Нұрсұлтан Назарбаев

Назарбаев өзінің орынбасарына тапсырма берді

3998
(Жаңартылды 21:27 18.11.2019)
Назарбаев Қазақстан халқы Ассамблеясы төрағасының орынбасары Жансейіт Түймебаевпен кездесіп, бірқатар тапсырма берді

НҰР-СҰЛТАН, 18 қараша – Sputnik. Елбасы Нұрсұлтан Назарбаев өңірлерде президент Қасым-Жомарт Тоқаев жолдауының бағыттарын түсіндіру керек екенін айтты.

Назарбаев Қазақстан халқы Ассамблеясы төрағасының орынбасары Жансейіт Түймебаевпен кездесті, деп хабарлайды Elbasy.kz.

"Ассамблея алдындағы міндеттер айқын. XXVII сессияда қабылданған шешімдер бар. Президент Қасым-Жомарт Тоқаевтың Қазақстан халқына жолдауының басым бағыттары жарияланды. Енді өңірлік этномәдени бірлестіктерді тарта отырып, жергілікті жерлерде жұмысты ілгерілету және түсіндіру маңызды. Барлық облыстарда тиісті жұмысты жолға қою қажет",  - деді Елбасы.

Сонымен қатар, Нұрсұлтан Назарбаев ассамблеяның жұмысын халықаралық бағытта күшейтудің маңыздылығына назар аударды.

"Сіздің тапсырмаларыңызды орындау үшін Ассамблея жұмысын жандандыру бойынша бірқатар шара қабылданды. Негізгі басымдықты өңірлерге бердік. Соңғы 2 айдың ішінде 2000-нан астам іс-шара өткізіліп, 4,5 милионнан астам адам қатысты", - деді Жансейіт Түймебаев.

Тағы оқыңыз: Назарбаев "Самұрық-Қазына" туралы: мұның бәрі Қазақстан халқына тиесілі

Нұрсұлтан Назарбаев – Қазақстан халқы ассамблеясының төрағасы. 2019 жылдың сәуір айында ассамблеяның XXVII сессиясы өтті. Жиында Елбасы Ресей мен Украинаны бейбітшілікке шақырып, тіл саясаты мәселесін көтерген болатын.

2 қыркүйек күні парламент палаталарының бірлескен отырысында Қасым-Жомарт Тоқаев Қазақстан халқына алғашқы жолдауын арнады. Ол қазақ тілінің рөлін арттырып, митингтерге рұқсат берілетінін атап өтті.

3998
Кілт сөздер:
Назарбаев
Тақырып бойынша
Назарбаев сөйлеп жатқанда қызық жағдай болды - видео
"Болар іс болды": Назарбаев кеше Путинмен не жайлы сөйлескені белгілі болды    
Тоқаев Назарбаев бекіткен жаңа әліпбиден олқылық тапты
"Дағдарыс болуы мүмкін": Назарбаев неге алаңдап жүргенін айтты
Назарбаев Зеленскиймен не туралы сөйлесті
Загрузка...