Қазақстан президенті Қасым-Жомарт Тоқаев пен Қырғызстан президенті Сооронбай Жээнбеков

Тоқаев Қырғызстан президентімен келіссөз жүргізді

69
(Жаңартылды 17:28 27.11.2019)
Тараптар саяси, сауда-экономикалық және мәдени-гуманитарлық бағыттағы серіктестік бойынша көптеген мәселені қарастырды

НҰР-СҰЛТАН, 27 қараша – Sputnik. Мемлекет басшысы Қасым-Жомарт Тоқаев пен Қырғызстан президенті Сооронбай Жээнбеков шағын құрамда келіссөздер жүргізді, деп хабарлады Ақорданың баспасөз қызметі.

Қазақстан президентін "Ала-Арча" резиденциясында салтанатты қарсы алу рәсімінен кейін, екі елдің мемлекеттік әнұрандары шырқалып, Құрмет қарауылының бастығы мемлекеттер басшыларына рапорт берді.

Қасым-Жомарт Тоқаев пен Сооронбай Жээнбеков Құрмет қарауылын аралап өтіп, бір-біріне ресми делегация мүшелерін таныстырды. Содан кейін "Ақсақалдар" залында шағын құрамдағы келіссөздер өтті.

Тағы оқыңыз: Қырғызстан президенті Тоқаевты Бішкек әуежайынан қарсы алды – видео

Тараптар екіжақты стратегиялық серіктестік бойынша, оның ішінде саяси, сауда-экономикалық және мәдени-гуманитарлық бағыттағы, сондай-ақ, халықаралық құрылымдар аясындағы көптеген мәселені қарастырды.

Қасым-Жомарт Тоқаев Сооронбай Жээнбековке қонақжайлық көрсеткені үшін ризашылық білдіріп, оның қазақ-қырғыз ынтымақтастығын нығайтуға қосқан жеке үлесін жоғары бағалады.

Қазақстан президенті өзінің Бішкекке жасаған мемлекеттік сапарына зор мән беретінін атап өтіп, екі бауырлас халық арасында ешқандай қарама-қайшылықтың жоқ екенін айтты.

 Сооронбай Жээнбеков Қазақстан президентінің сапары екі ел қарым-қатынастарының дамуына тың серпін беретініне сенім білдірді.

Кездесу соңында Қасым-Жомарт Тоқаев Сооронбай Жээнбековті 2020 жылы Қазақстанға сапармен келуге шақырды.  

69
Кілт сөздер:
келіссөздер, Сооронбай Жээнбеков, Қасым-Жомарт Тоқаев
Тақырып бойынша
Ресей біздің сыртқы саясатымыздың басым бағыты болып қала береді – Тоқаев
Тоқаевтың Арменияға не үшін барғаны белгілі болды   
Фотодерек: Тоқаев пен ЕАЭО елдерінің басшылары Ереванда селфи жасады
Қазақстанға келетін шетелдік азаматтар нені білуі керек
Тоқаев кімнің арқасында Қазақстан халықаралық алаңда лайықты орын алғанын айтты
Загрузка...