Сириялық босқындар, архивтегі фото

ТМД елдері Сирия мен Ирактағы балаларды бірлесіп қайтармақ

57
(Жаңартылды 10:18 05.12.2019)
Аружан Саин мен оның ресейлік әріптесі Анна Кузнецова басқа мемлекеттердің омбудсмендерін балаларды "қауырт орындардан" құтқару бастамасына қосылуға шақырды

МӘСКЕУ, 5 желтоқсан – Sputnik. ТМД-ның бірқатар елінің билігі Сирия мен Ирактан балаларды эвакуациялау үшін күш біріктіруге ниетті. Бұл мәселе Мәскеуде Қазақстанның бала құқықтары жөніндегі уәкілі Аружан Саинның ресейлік әріптесі Анна Кузнецовамен кездесуі кезінде талқыланды.

"Бүгін Анна Юрьевна екеуміз (РФ президенті жанындағы балалар құқықтары жөніндегі уәкіл Анна Кузнецова – Sputnik) кездесіп, осы мәселе (балаларды қайтару мәселесі бойынша ТМД елдерімен ынтымақтастық туралы – Sputnik) жайлы пікір алмастық, қазір Өзбекстан, Тәжікстан, Қырғызстандағы әріптестерімізбен сөйлесеміз", - деді Саин Sputnik Қазақстан тілшісіне.

13 жасында босанды: Сириядан оралған қазақстандық балалардың ауыр тағдыры - видео 

Ол ТМД елдерімен жұмыс жақын арада басталады деп мәлімдеді.

"Біз күш біріктіріп, балаларды бірге қайтару бойынша жұмыс істегіміз келеді. Барлық бала бір жерде – уақытша баспанада немесе лагерьде. Қазақ балалары туралы мәліметтерді анықтаған кезде, бізде балалар туралы, мысалы, өзбекстандық немесе ресейлік балалар туралы мәліметтер болады, бірақ біз біз оларды Қазақстанға әкете алмаймыз. Ал деректерді жинап, кейбір процестерді жеделдету бойынша бірлесіп жұмыс жасасақ, бұл бізге оңай болады", - деді қазақстандық балалар омбудсмені.

Саин жыл соңына дейін ТМД-ның басқа елдерінің өкілдерімен кездесу жоспарланғанын, ол қашықтықтан қосылу форматында өтуі мүмкін екенін айтты.

"Бұған бәрі мүдделі, ешкім өз балаларын тастап кеткісі келмейді", - деп атап өтті Қазақстандағы балалар құқығы жөніндегі уәкіл.

Ресей Федерациясы президентінің жанындағы уәкілетті өкілі Анна Кузнецова Сирия мен Ирактағы балаларды іздеу және оларды қайтару, одан әрі оңалту тақырыбы ТМД елдеріндегі балалар құқықтары жөніндегі уәкілдердің басын қосатынын атап өтті.

"Әріптесіммен (Аружан Саинмен – Sputnik) кейбір жүйелік құралдарды табу қажеттілігі туралы сөйлестік, өйткені көптеген мемлекет бұл мәселені шешуге мүдделі. Бұл уәкілетті мүдделі құрылымдардың қатысуымен уақытша жұмыс тобы болуы мүмкін. Біз осы тақырыпта кездесуге және қажетті шешім қабылдау үшін уәкілетті ведомстволарды, сондай-ақ осы тақырыпқа мүдделі ТМД-ның басқа елдеріндегі әріптестерімізді шақыруға келістік", - деді Анна Кузнецова "Россия сегодня" ХАА-да өткен баспасөз конференциясында.  

57
Кілт сөздер:
балалар, Сирия, Аружан Сайын
Тақырып бойынша
Прокурордың Сириядан қайтарылған 14 қазаққа қандай жаза сұрағаны белгілі болды
Сириядан оралған жігіт содырлар үш досын не үшін атып тастағанын айтып берді
Қазақстанда қанша адам теріс діни ағымның жетегінде жүргені жарияланды
"Жолда баламды өлтіріп алдым": Сириядан оралған келіншектің азапты өмірі
Қасым-Жомарт Тоқаев қорғаныс министрі Нұрлан Ермекбаевты қабылдады

Тоқаев қорғаныс министріне тапсырма берді

17
Президент Қазақстанның қорғаныс қабілетін күшейтуді, Қарулы күштердің жабдықталуын жақсартуды, шығындарды оңтайландыруды тапсырды

НҰР-СҰЛТАН, 28 мамыр – Sputnik. Мемлекет басшысы Қасым-Жомарт Тоқаев қорғаныс министрі Нұрлан Ермекбаевты қабылдады, деп хабарлайды Ақорда.

Қазақстан президенті – Қарулы күштердің жоғарғы бас қолбасшысына Қазақстан армиясының штаттық құрылымын оңтайландыру мақсатында жүргізіліп жатқан жұмыстар, қару-жарақтарды, әскери техника мен оқ-дәрілерді инвентаризациялау және тексеру, коронавирус індетінің таралуына қарсы күрес, сондай-ақ, жүзеге асырылып жатқан ірі инфрақұрылымдық жобалар туралы баяндалды.

Ермекбаев Тоқаевқа қазіргі уақыттағы сын-қатерлерді ескере отырып, Қарулы күштердің жаңа келбетін қалыптастыру, түрлі табиғи және техногендік төтенше жағдайларды жою кезінде әскери қызметшілерді жұмылдыру мүмкіндігі мен қажеттігі жайында мәлімет берді.

Тағы оқыңыз: Тоқаев Есімовті Ақордаға не үшін шақырды

Сонымен қатар президент Ермекбаевтың әскери бөлімшелердің дайындығы, мемлекеттік қорғаныс саласындағы тапсырыс мәселелері, бюджет мүмкіндіктерін ескере отырып, әскери техникамен жабдықтау, Қорғаныс министрлігін автоматтандыру және цифрландыру жөніндегі есебін тыңдады.

Жоғарғы бас қолбасшы еліміздің қорғаныс қабілетін күшейтуді, Қарулы күштердің жабдықталуын жақсартуды, шығындарды оңтайландыруды, әскери қызметшілердің білім деңгейін көтеріп, біліктілігін арттыру мүмкіндіктерін пысықтауды тапсырды.

17
Кілт сөздер:
Қорғаныс министрлігі, Нұрлан Ермекбаев, Қасым-Жомарт Тоқаев
Тақырып бойынша
Қорғаныс министрлігі МиГ-31 ұшағы апатына байланысты мәлімдеме жасады
Нұр-Сұлтанда Қазақстанның бірінші қорғаныс министрі Нұрмағамбетовті еске алды
МиГ-31 ұшағы апаты: қорғаныс министрі ұшқыштардың отбасыларына көмек көрсетуді тапсырды
Тоқаев мемлекеттік комиссия құру туралы жарлыққа қол қойды
Депутаттар, отырыс

Парламенттік оппозиция туралы заң президентке жіберілді

148
(Жаңартылды 11:03 28.05.2020)
Заң жобасы ұлттық қоғамдық сенім кеңесінің екінші отырысында президент ұсынған бірқатар саяси реформа аясында әзірленген

НҰР-СҰЛТАН, 28 мамыр - Sputnik. Сенаторлар парламенттік оппозиция туралы заң жобасын бірауыздан мақұлдады, деп хабарлайды Sputnik Қазақстан тілшісі.

Бүгінгі отырыста сенаторлар екі заң жобасын қарастырды. Біреуі парламент комитеттерi мен комиссиялары туралы болса, екіншісі парламенттік оппозиция мәселелері бойынша өзгеріс пен толықтырулар енгізуге арналды. Депутаттар екі заңды да бірауыздан қабылдады. 

Сенат төрағасы Мәулен Әшімбаевтың айтуынша, заң жобалары ұлттық қоғамдық сенім кеңесінің екінші отырысында президент ұсынған бірқатар саяси реформа аясында әзірленген

"Елімізде демократиялық үрдістерді ары қарай дамыту мақсатында қолданыстағы заңнамаға "парламенттік көпшілік" және "парламенттік оппозиция" енгізіліп отыр. Заңмен мәжіліске сайланатын парламенттік оппозицияның өкілеттіліктері және олардың жұмысын қамтамасыз ету тетіктері нақты айқындалды", - деді Әшімбаев.

Ол жаңа заңнамалық нормалар елде парламенттік оппозицияға кепілдік беріп, кәсіби парламентаризмнің жаңа кезеңіне жол ашатынына сенім білдірді.

Парламенттік оппозиция қалай жұмыс істейді?

Мәжіліс депутаты Азат Перуашевтің айтуынша, парламенттік оппозиция парламенттік көпшілікке енбейді. Ал саяси және әлеуметтік-экономикалық мәселелерге қатысты басқа позицияны ұстанады. 
Заң жобасында парламенттік оппозицияға мынадай құқықтар беріліп отыр:

  • бір сессия ішінде кемінде бір рет мемлекет пен қоғамның тыныс-тіршілігіне қатысты өзекті мәселелер бойынша парламенттік тыңдау өткізуге бастамашылық жасау;
  • парламенттік сессияда кемінде екі рет үкімет сағаттарының күн тәртібін белгілеу;
  • оппозиция мақұлдамайтын үкіметтік заң жобаларына альтернативті заң жобаларын енгізу.

Сонымен қатар, оппозициялық фракциялардың басшылары немесе өкілдері парламент палаталарының бірлескен отырыстарында, мәжілістің жалпы отырыстарында, тұрақты комитеттердің, жұмыс топтарының отырыстарында, парламенттік тыңдаулар мен басқа да шараларда сөз сөйлей алады.

Ал осы заңға ілеспе заң жобасы бойынша мәжілістің бір тұрақты комитетінің төрағасы тек оппозиция депутаттарының арасынан сайланады. Мәжілістің екі тұрақты комитетінің хатшыларын да парламенттік оппозиция ішінен сайлау ұсынылып отыр.

148
Кілт сөздер:
президент, заң, парламент
Тақырып бойынша
"Саяси реформа жүргізуге құлықсыз": саясаттанушылар парламенттік оппозиция туралы айтты
Әміржан Қосанов билікке таласа алатын жаңа оппозиция құратынын айтты
Депутат парламент алдында төбелес шығарды – видео
Парламент Назарбаевқа тағы бір өмірлік мәртебе беретін заңды қабылдады
Парламент көпбалалы отбасылардың жәрдемақысына қатысты заңды қабылдады
Банк картасы, иллюстративті фото

Қазпошта әлеуметтік карталарына жаңа функция енгізіледі

0
Қазір картаны еліміздің бірнеше аймағында оқушылар мен зейнеткерлер көлік ақысын төлеуге пайдаланып жүр

НҰР-СҰЛТАН, 28 мамыр – Sputnik. Жақында әлеуметтік карталардың көмегімен қазақстандықтар дәрі-дәрмекке тапсырыс беріп, сатып ала алады. Бұл туралы Sputnik Қазақстан тілшісіне "Қазпошта" АҚ басқарма төрағасы Сәкен Сәрсенов айтты.

"Қазір бұл картаны оқушылар мен зейнеткерлер тауарларды жеңілдікпен сатып алуға пайдаланып жүр. Болашақта халықтың әлеуметтік осал топтарына дәрі-дәрмекке тапсырыс беріп, дәріханалардан сатып алып, үйге алдыруға мүмкіндік береді", - деді Сәкен Сәрсенов.   

Оқи отырыңыз: Сәкен Сәрсенов сәлем-сауқат дронмен қалай жеткізілетінін айтып берді 

Қазір "Қазпошта" қызметтер тізімін кеңейту бойынша еңбек және халықты әлеуметтік қорғау министрлігімен келіссөздер жүргізіп жатыр.

Бастапқыда Ақтөбеде оқушылар үшін "Әлеуметтік карта" жобасы қолға алынған.

"Біз бас кезінде бұл картаны мектептерде өткізу режимі, әлеуметтік тамаққа мұқтаж балаларды тамақтандыру қызметі үшін арнайы енгіздік. Сондай-ақ картаны автобус ақысын төлеу үшін пайдалануға болады. Көптеген әкімдікпен келісім жасағанбыз", - деп толықтырды "Қазпошта" басшысы.

Қазіргі уақытта картаны Нұр-Сұлтан, Қарағанды, Павлодар, Петропавл және Атырау қалаларындағы студенттер мен зейнеткерлер пайдалана алады. Әлеуметтік картаны біртіндеп Қазақстанның барлық аймағында енгізу жоспарланып отыр.

"Барлық карантин шарасы аяқталғаннан кейін халық бұл картаны қолдануы үшін оны белсенді түрде шығарып, тарата бастаймыз", - деді Сәрсенов.

2020-2021 жылдары әлеуметтік карталарды Қазақстан бойынша енгізу жоспарланып отыр.

0
Кілт сөздер:
Қазпошта
Тақырып бойынша
"Кез келген адам ақша таба алады": Қазпошта жаңа қызметті іске қоспақшы