Саясат

"Қайғыңызға ортақтасамын": Тоқаев Корея президентіне көңіл айтты

© Sputnik / Владислав ВодневЗдание Акорды
Здание Акорды - Sputnik Қазақстан
Жазылу
Мемлекет басшысы Корея президенті Мун Чже Инге анасы қайтыс болуына байланысты көңіл айту жеделхатын жолдады

НҰР-СҰЛТАН, 24 қазан – Sputnik. Мемлекет басшысы Корея Республикасының президенті Мун Чже Инге көңіл айту жеделхатын жолдады, деп хабарлады Ақорданың баспасөз қызметі. 

Қазақстан президенті Қасым-Жомарт Тоқаев Корея Республикасының президенті Мун Чже Иннің анасы Каң Хан Ок ханымның қайтыс болғаны туралы хабарды зор күйзеліспен қабылдады.

Назарбаевтың құдасы қайтыс болды

"Ардақты анаңыз Каң Хан Ок ханымның дүниеден озғаны туралы суыт хабарға орай, Сізге және жақындарыңызға көңіл айтып, орны толмас қайғыңызға ортақтасамын. Каң Хан Ок ханымның жарқын бейнесі мен ізгілікті істері туған-туыстарының, сондай-ақ көптеген отандастарының жүрегінде әрдайым сақталатынына сенімдімін", – делінген жеделхатта.

Тоқаев пен Мун Чже Иннің келіссөздері

Естеріңізге сала кетейік, сәуірде Корея Республикасының басшысы Қазақстанға сапармен келген болатын. Ақордада екі ел басшылары келіссөздер өткізді. Кездесу аясында қос елдің өкілдері жаңа технологиялар, инфрақұрылым, логистика, өнеркәсіп және денсаулық сақтау салаларын қамтитын "Таза жел" жаңартылған ынтымақтастық бағдарламасына қол қойды.

Қазан айында Қазақстан президенті Сеулге сапармен келуге шақырту алғаны белгілі болды.

Жаңалықтар
0