Иманғали Тасмағамбетов

Тоқаев Иманғали Тасмағамбетовті зейнетке жіберді

2470
(Жаңартылды 13:01 19.12.2019)
9 желтоқсан күні Иманғали Тасмағамбетов 63 жасқа толған болатын. Оның соңғы атқарған қызметі - Қазақстанның Ресейдегі төтенше және өкілетті елшісі

НҰР-СҰЛТАН, 18 желтоқсан — Sputnik. Мемлекет басшысының жарлығымен Қазақстанның Ресейдегі елшісі Иманғали Тасмағамбетов зейнет жасына толуына байланысты қызметінен босатылды.

"Мемлекет басшысының жарлығымен Иманғали Нұрғалиұлы Тасмағамбетов зейнеткерлік жасқа толуына байланысты Қазақстан Республикасының Ресей Федерациясындағы төтенше және өкілетті елшісі қызметінен босатылды", - деп жазылған жарлықта.

Еске сала кетсек, 9 желтоқсан күні Иманғали Тасмағамбетов 63 жасқа толған болатын.

"Мемлекеттік қызмет туралы" заңға сәйкес, президент мемлекеттік қызметшінің жұмыс мерзімін бес жылға дейін ұзарта алады. Алайда бұл жолы олай болмады.   

Иманғали Тасмағамбетовтің еңбек жолы 

1956 жылы қазіргі Атырау облысы, Махамбет ауданы, Новобогат ауылында туған. 

Иманғали Нұрғалиұлы 1979 жылы Өтемісов атындағы Батыс Қазақстан мемлекеттік университетінен түлеп ұшқан. Мамандығы – география және биология пәнінің мұғалімі. Ең бірінші жұмыс орны – өзінің ауылындағы балалар мен жасөспірімдерге арналған спорт мектебі. Кейін сол Махамбет ауылындағы орта мектепте география және биология пәнінің мұғалімі болып жұмыс істеген. 

Иманғали Тасмағамбетов Қазақстанның тұңғыш президенті Нұрсұлтан Назарбаевтың ең алғашқы көмекшілерінің бірі. Ол 1993 жылдан 1995 жылдар аралығында президент көмекшісі, 1998-1999 жылдары президенттің бірінші көмекшісі болды. 

Өзінің саяси мансабында Білім және ғылым министрі, Қорғаныс министрі, Президент әкімшілігінің жетекшісі, Мемлекеттік хатшы, үш рет әкім және төрт рет әртүрлі премьер-министрлердің орынбасары, бір рет премьер-министр қызметін атқарды. Соңғы атқарған қызметі – Қазақстанның Ресей федерациясындағы төтенше және өкілетті елшісі.

2470
Кілт сөздер:
зейнет жасы, Қасым-Жомарт Тоқаев, Иманғали Тасмағамбетов
Тақырып бойынша
Тоқаев желіде Тасмағамбетов, Мәсімов, Сағынтаевпен бірге түскен суретін жариялады
Мұғалім, премьер, елші: Иманғали Тасмағамбетов туралы не білеміз?
Иманғали Тасмағамбетов неліктен президент бола алмайды – саясаттанушы пікірі
Тасмағамбетов Абайдың шығармасынан үзінді оқу эстафетасына қатысты - видео
Нұрсұлтан Назарбаев

Назарбаев Қауіпсіздік кеңесінде тағайындау жасады

756
(Жаңартылды 12:42 04.06.2020)
Қазақстанның тұңғыш президенті Нұрсұлтан Назарбаевтың шешімімен Қауіпсіздік кеңес хатшылығының меңгерушісі ауысты

НҰР-СҰЛТАН, 4 маусым — Sputnik. Қауіпсіздік кеңес хатшылығының меңгерушісі қызметіне Ерлан Байтұқбаев тағайындалды. 

Елбасының ресми сайтында Қазақстанның тұңғыш президенті, Кеңес төрағасының шешімімен Шоқан Елшібеков басқа жұмысқа ауысуына байланысты қызметінен босатылғаны жазылған.

Оның орнына бұған дейін Қауіпсіздік кеңестің құқық қорғау жүйесі бөлімі меңгерушісінің орынбасары болған Ерлан Байтұқбаев келді.

Ерлан Байтұқбаев туралы не білеміз

Ерлан Байтұқбаев 1969 жылы туған. Әл-Фараби атындағы қазақ мемлекеттік ұлттық университетін  тәмамдаған (мамандығы "құқықтану").

Еңбек жолы Алматыда Фрунзе ауданы прокурорының көмекші-стажері ретінде бастады. Түрлі жылдары прокурор, аға прокурор, Қостанай облысы прокурорының орынбасары, Орталық көлік прокуратурасы аппаратының жетекшісі қызметтерін атқарды.

Сондай-ақ, индустрия және жаңа технологиялар министрлігінің өнеркәсіп комитеті төрағасының орынбасары, инвестициялар және даму министрлігі комитеті басшысының орынбасары болған.

Тағайындауға дейін Қауіпсіздік Кеңесінің құқық қорғау жүйесі бөлімі меңгерушісінің орынбасары қызметін атқарған.

756
Кілт сөздер:
тағайындау, Қауіпсіздік кеңесі, Назарбаев
Тақырып бойынша
Назарбаев коронавирус пандемиясынан кейін не болатынын айтты 
Назарбаев елге қандай адамдар қажет екенін айтты 
Назарбаев "Самұрық-Қазына" басшылығын мақтады
Тоқаев Қытай басшысына хат жазды
Тоқаев Қытай төрағасы телефонмен сөйлескенде өзіне не дегенін айтты
Отырыс, жиын

Қазақстан президентіне қосымша өкілеттік беріледі 

447
(Жаңартылды 12:10 04.06.2020)
Қорғаныс министрінің бірінші орынбасары бұл еліміздің қауіпсіздігіне төнетін қатерге ден қою үшін мемлекеттің қорғаныс потенциалын қолдау қажеттігінен туындап отырғанын айтты

НҰР-СҰЛТАН, 4 маусым – Sputnik. Парламент сенаты соғыс жағдайы мәселелерінде Қазақстан президентінің өкілеттігін кеңейтетін заң жобасын бірінші оқылымда қарады, деп хабарлайды Sputnik Қазақстан тілшісі. 

Сенатта кейбір заңнамалық актілерге соғыс жағдайы мәселелері бойынша өзгерістер мен толықтырулар енгізу туралы заң жобасы бірінші оқылымда қаралды. 

Қорғаныс министрінің бірінші орынбасары Мұрат Бектановтың айтуынша, заң жобасының негізгі мақсаты – соғыс жағдайы саласындағы заңнаманы жетілдіру. 

"Бұл еліміздің қауіпсіздігіне төнетін қатерге ден қою үшін мемлекеттің қорғаныс потенциалын қолдау қажеттігінен туындап отыр", - деді ол. 

Заң жобасы алты заңға түзету енгізуді көздейді. Оның негізгі мақсаты –  мемлекеттің соғыс жағдайы кезеңінде жұмыс істеуін, сонымен қатар, бейбіт уақытта оған дайындалу мәселесін құқықтық реттеу.
Бектанов соғыс жағдайы туралы заңда президент өкілеттігін толықтыру ұсынылып отырғанын айтты. 

"Ол бейбіт уақытта іске асырылады. Оған сәйкес, президент соғыс жағдайы шараларын қолдану тәртібін айқындау, Қарулы күштер Жоғары бас қолбасшылығы ставкасы туралы, қорғаныс кеңестері туралы, соғыс жағдайы кезеңінде үкімет қызметін ұйымдастыру туралы ережені бекітеді", - деді қорғаныс министрінің бірінші орынбасары. 

Одан бөлек, үкімет құзыреті мынадай өкілеттіктермен толықтырылады: бейбіт уақытта соғыс жағдайы кезеңіндегі министрліктер туралы ережені бекіту, соғыс жағдайы кезеңінде мемлекеттік органды соғыс уақытындағы штатқа көшіруді ұйымдастыру, жергілікті атқарушы органға азаматтық және аумақтық қорғануды қамтамасыз ету міндетін белгілеу. 

Сонымен қатар, соғыс жағдайы кезеңінде жергілікті атқарушы органға облыстың, республикалық маңызы бар қаланың, астананың қорғаныс кеңестерін құру өкілеттігін беру ұсынылады. Бұл ретте қорғаныс кеңестері әскери басқару органы ретінде соғыс жағдайы шараларының орындалуын қамтамасыз етеді. Олар тек соғыс жағдайы кезеңіне құрылады, сондықтан Қарулы күштер құрылымына кірмейді. 

"Күзетілетін адамдар мен объектілер қауіпсіздігін қамтамасыз ету мәселесіне түзету енгізу ұсынылады. Бұл жаңа міндет Қарулы күштер, басқа да әскер мен әскери құрылым, сондай-ақ мемлекеттік органдар үшін енгізіледі", - деді Бектанов. 

Сонымен қатар, қорғаныс және Қарулы күштер туралы заңға қорғанысты жоспарлау бойынша бірқатар түзету енгізу көзделген. Президент өкілеттігін қорғанысты жоспарлау қағидасын бекітумен толықтыру ұсынылады. 

Тағы оқыңыз: Президент Қазақстанда Қырым сценарийі қайталануы мүмкін дегендерге жауап берді

Меншік нысанына қарамастан, ұйымдар функциясын нақтылау, оның ішінде нысанды күзетуге және қорғауға дайындау ұсынылып отыр. 

Әскери қызмет туралы заңға запастағы сержантты даярлау бойынша бірнеше түзету енгізіледі. Әскери резервті толықтыру мақсатында әскери кафедрада ақылы негізде запастағы сержантты даярлау қарастырылған. 

Білім туралы заңға жоғары білім беру ұйымына осы бағдарлама бойынша ақылы негізде запастағы сержантты даярлау өкілеттігін беру туралы толықтыру енгізу көзделіп отыр. 

Бектанов бұл түзетулер соғыс жағдайы туралы заңнамалық актіні қазіргі заманға сай келтіруге мүмкіндік беретінін атап өтті. Бұдан бөлек, соғыс жағдайы кезеңінде мемлекеттің жұмыс істеу механизмін жетілдіреді.

447
Кілт сөздер:
өкілеттік, президент, Қазақстан
Тақырып бойынша
Тоқаев Қытай төрағасы телефонмен сөйлескенде өзіне не дегенін айтты
Тоқаев: Қазақстанда АҚШ әскери базасын салу мәселесі талқыланбайды
Тоқаев парламенттік оппозиция туралы конституциялық заңға қол қойды
Тоқаев карантинге байланысты қазақстандықтарға үндеу жасады
Тоқаев: Қазақстандағы орыстар – еліміздің ажырамас бөлігі
Зорлық-зомбылық

"Ұруға болады": бірнеше әйел алғысы келетін оқытушының мәлімдемесі желіні шулатты

0
Ұлттық университет оқытушысы әйелдерді ұруға болады деген пікір айақпарат тексеріліп жатыр. Оның өзін "исламист, ұлтшыл, гомофоб, жидофоб" деп атағаны да қаншалыққа шындыққа жанасатыны анықталады

АЛМАТЫ, 4 маусым – Sputnik. Еуразия ұлттық университетінде оқытушы Ерлан Сүлейменнің айтқан сөзінен кейін тексеру жүргізіледі.

Ер адам Facebook желісінде "әйелдерді ұрып-соғуға болады және солай істеу қажет" деп пікір қалдырған. Скриншоттарға қарасақ, ол "әйелдер тіпті өздерінің жүктілігін де зерттей алмады" деп санаған.

Оқытушының әйелдер жайлы пікірі

Жас ғалымдар альянсының төрағасы Әсия Ермұхамбетова Ерлан Сүлейменов екеуінің пікір алмасқан фотосын жариялады. Ол Лев Гумилев атындағы Еуразия ұлттық университетінде жұмыс істейтін оқытушының сексистік, ұлтшылдық және арандатушылық тудыратын пікір жазғанын айтты.

Бастапқыда бойжеткен Ұлттық қоғамдық сенім кеңесінің отырысында білім беру мәселелерін негізінен ер адамдар талқылағанын жазды. Ал оған Ерлан Сүлейменов бірден жауап берді.

"Әйелдер өмір бойы өз жүктілігін зерттей алмай келеді. Қанша лайық болса, соншасы қатысып отыр", - деді ол.

 

Өзін исламист деп атап, жақша ішіне "көп әйел алуды қолдаймын, әйелдерді ұрып-соғуға болады және кейде ұру да керек" деп жазды.

Осы жағдайды ЕҰУ Sputnik Қазақстан ақпарат агенттігіне түсіндірді.

"Университет өз қызметінде кез келген түрде адамды кемсітуге мүлдем төзбейді. ЕҰУ Ерлан Сүлейменнің дінге және басқа да мәселелерге қатысты жеке пікірін қолдамайды", - деп жауап берді.

Аталған жағдай Еңбек кодексі аясында талқыланады, карантиндік шаралар алынып тасталған соң университетте ішкі тексеру жұмыстары жүргізіледі, деп нақтылады оқу орны.

"Университет пен Ерлан Сүлеймен арасындағы қарым-қатынас Қазақстанның еңбек заңнамасымен реттеледі. Барлық қызметкер оқытушылардың корпоративтік мәдениет кодексінің нормаларын сақтауға міндетті", - деп қосты университет.

Сонымен қатар оқу ордасы университетте нәсілдік, этникалық, діни, әлеуметтік ымырасыздық пен ерекшеліктерді насихаттау, милитаристік және халықаралық құқық пен гуманизм принциптеріне қайшы келетін өзге де идеяларды таратуға тыйым салынғанын атап өтті.

Қазір университет оқытушылары, оның ішінде Ерлан Сүлеймен де қашықтан жұмыс істеу форматына ауыстырылған.

ЕҰУ сайтында Ерлан Сүлейменнің химия ғылымдарының кандидаты, PhD, қолданбалы химия институтының жетекшісі екені көрсетілген.

Қыздарды маркерге теңеді

2020 жылдың наурызында абайтанушы, филология ғылымдарының кандидаты Омар Жәлел Тараздағы Назарбаев зияткерлік мектебінде мектеп оқушыларын оқуға емес, бала тууға үндеді.
Дәріс кезінде қыздарды кеуіп қалатын маркерге теңеген болатын. 

Абайтанушының айтқан сөзі мектеп оқушыларының ашуына тиді. Мектептің 11-сынып оқушысы Instagram желісінде пікірін жазып, оның бұл сөзімен келіспейтінін жеткізді. Мектеп әкімшілігі де оқушының позициясын қолдады.

"Қыз мұраты – кету" дегенді біз ұмыттық. Соның салдарынан қазір біздің қыздарымыз "менің мұратым – оқу" деп ұғады. Сол себепті қазір қазақтың қыздары оқу қуып, тұрмысқа шықпай жатыр. Соның кесірі біздің демографияға кері әсер етіп, халықтың саны өспей жатыр. Мен "ұлдың мұраты – елге қызмет ету, ал қыздың мұраты – ерге қызмет ету" деп айттым", - деп түсіндірді сөзін Омар Жәлел.

0
Кілт сөздер:
мәлімдеме, оқытушы, әйелдер