Қазақстанның сыртқы істер министрлігі

Қазақстанның Қытайдағы елшісі ауысты

618
(Жаңартылды 19:33 01.11.2019)
Жаңа елші Ғабит Қойшыбаевтың дипломатиялық қызметте бай тәжірибесі бар, қытай және ағылшын тілін біледі

НҰР-СҰЛТАН, 1 қараша — Sputnik. Қазақстан президенті Қасым-Жомарт Тоқаев Ғабит Қойшыбаевты Қазақстан Республикасының Қытай Халық Республикасындағы төтенше және өкілетті елшісі қызметіне тағайындау туралы жарлыққа қол қойды, деп хабарлады Ақорданың баспасөз қызметі.

Бұған дейін Қазақстанның Қытайдағы дипломатиялық өкілдігін Шахрат Нұрышев басқарды.

Ғабит Қойшыбаевтың өмірбаяны

1972 жылдың 12 наурызында Алматы қаласында дүниеге келген. Әл-Фараби атындағы Қазақ мемлекеттік ұлттық университетін (1994), ҚР Сыртқы істер министрлігінің Дипломатиялық академиясын (1999) бітірген. Еңбек жолын 1994 жылы Сыртқы істер министрлігінің орталық аппаратында бастаған. Сол жылы Қазақстанның Үрімші қаласындағы (ҚХР) паспорт-виза қызметіне ұзақ уақытқа іссапарға жіберілді.

Габит Койшыбаев
© Photo : МИД Казахстана
Ғабит Қойшыбаев

1999-2007 жылдары Қазақстанның Үрімші қаласындағы (ҚХР) паспорт-виза қызметінде, Қазақстан Республикасының Қытай Халық Республикасындағы елшілігінде түрлі дипломатиялық қызметке тағайындалды. 2007-2009 жылдары Қазақстан сыртқы істер министрлігінің Азия және Африка департаментінде бірқатар жауапты қызметтер атқарды.  

2009-2011 жылдары Қазақстанның Қытайдағы елшілігінде кеңесші, кеңесші-елші, 2011-2014 жылдары Қазақстанның Шанхайдағы (ҚХР) бас консулы болды.

"Кімді жаулап жатыр?": Назарбаев Қытай басшылығымен қандай келісім жасағанын түсіндірді 

2014-2016 жылдары Қазақстан сыртқы істер министрлігі консулдық қызмет департаменті директорының орынбасары, бүкілазиялық ынтымақтастық департаменті директорының орынбасары қызметін атқарды.

Қазақстан Республикасының Қытай Халық Республикасындағы төтенше және өкілетті елшісі болып тағайындалғанға дейін Қазақстан Республикасы президенті әкімшілігінің Сыртқы саясат және халықаралық қатынастар бөлімі меңгерушісінің орынбасары қызметін атқарды.

II дәрежелі төтенше және өкілетті елші дипломатиялық дәрежесі бар. Қытай және ағылшын тілдерін біледі.

Үйленген, үш баласы бар.

618
Кілт сөздер:
Қасым-Жомарт Тоқаев, елші, Қытай
Тақырып бойынша
Қытайлық миллиардер қазақтар туралы не ойлайтынын айтты - видео
Тоқаевтың баспасөз хатшысы Қытайдың Қазақстандағы басты мақсатын атады
Тоқаев Қытайда Ақжарқын Тұрлыбайдың мәселесін көтерді
Тоқаев Қазақстан мен Қытай тарихында ортақ дүниелер бар екенін айтты
"Қазақстан бізге жақсы дос": Тоқаев Қытай заң шығарушы органының басшысымен кездесті
Тоқаев Қазақстанның экономикасына алаңдаушылық білдірді  
Үкімет үйі

"Ұпай жинайсыз деді": Тоқаев үкіметті неге отставкаға жібермегенін ашық айтты

1135
(Жаңартылды 15:26 10.07.2020)
Президент кез келген дағдарыс әрбір басшының кәсіби біліктілігін анықтайтын сынақ екенін атап өтті

НҰР-СҰЛТАН, 10 шілде – Sputnik. Қазақстан президенті Қасым-Жомарт Тоқаев үкіметті неге отставкаға жібермегенін түсіндірді, деп хабарлайды Sputnik Қазақстан тілшісі. 

"Ашығын айтайын: осы отырысқа дайындалып жүргенде маған кейбір өңірлердің, ведомстволардың бірінші басшыларын жұмыстан шығаруға, тіпті бүкіл үкіметті отставкаға жіберуге кеңес берді. Мұндай шешімді қоғам жақсы қабылдайды, ұпай жинайсыз деді. Бірақ, маған ұпай мүлде керек емес. Мен жауапты адамдарды тыңдауға және құлақ асуға дайынмын, бірақ көпшілік алдында ойнамаймын. Бұған жасым да, лауазымым да сай емес", - деді Тоқаев үкіметтің кеңейтілген отырысында. 

Ол кейбір әкімдер сөгіс пен ескерту алғанын еске салды. 

"Жалпы мұндай жазаға басқа облыстардың немесе министрліктердің басшылары лайық шығар. Бірақ біз қазір әлеуметтік-экономикалық дамудың қатерлі кезеңінде тұрмыз. Одан әрі ушыға беретін дағдарыстан шығу үшін үкімет пен әкімдер батыл әрі жанкешті іс-қимыл жасауы қажет. Бұл әлемдік экономикаға қатысты болжам, ал Қазақстан оның бір бөлігі", - деді мемлекет басшысы. 

Ол мемлекеттік органдардың барлық шешімі халыққа және ұлттық экономикаға арналуы тиіс екенін атап өтті. Орындаушылардың қателіктері, қағазбастылыққа жол беруі қарапайым адамдардың әл-ауқаты мен денсаулығына зиян келтіреді.

"Кез келген дағдарыс – әрбір басшының кәсіби біліктілігін анықтайтын сынақ. Осыны есте сақтаңыздар", - деді Тоқаев.

Айта кетсек, 10 шілдеде президенттің төрағалығымен үкіметтің кеңейтілген отырысы өтті. Жиында Қазақстанның әлеуметтік-экономикалық дамуының қорытындылары мен жыл соңына дейін орындалатын міндеттер қаралды.

 

1135
Кілт сөздер:
отставка, үкімет, Қасым-Жомарт Тоқаев
Тақырып бойынша
Тоқаев биліктің қалай өзгеретінін айтты
Мемлекет басшысы жаңа оқу жылына дайындық мәселесін қозғады
Президент халықты қолдау шараларын әзірлеуді тапсырды
Тоқаев министрлер мен әкімдерге: демалысты ұмытыңдар
Президент екінші Жолдауында қандай мәселені көтеретінін айтты
Қазақстан президенті Қасым-Жомарт Тоқаев

Тоқаев үкіметтің кеңейтілген отырысын өткізеді

476
(Жаңартылды 10:35 10.07.2020)
Үкімет 2020 жылдың алғашқы жарты жылдығындағы еліміздің әлеуметтік-экономикалық даму қорытындысы туралы есеп береді

НҰР-СҰЛТАН, 10 шілде – Sputnik. Президент Қасым-Жомарт Тоқаев сағат 11:00-де видео байланыс арқылы үкіметтің кеңейтілген отырысын өткізеді.

Жиында үкімет 2020 жылдың алғашқы жарты жылдығындағы еліміздің әлеуметтік-экономикалық даму қорытындысы туралы есеп береді, деп хабарлады мемлекет басшысының баспасөз хатшысы Берік Уәли.  

"Сондай-ақ коронавирусқа қарсы күреске қатысты қабылданған шаралар, мемлекет басшысының үкіметтің алдағы уақытта атқаратын жұмысының негізгі бағыттары бойынша берген тапсырмалары мен міндеттері қарастырылады", - деп жазды ол.

Президенттің баспасөз қызметі @AkordaPress ресми аккаунтында твит-трансляция жасайды.

Оқи отырыңыз: Президент денсаулық сақтау саласында тергеу жүргізілетінін мәлімдеді 

Қазақстандық саясаттанушылар Sputnik Қазақстанға берген сұхбатында Тоқаев үкіметтің бірлескен отырысында кадрлық тағайындаулар жасайды деп болжаған еді.   

476
Тақырып бойынша
Президент дәрі-дәрмек тапшылығы мәселесі қай кезде шешілетінін айтты
Тоқаев ел азаматтарын дүрбелеңге салынбауға шақырды
Тоқаев үйде көмек көрсететін мобильді топтардың саны артатынын хабарлады
Тоқаев "Астана" қаржы орталығының артықшылығын атады
Тоқаев жалпыұлттық аза тұту күнін жариялау туралы жарлыққа қол қойды
Қасым-Жомарт Тоқаев

Тоқаев үкіметтің бастамасы туралы: жағдайды қиындатып жіберуі мүмкін

0
Қазіргі кезде үкіметте бюджеттің кіріс бөлігін арттыру мәселелесі талқыланып жатыр. Президент бұл бюджетке түсетін қаржыны көбейтудің ең қарапайым тәсілі екенін айтты

НҰР-СҰЛТАН, 10 шілде – Sputnik. Мемлекет басшысы Қасым-Жомарт Тоқаев  жекелеген салықтардың мөлшерлемесін арттыруға қатысты пікір білдірді, деп хабарлайды Sputnik Қазақстан тілшісі. 

Президенттің айтуынша, қазіргі кезде үкіметте бюджеттің кіріс бөлігін арттыру мәселелесі талқыланып жатыр. Соның ішінде жекелеген салық түрлерінің, оның ішінде корпоративтік табыс салығы мен қосымша құн салығының мөлшерлемесін арттыру мәселелері қарастырылуда. 

"Бюджетке түсетін қаржыны көбейтудің ең қарапайым тәсілі осы болғандықтан, үкіметті түсінуге болады. Бірақ экономиканы жандандыру керек деп, салықты ойланбай, біржақты арттыру онсыз да күрделі әлеуметтік-экономикалық жағдайды қиындатып жіберуі мүмкін. Сондықтан аталған мәселені барынша ақылға салып шешу қажет", - деді Тоқаев үкіметтің бүгінгі кеңейтілген отырысында. 

Мемлекет басшысы бюджет тұрақтылығын қамтамасыз ету үшін тиімсіз шығындарды қысқарту қажеттігін жеткізді. Бүгінде экономика үшін тиімділігі аз салықтық жеңілдіктердің есебінен қосымша резервтерді қарастыру ұсынылып отыр.

0
Тақырып бойынша
Тоқаев биліктің қалай өзгеретінін айтты
"Ұпай жинайсыз деді": Тоқаев үкіметті неге отставкаға жібермегенін ашық айтты
Президент қандай шешім жедел қабылдануы тиіс екенін ескертті
Дәрігер дене қызуы көтеріле бастағанда не істеу керектігін айтты
Локдаун режимі: демалыс күндері тағы қандай облыста карантин күшейтіледі?