялау туралы жарлыққа қол қойды
Компьютерлік клуб, архивтегі сурет

Қарағандыда қызмет көрсеткен клубта 70-ке жуық адам болған

0
(Жаңартылды 22:30 11.07.2020)
Клуб иелеріне шамамен 640 мың теңге шамасында айыппұл салынып, ал келушілер ешқандай жауапкершілікке тартылмайды

НҰР-СҰЛТАН, 11 шілде – Sputnik. Арнайы мониторингтік топ мүшелері Қарағандыда карантин кезінде жұмыс істеген компьютерлік клуб пен караокені анықтады.

"Мекеме есігі тапсырыс берушілер үшін ашық болған. Карантин кезінде бұл компьютерлік клуб пен караокенің жұмыс істеуіне тыйым салынған. Соған қарамай ол жерде 70-ке жуық адам жүрді. Араларында кәмелетке толмаған балалар да бар", - делінген Қарағанды ​​облысы әкімдігінің баспасөз қызметі таратқан хабарламада.

Ендігі жерде клуб иелеріне шамамен 640 мың теңге шамасында айыппұл салынады. Ал келушілер ешқандай жауапкершілікке тартылмайды.

Айта кетейік, мемлекеттік комиссия шешімімен Қазақстанда екі апталық карантин енгізілді.

Жабық жағдайдаға сауда және ойын-сауық орталықтары мен сұлулық салондарының қызметіне тыйым салынды.

Оқи отырыңыз: Карантин кезінде отшашу жасау заңды ма – ішкі істер министрлігі жауап берді

Ал азық-түлік дүкендері мен базарлардың жұмыс уақыты шектелді. Сонымен қатар, қоғамдық көліктердің де жүру кестесі қысқартылды.

0
Кілт сөздер:
карантин, Қарағанды
Тақырып:
Төтенше жағдай және карантин
Тақырып бойынша
Сағынтаев жаңа карантин кезінде Алматыда қанша адамның жұмыссыз қалғанын айтты
Өзбекстанда үш апталық қатаң карантин енгізіледі
Алматыда қандай аудан тұрғындары карантин режимін жиі бұзады
Локдаун режимі: демалыс күндері тағы қандай облыста карантин күшейтіледі?
5 шілдеден карантин басталады: ішкі істер министрі ескерту жасады