Қазақстан президенті Қасым-Жомарт Тоқаев пен Швейцария басшысы Ули Маурер пресс-конференция өткізді

Тоқаев: Қазақстан мен Швейцарияның ұстанымдары ортақ

68
(Жаңартылды 14:58 22.11.2019)
Ақордада Қазақстан басшысы мен Швейцария президенті Ули Маурердің шағын және кеңейтілген құрамда кездесулері өтті. Осыдан кейін екі ел басшылары БАҚ алдына шығып, бірлескен мәлімдеме жасады

НҰР-СҰЛТАН, 22 қараша – Sputnik. Саяси тұрғыдан Швейцария Қазақстан үшін Еуропадағы өте маңызды серіктес. Бұл туралы бүгін Ақордада мемлекет басшысы Қасым-Жомарт Тоқаев айтты, деп хабарлайды Sputnik Қазақстан тілшісі.

Қасым-Жомарт Тоқаев кездесудің өзара сенім және түсіністік рухында өткенін атап өтті. Қазақстан мен Швейцария екі елдің мол мүмкіндіктерін пайдаланып, серіктестікті одан әрі нығайтуға мүдделі.

"Жалпы өмірлік және жаһандық мәселелер бойынша елдеріміздің ұстанымдары ортақ. Мұны зор ризашылықпен атап өткім келеді", - деді Тоқаев.

Кездесу кезінде алдағы бірлескен жұмыстардың негізгі бағыттары айқындалған.

"Саяси тұрғыдан Қазақстан үшін Швейцария Еуропадағы өте маңызды серіктес. Қазіргі таңда біздің жоғары деңгейдегі байланыстарымыз табысты дамып келе жатыр. Бұл орайда президент Ули Маурермен ойымыз бір жерден шықты. Швейцарияның сан ғасырлық демократиясы мен көппартиялық дәстүрі, ресми Берннің сыртқы саяси жолы еліміздің және бүкіл әлемнің шынайы құрметіне ие болып отыр", - деді мемлекет басшысы.

Тоқаев Швейцария басшысымен халықаралық деңгейде күш-жігерді біріктіріп, үйлесімді жұмыс істеуге келіскенін атап өтті.

Президенты Казахстана Касым-Жомарт Токаев и Швейцарии Ули Маурер на пресс-конференции
© Sputnik / Абзал Калиев.
Ақордада Қасым-Жомарт Тоқаев пен Швейцария президенті Ули Маурердің кездесуі өтті

"Біздің еліміз өзінің сыртқы саяси бағдарында сабақтастық дәстүрін берік сақтайды. Қазақстан көпвекторлы, сындарлы қағидатты ұстанып, бейбітшілік пен тұрақтылықты нығайту үдерістеріне белсене қатысады. Осы мәселелерге баса мән беріп өттім", - деді президент.

Бұдан бөлек, Тоқаев Қазақстан Сирия бойынша Астана процесін өткізуге алаң ұсынатынын еске салып, бұл Женева процесін толықтыра түсетініне назар аударды.

"Ресми Берн қақтығыс зоналарында зардап шеккен тұрғындарға, соның ішінде Украина мен Сирияда миллиондаған көмек көрсетті. Келіссөздер барысында мен Швейцария тарапына трансшекаралық су пайдалану және Орталық Азиядағы су дипломатиясы саласындағы көмегі үшін ризашылығымды білдірдім. Осыған байланысты серіктестерімізге БҰҰ-ның тұрақты даму мақсаттарын іске асыру мәнінде Қазақстанның гуманитарлық саладағы ұқсас бастамаларын ескере отырып, осы саладағы күш-жігерімізді үйлестіру перспективасын қарастыруды ұсындым", - деді Қазақстан президенті.

 Президент Швейцарии Ули Маурер на пресс-конференции
© Sputnik / Абзал Калиев.
Швейцария президенті Ули Маурер

Ули Маурер мен Қасым-Жомарт Тоқаев Қазақстан-Швейцария серіктестігінде экономикалық құрам негізгі болады деген пікірге келген.

"Швейцариялық бизнес Қазақстан нарығында ашылып отырған мүмкіндіктерді тиісінше бағалап отыр. Бүгіннің өзінде Швейцария Конфедерациясы біздің экономикамыздағы көлемі бойынша үшінші инвестор болып отыр. Қазақстанның ірі сауда серіктестерінің бірінші ондығына кіреді", - деді ол.

Президент соңғы он бес жылда Швейцария Қазақстанға 24 миллиард доллардан астам инвестиция құйғанын атап өтті.

Өзара сауда айналымы өткен жылдың қорытындысы бойынша 3 миллиард доллардан асқан.

68
Кілт сөздер:
Қасым-Жомарт Тоқаев
Тақырып бойынша
"Тоқаев бізді көре ме?": астананың қақ ортасындағы "ауылдың" өмірі - фото
Тоқаев қазақстандықтарды дүрліктірген мәселеге нүкте қойды
Тоқаев тарихи құжаттың суретін жариялады
"Үзілді-кесілді қарсы": Тоқаев жұрттың наразылығын тудырған мәселені қозғады
Тоқаев Тараз қаласының әкімін қызметінен босатуды тапсырды
Үкімет үйі

"Ұпай жинайсыз деді": Тоқаев үкіметті неге отставкаға жібермегенін ашық айтты

1885
(Жаңартылды 15:26 10.07.2020)
Президент кез келген дағдарыс әрбір басшының кәсіби біліктілігін анықтайтын сынақ екенін атап өтті

НҰР-СҰЛТАН, 10 шілде – Sputnik. Қазақстан президенті Қасым-Жомарт Тоқаев үкіметті неге отставкаға жібермегенін түсіндірді, деп хабарлайды Sputnik Қазақстан тілшісі. 

"Ашығын айтайын: осы отырысқа дайындалып жүргенде маған кейбір өңірлердің, ведомстволардың бірінші басшыларын жұмыстан шығаруға, тіпті бүкіл үкіметті отставкаға жіберуге кеңес берді. Мұндай шешімді қоғам жақсы қабылдайды, ұпай жинайсыз деді. Бірақ, маған ұпай мүлде керек емес. Мен жауапты адамдарды тыңдауға және құлақ асуға дайынмын, бірақ көпшілік алдында ойнамаймын. Бұған жасым да, лауазымым да сай емес", - деді Тоқаев үкіметтің кеңейтілген отырысында. 

Ол кейбір әкімдер сөгіс пен ескерту алғанын еске салды. 

"Жалпы мұндай жазаға басқа облыстардың немесе министрліктердің басшылары лайық шығар. Бірақ біз қазір әлеуметтік-экономикалық дамудың қатерлі кезеңінде тұрмыз. Одан әрі ушыға беретін дағдарыстан шығу үшін үкімет пен әкімдер батыл әрі жанкешті іс-қимыл жасауы қажет. Бұл әлемдік экономикаға қатысты болжам, ал Қазақстан оның бір бөлігі", - деді мемлекет басшысы. 

Ол мемлекеттік органдардың барлық шешімі халыққа және ұлттық экономикаға арналуы тиіс екенін атап өтті. Орындаушылардың қателіктері, қағазбастылыққа жол беруі қарапайым адамдардың әл-ауқаты мен денсаулығына зиян келтіреді.

"Кез келген дағдарыс – әрбір басшының кәсіби біліктілігін анықтайтын сынақ. Осыны есте сақтаңыздар", - деді Тоқаев.

Айта кетсек, 10 шілдеде президенттің төрағалығымен үкіметтің кеңейтілген отырысы өтті. Жиында Қазақстанның әлеуметтік-экономикалық дамуының қорытындылары мен жыл соңына дейін орындалатын міндеттер қаралды.

 

1885
Кілт сөздер:
отставка, үкімет, Қасым-Жомарт Тоқаев
Тақырып бойынша
Тоқаев биліктің қалай өзгеретінін айтты
Мемлекет басшысы жаңа оқу жылына дайындық мәселесін қозғады
Президент халықты қолдау шараларын әзірлеуді тапсырды
Тоқаев министрлер мен әкімдерге: демалысты ұмытыңдар
Президент екінші Жолдауында қандай мәселені көтеретінін айтты
Қазақстан президенті Қасым-Жомарт Тоқаев

Тоқаев үкіметтің кеңейтілген отырысын өткізеді

575
(Жаңартылды 10:35 10.07.2020)
Үкімет 2020 жылдың алғашқы жарты жылдығындағы еліміздің әлеуметтік-экономикалық даму қорытындысы туралы есеп береді

НҰР-СҰЛТАН, 10 шілде – Sputnik. Президент Қасым-Жомарт Тоқаев сағат 11:00-де видео байланыс арқылы үкіметтің кеңейтілген отырысын өткізеді.

Жиында үкімет 2020 жылдың алғашқы жарты жылдығындағы еліміздің әлеуметтік-экономикалық даму қорытындысы туралы есеп береді, деп хабарлады мемлекет басшысының баспасөз хатшысы Берік Уәли.  

"Сондай-ақ коронавирусқа қарсы күреске қатысты қабылданған шаралар, мемлекет басшысының үкіметтің алдағы уақытта атқаратын жұмысының негізгі бағыттары бойынша берген тапсырмалары мен міндеттері қарастырылады", - деп жазды ол.

Президенттің баспасөз қызметі @AkordaPress ресми аккаунтында твит-трансляция жасайды.

Оқи отырыңыз: Президент денсаулық сақтау саласында тергеу жүргізілетінін мәлімдеді 

Қазақстандық саясаттанушылар Sputnik Қазақстанға берген сұхбатында Тоқаев үкіметтің бірлескен отырысында кадрлық тағайындаулар жасайды деп болжаған еді.   

575
Тақырып бойынша
Президент дәрі-дәрмек тапшылығы мәселесі қай кезде шешілетінін айтты
Тоқаев ел азаматтарын дүрбелеңге салынбауға шақырды
Тоқаев үйде көмек көрсететін мобильді топтардың саны артатынын хабарлады
Тоқаев "Астана" қаржы орталығының артықшылығын атады
Тоқаев жалпыұлттық аза тұту күнін жариялау туралы жарлыққа қол қойды
Әуежай қызметкерлері мен ұшақ

Түркиядан келген гуманитарлық көмек қысқа мерзім ішінде рәсімделді

32
Бүгінде мемлекеттік кірістер органы тауарларды жедел кедендік ресімдеуге күш жұмылдыруда және қажетті құжат ұсынылған кезде гуманитарлық көмек дереу шығарылады

НҰР-СҰЛТАН, 13 шілде – Sputnik. Қазақстанға Түркиядан келген гуманитарлық көмек жетіп, ол жедел таратылды, деп хабарлады қаржы министрлігінің мемлекеттік кірістер комитеті.

Әлеуметтік желіде гуманитарлық көмек түсіріліп жатқан видео пайда болды. Видео авторы бұл жүк танымал айтыскер ақын Айнұр Тұрсынбаева мен қоғам белсенділерінің қайырымдылық қоры арқылы Түркиядан жіберілген 125 тыныс алу аппараты мен дәрі-дәрмектер астана әуежайының қоймасында тұрғанын айтады.

"Гуманитарлық көмек 14 шілде күні сағат 02:30-да Түркиядан Нұр-Сұлтан әуежайына келді. Жүкті қабылдап алушы – "СК-Фармация" ЖШС. Ал жіберуші – "Айдың нұры" және "Отандастар" қайырымдылық қоры. 12 тоннадан асатын жүк құрамында дәрі-дәрмектер, медициналық қорғаныс құралдары мен жасанды тыныс алдыру аппараттары бар", – делінген хабарламада.

Жүкті ұшақтан түсіру 14 шілде күні таңғы сағат 4-те аяқталды. Жүк әуежай қоймасына түсірілді.

"Жүкті қабылдаушы тараптың өкілдері 10:00-де келген соң тауарлар жеңілдетілген тәртіпте кедендік рәсімдеуден өтті. Барлық кедендік рәсімдер 10 минут ішінде аяқталды. 11:00-де тауарлар әуежайдан бірнеше партиямен шығарылды", – деп толықтырды департамент.

Мемлекеттік кірістер комитетінің мәлімдеуінше, кедендік ресімдеуге рұқсат қағаздары бар тауарлар сертификаттаудан өткізілуі тиіс. Өйткені, төмен сапалы дәрілер мен өнімдерді пайдалану пандемияға қосымша қауіп төндіруі мүмкін.

Бүгінде мемлекеттік кірістер органы тауарларды жедел кедендік ресімдеуге күш жұмылдыруда және қажетті құжат ұсынылған кезде гуманитарлық көмек дереу шығарылады.

Оқи отырыңыз: Қазақстанға келген гуманитарлық көмек екі айға жуық қоймада жатқан

"Осыған байланысты барлық кеден бекеттері тәулік бойы жұмыс істеуде. Олар қажетті құжаттарды ұсыну жөнінде кеңес беріп, қандай да бір түсінбеушіліктер туындаса қажетті кеңес алу үшін алдын ала жүгінуді сұрайды. Сондай-ақ, 1414, 8-800-080-7777 байланыс телефоны арқылы мемлекеттік кірістер комитетінің байланыс-орталығына да қоңырау шалуға болады",– делінген ведомство хабарламасында.

32
Кілт сөздер:
дәрі-дәрмек, гуманитарлық көмек
Тақырып:
Коронавирус эпидемиясы
Тақырып бойынша
"Жылаған жұрт тыным бермеді": Айнұр Тұрсынбаева сүйінші сұрады
Мақтаарал кәсіпкері гуманитарлық көмек жеткізгендерге 600 тонна қырыққабат таратады
Президентке үндеу жасаған Айнұр Тұрсынбаева қуанышты жаңалық жариялады
Қазақстанға Ресейден гуманитарлық көмек жеткізілді
Қазақстанда гуманитарлық көмек сатыла ма: денсаулық сақтау министрлігі жауап берді