Мемлекет басшысы Қасым-Жомарт Тоқаев Парсы шығанағы аймағындағы ахуалға байланысты кеңес өткізді

АҚШ пен Иран қақтығысы: Тоқаев Ақордада кеңес өткізіп, тапсырма берді

2298
(Жаңартылды 13:54 08.01.2020)
Президент Қазақстанның Таяу Шығыстағы елшіліктері мен ондағы қызметкерлердің қауіпсіздігін қамтамасыз етуді тапсырды

НҰР-СҰЛТАН, 8 қаңтар – Sputnik. Мемлекет басшысы Қасым-Жомарт Тоқаев Парсы шығанағы аймағындағы ахуалға байланысты кеңес өткізді, деп хабарлайды Ақорда.

Кеңеске президент әкімшілігі басшылығы, премьер-министр орынбасары, қауіпсіздік кеңесі хатшысы, ұлттық қауіпсіздік комитеті төрағасы,сыртқы істер министрі, қорғаныс министрі, ішкі істер министрі және Қарулы күштер бас штабының бастығы қатысты.

Сыртқы істер министрі Мұхтар Тілеуберді мен басқа да ведомство басшылары Таяу Шығыстағы қазіргі ахуал туралы баяндады.

Тоқаев Парсы шығанағы аймағындағы ахуалдың күрт шиеленісуіне алаңдаушылық білдірді. Президент қақтығысты дипломатиялық әдіс-тәсілдермен, ең алдымен, бұл іске БҰҰ-ны араластыра отырып, сондай-ақ екіжақты байланыстар мен келіссөздер арқылы реттеу мүмкін екенін атап өтті.

Кеңес қорытындысы бойынша мемлекет басшысы Қазақстанның Таяу Шығыстағы елшіліктері мен ондағы қызметкерлердің қауіпсіздігін қамтамасыз етуді, еліміздегі шетелдік дипломатиялық өкілдіктер мен компаниялар кеңселерінің қауіпсіздігін сақтау үшін шаралар қабылдауды, мемлекетіміздің ұлттық мүддесіне қатысты маңызды ақпараттарды алу және талдау жұмыстарын күшейтуді тапсырды.

Тағы оқыңыз: Иранның зымыран соққысы: Трамп мәлімдеме жасайды

Халықаралық ахуалдың шиеленісуі жағдайында Қазақстанның әлеуметтік-экономикалық даму және қорғаныс әлеуетін күшейту мәселелеріне ерекше көңіл бөлінеді.

Таяу Шығыста не болып жатыр?

3 қаңтарда АҚШ Бағдадтағы халықаралық әуежай аумағында арнайы операция жүргізіп, ирандық генерал Сулеймани мен ирак шейіттер жасағының басшысы Әбу Махди әл-Мухандисті өлтірді.

Вашингтонның мәлімдеуінше, олар өткен жылдың 31 желтоқсанында Бағдадтағы АҚШ елшілігіне шабуыл ұйымдастырған.

Иран тарапы Сулейманидің өлімі үшін АҚШ-тан кек қайтаруға уәде берді.

Осыдан кейін Иран Америка әскерилері орналасқан Ирактағы "Айн-әл-Асад" әскери базасына зымыранмен соққы жасады. CNN мәліметінше, базадағы ақпарат көздері кем дегенде 13 зымыранның дәл тигенін растаған, жалпы Иран аумағынан кем дегенде 30 зымыран ұшырылғаны туралы хабарланды.

Ирандық Press TV телеарнасы Ирактағы АҚШ-тың әскери базаларына жасалған соққыдан 80 адам қаза тапты деген мәлімет таратты.

2298
Кілт сөздер:
қақтығыс, АҚШ, Иран, Ақорда, Қасым-Жомарт Тоқаев
Тақырып:
АҚШ пен Иран қақтығысы (13)
Тақырып бойынша
Иран АҚШ-тың әскери базасына зымыранмен соққы жасады
Ақорда ғимараты

Президент ұлттық қоғамдық сенім кеңесінің мүшелерімен кездесу өткізді

490
Ақордадағы кездесуде демографиялық саясат, балалар әдебиетін дамыту мәселелері талқыланып, жергілікті өзін-өзі басқару ісін одан әрі дамыту, мемлекеттік стратегиялық жоспарлау жүйесін жақсарту жөніндегі ұсыныстар қарастырылды

НҰР-СҰЛТАН, 26 қыркүйек – Sputnik. Алматыда мемлекет басшысы Қасым-Жомарт Тоқаев президент жанындағы ұлттық қоғамдық сенім кеңесінің мүшелері Қайрат Жолдыбайұлымен және Андрей Чеботаревпен кездесу өткізді, деп хабарлады Ақорда.

Қоғам қайраткері Қайрат Жолдыбайұлымен кездесуде демографиялық саясат, өскелең ұрпақтың рухани-адамгершілік тәрбиесі және еліміздегі балалар әдебиетін дамыту мәселелері талқыланды.

Оқи отырыңыз: Коронавирустың екінші толқынына дайын болайық – Тоқаев  

"Альтернатива" өзекті зерттеулер орталығының директоры Андрей Чеботарев президенттің Қазақстан халқына арнаған жолдауында айтылған бастамаларына қолдау білдірді. Атап айтқанда ауыл әкімдерінің тікелей сайлауын өткізудің маңыздылығы еліміздің саяси трансформация үдерісіндегі тағы бір оң қадам екенін айтты. Сонымен қатар кездесуде жергілікті өзін-өзі басқару ісін одан әрі дамыту, мемлекеттік стратегиялық жоспарлау жүйесін жақсарту, мүлік меншіктерінің бірлестігін құру және оның қызметі жөніндегі ұсыныстар қарастырылды.

490
Кілт сөздер:
президент, Қасым-Жомарт Тоқаев
Тақырып бойынша
Сарапшылар ауыл әкімін сайлау кезінде қандай қиындықтар болуы мүмкін екенін айтты
Тоқаев жарлыққа қол қойды
Қазақстан ресми түрде өлім жазасынан бас тартты
Тоқаев жұмыс сапарымен Алматыға барды
Тоқаев Алматыда автокөліктің капотына не жазды
Нұрсұлтан Назарбаев пен Шавкат Мирзиёев

Назарбаев пен Мирзиёев Сарыағашта өзекті мәселелерді талқылады

1870
Қазақстан тарапының ұсынысы бойынша кездесу шекараға жақын орналасқан Түркістан облысының Сарыағаш қаласында өтті

НҰР-СҰЛТАН, 26 қыркүйек – Sputnik. Қазақстанның тұңғыш президенті Нұрсұлтан Назарбаев Өзбекстан басшысы Шавкат Мирзиёевті Сарыағаш қаласына шақырды. Жұмыс кездесуі 25 қыркүйекте өтті, деп хабарлады Өзбекстан президентінің ресми сайты.

Назарбаев пен Мирзиёев Қазақстан мен Өзбекстан арасындағы стратегиялық серіктестіктің қазіргі жағдайы мен келешегін талқылады, өзекті аймақтық және халықаралық мәселелер бойынша пікір алмасты.

Коронавирус инфекциясының салдарын тез арада еңсеру үшін үкімет деңгейінде тиімді өзара әрекеттестікті жалғастыруға ерекше назар аударылды.  

Оқи отырыңыз: Назарбаев Зеленскиймен не туралы сөйлесті 

Сауда көлемін ұлғайту және сауданың келісілген өлшемдеріне қол жеткізу үшін қолайлы жағдай жасау, екі ел бірлесіп қабылдаған "Жол картасы" шеңберінде өнеркәсіп, энергетика, ауыл шаруашылығы және көлік саласындағы жобаларды жүзеге асыруға жәрдемдесу, аймақаралық байланыстарды қолдаудың маңызды екені айтылды.

Сондай-ақ, аймақтық серіктестікті ілгерілету, оның ішінде былтыр қараша айында Ташкентте өткен Орталық Азия мемлекеттері басшыларының екінші консультативті кездесуінен кейінгі уағдаластық аясындағы мәселелер қозғалды.

Сонымен қатар, ТМД шеңберіндегі өзара тиімді ынтымақтастықтың негізгі бағыттары қарастырылды.

Кездесу дәстүрлі түрде ашық және достық ахуалда өтті.

1870
Кілт сөздер:
Сарыағаш, Назарбаев, Шавкат Мирзиёев
Тақырып бойынша
Назарбаевқа жаңа құрметті мәртебе берілді
Қырғызстан, Беларусь және Молдова президенттері Нұр-Сұлтанға келді
Назарбаев Ташкентте Өзбекстан президентімен кездесті
Тоқаев Әзербайжан президентімен кездесті
Телефонмен сөйлесіп тұрған медицина қызметкері

Медициналық көмек көрсететін 18 ұйымның бір жарым мыңнан астам кемшілігі анықталды

100
Мамандар анықталған кемшіліктердің басым көпшілігі жеке төленетін консультациялық-диагностикалық қызметтерді көрсетумен байланысты екенін айтады

НҰР-СҰЛТАН, 27 қыркүйек – Sputnik. Тұрғындарға көрсетілген медициналық қызметтердің сапасына тексеріс жүргізу нәтижесінде, Түркістан облысында 18 жеткізушінің көрсеткен қызметінен 1 167 түрлі кемшілік анықталды. Бұл туралы "Әлеуметтік медициналық сақтандыру қоры" АҚ Түркістан облысы бойынша филиалының сарапшылары мәлімдеді.

Қор филиалының медициналық сапасын мониторингтеу бөлімінің басшысы Галима Төреханованың айтуынша, осы күндері мемлекеттік тегін медициналық көмек кепілдігі шеңберінде және МӘМС пакеті бойынша жеткізушілер көрсеткен қызметтердің сапасы мен көлеміне мониторинг жүргізіліп жатыр.

"Маусым-шілде айының қортындысы бойынша тұрғындарға медициналық көмек көрсету кезінде 18 жеткізушінің көрсеткен қызметі тексеріліп, нәтижесінде 1 167 түрлі кемшілік анықталды. Жалпы, медициналық ұйымдарға салынған айыппұл сомасы 9,6 миллион теңгені құрады", – делінген хабарламада.

Қор өкілдері бүгінгі таңда алдымен жеткізушілер тұрғындарға тиісті   медициналық қызметтерді көрсететінін айтады.

"Көрсетілген қызмет сапасы мен көлеміне қарай қор сарапшылары тарапынан мониторинг жүргізіледі. Егер кемшіліктер анықталмаса, ақысы төленеді, ал кемшіліктері болса тиісті ережелерге сәйкес айыппұл салынады", – дейді Төреханова.

Қандай кемшіліктер жиі кездеседі

Анықталған кемшіліктердің басым көпшілігі жан басына шаққандағы нормативке кірмейтін, жеке төленетін консультациялық-диагностикалық қызметтерді көрсетумен байланысты. Яғни, шілде айында пациенттер қызметтің осы түрін алғандығы ақпараттық жүйелерге енгізілген.

Жалпы, өңірлер арасында кемшілік фактілері Қостанай, Алматы облысы мен Алматы қаласында жиі кездеседі. Ал Павлодар, Жамбыл, Ақмола облысында кемшілік аз анықталған.

Оқи отырыңыз: Нұр-Сұлтанда медициналық көмек қалай көрсетіледі – дәрігер жағдайды түсіндірді

Айта кетейік, медициналық сақтандыру қорының ұйымдастырған кері байланысы қоғамдық бақылау жүргізіп, пациенттің құқығын қорғауда және медициналық ұйымдарды тәртіпке келтіруде септігін тигізіп жатыр. Шағым немесе өтініш беру үшін 1406 телефонына немесе Qoldau 24/7 мобильді қосымшасы арқылы хабарласуға болады.

100
Кілт сөздер:
кепілдендірілген тегін медициналық көмек, медициналық сақтандыру
Тақырып бойынша
Сағынтаев: халық әлі сапалы медициналық көмек ала алмай отыр
Сенат Байқоңыр тұрғындарына медициналық көмек көрсету туралы келісімді қабылдады
Тегін медициналық көмек пакеті қайта қаралады
Қазақстандықтар 1 сәуірден МӘСҚ аясында медициналық көмек алады
Назарбаев Сағынтаевқа: медициналық қызмет нашарлап, білім алу қымбаттап барады