Чжан Сяо

Қытай туралы қауесетті кім таратады Қытай елшісі ашық сұхбат берді

5468
(Жаңартылды 14:55 03.02.2020)
Елші аймақтан тыс кейбір мемлекеттер Қытай-Қазақстан байланысының табысты дамығанын қаламайтынын айтып отыр

НҰР-СҰЛТАН, 3 ақпан – Sputnik. Қытай мен Қазақстан қарым-қатынастың стратегиялық әріптестіктен мәңгілік серіктестікке ұласқаны туралы айтқан болатын. Алайда қоғам арасында екі елдің байланысына қатысты туындайтын мәселе де аз емес. Қытай халық республикасының Қазақстандағы төтенше және өкілетті елшісі Чжан Сяо екі мемлекеттің достығына қызғанышпен қарайтындар бар деп отыр.

"Тату көрші, әріптес, бір-біріне туыс"

"Қытай мен Қазақстанның қарым-қатынасы мызғымас екеніне бірнеше дәлел бар. Біріншіден, екі ел географиялық жағынан бір-біріне өте жақын, ғасырлар бойы сенімді әрі тату көрші болып келеді. Біз Ұлы Жібек жолы арқылы етене араласып, өзара тиімді әрі достық байланыстарды орната білдік. Осы қарым-қатынас ұрпақтан ұрпаққа жалғасып келеді. Қытай мен Қазақстан халықтары – тату көрші, әріптес, бір-біріне туыс. Құдайдың өзі осы тарихты және шындықты өзгерте алмайды", - дейді Сяо.

Елшінің айтуынша, екі ел де шығыс өркениетіне тән отбасы құндылықтарын ерекше дәріптейді. "Үлкенге – құрмет, кішіге - ізет" қағидасын ұстанады. Қытай да, қазақ та эгоизмге жол бермейді. Жақынға қамқор бола біледі. Бұның бәрі – мәдениеттің ұқсастығы. Ал мәдениет – ол халықтың жаны, ішкі болмысы. Осы ұқсастықтың арқасында өзара сыйластық пен құрмет қалыптасады.

"Қытай үкіметі алғашқылардың бірі болып Қазақстанның тәуелсіздігін мойындады. Ал 1992 жылы 3 қаңтарда екі мемлекет елшілердің деңгейінде дипломатиялық қарым-қатынас орнатты. Содан бері Қытай көшбасшылары мен Қазақстанның Тұңғыш президенті Нұрсұлтан Назарбаевтың жетекшілігімен Қытай мен Қазақстанның байланысы дамып келеді", - деп атап көрсетті Сяо.

Мәңгілік әріптестікке қалай жеттік?

Елші Қытай үкіметінің 1995 жылғы қауіпсіздік кепілдігін беру туралы мәлімдемесін еске алды. Үш жылдан кейін екі елдің шекара мәселесі толығымен шешілді. Ал 2002 желтоқсан айында Қытай мен Қазақстан "Достық, әріптестік пен көршілік туралы" келісімді рәсімдеді. Осылайша, екі жақты қарым-қатынастың негізі қаланды.
2005 жылы шілде айында Қытай мен Қазақстан стратегиялық әріптестікті бастайтынын мәлімдеді. 2011 жылы осы бастама жан-жақты стратегиялық әріптестікке ұласты. Екі жылдан кейін ҚХР төрағасы Си Цзиньпин Қазақстанға сапар жасап, "Жібек жолы" экономикалық белдеуін құру бастамасын жариялады.

Тағы оқыңыз: АҚШ Қытайда қысым көрген этникалық қазақтарға қатысты мәлімдеме жасады

2015 жылы екі тарап жан-жақты стратегиялық әріптестіктің жаңа кезеңіне аяқ басқанын мәлімдеді. Ал 2019 жылы қыркүйек айында Қазақстан президенті Қасым-Жомарт Тоқаевтың Қытайға жасаған сапары кезінде екі елдің басшылары мәңгілік стратегиялық әріптестіктің орнағанын жариялаған болатын.

"Мінеки, осының бәрі тарихи достықтың жалғасы ғана емес, ең жақын әрі ең мықты қарым-қатынастың көрінісі болса керек. Бұл – ұрпақтан ұрпаққа жалғасып келе жатқан мызғымас достық пен өзара тиімді әріптестіктің нәтижесі", - деп атап көрсетті Сяо.

3 мыңнан астам қытайлық кәсіпорын тіркелген

Елші "Бір жол, бір белдеу" бастамасын "Нұрлы жол" мемлекеттік бағдарламасымен үндестіру шараларына да баса назар аударды. Оның айтуынша, осы шаралар екі елдің дамуына жол ашады. Ал халықтар бір-біріне жақындай түседі. Қазірдің өзінде "Бір жол, бір белдеудің" нәтижесі жоқ емес. Өткен жылы Қытай мен Қазақстанның тауар айналымы 20 миллиард доллардан асты. Бұл көрсеткіш дипломатиялық қарым-қатынастар орнағалы 50 есеге өсті.

Қытайдың Қазақстанға салған инвестициясы 29,3 миллиард АҚШ долларын құрады. Ал мердігерлік бойынша инженерлік келісімдердің көлемі 32 миллиард долларға жетті. Қазақстанда 3 мыңнан астам қытайлық кәсіпорын тіркелді. Ұлы Дала арқылы қытай-қазақ мұнай құбыры және "Қытай – Орталық Азия" газ құбыры өтеді. 55 инвестициялық жоба анықталды. Олардың жалпы сомасы 27,4 миллиард долларға жетті. Соның ішінде мұнай өңдеу зауыты, "Батыс Қытай – Батыс Еуропа" көлік дәлізі, Нұр-Сұлтан қаласындағы айналма жол және фото-электростанция бар. Суперкомпьютер орталығы сияқты жаңа жобалар да ұсынылып отыр.

Геосаяси менмендік және қызғаныш

"Сөз жоқ, қытай-қазақ қарым-қатынастары ортақ мүддені көздейді және стратегиялық әріптестікке негізделген. Оны ешкім бұза алмайды. Осы орайда аймақтан тыс кейбір мемлекеттердің Қытай-Қазақстан байланысының табысты дамығанын қаламайтынын айта кеткен жөн. Соның арғы жағында геосаяси менмендік және қызғаныш тұр. Ол мемлекеттер ардан безіп, қауесет таратады, сан алуан жолдармен Қытайға жала жауып, қаралауға тырысады", - дейді Сяо.

Оның сөзіне қарағанда, ондай елдер қазақстандықтарды үнемі жаңылыстырып отырады. Сөйтіп, қытай-қазақ байланыстарын бұзуға күш салады.

"Олар қытай-қазақ қарым-қатынасы туралы жағымсыз пікір қалыптастыруға тырысады. Алайда ойлай алатын адам шындық пен өтірікті бірден айырады. Сондықтан қытай-қазақ қарым-қатынасын бұзамын дейтіндердің әрекеті – бос әурешілік", - деді Сяо.

5468
Кілт сөздер:
сұхбат, қауесет, елші, Қытай
Тақырып бойынша
"Бұл не масқара?!": Еркін Рақышев Тоқаевқа үндеу жолдады – видео
"Қорқынышты": Қазақстан студенттері Уханьда не боп жатқанын айтты - видео
Қытай коронавирусы: Тоқаев мәлімдемесінен соң үкімет қандай шара қолданды?
"Сондай күлкілі": Қытай елшісі Жаңаөзендегі митинг жайлы не ойлайтынын ашық айтты
"Зәреміз ұшты": Қазақстан Қытайдан туристердің алғашқы легін әкелді – фото
Қазақстан президенті Қасым-Жомарт Тоқаев

Қазақстан қақтығыстарды бейбіт жолмен реттеуге үлес қоса алады Тоқаев

177
Қасым-Жомарт Тоқаев "COVID-19 дәуірінде және одан кейінгі кезеңде дамуды қаржыландыру" атты жоғары деңгейдегі шарада сөз сөйледі

НҰР-СҰЛТАН, 28 мамыр – Sputnik. Қазақстан қақтығыстарды бейбіт жолмен реттеуге өз үлесін қоса алады, деді президент Қасым-Жомарт Тоқаев БҰҰ форумында.

Мемлекет басшысы теңізге шығуға мүмкіндігі жоқ Дамушы елдер тобының атынан сөз сөйледі.

"Қазақстан азық-түлік қауіпсіздігі, делдалдық, жанжалдарды шешу және бейбітшілік орнату сияқты негізгі салалардағы жаһандық күш-жігерге өз үлесін қоса алады", - деді Тоқаев  "COVID-19 дәуірінде және одан кейінгі кезеңде дамуды қаржыландыру" атты жоғары деңгейдегі шарада.

Ол пандемия кезінде Қазақстан коронавирустың өршуіне гуманитарлық жауап қату жаһандық жоспары аясында қаражат жібергенін атап өтті.

"Біз вирусқа қарсы күресте бірқатар елге гуманитарлық көмек көрсеттік", - деді Тоқаев.

Президент өз сөзінде жеке инвесторларды цифрлық теңсіздікті еңсеруге көмектесуге шақырды.

"Халықаралық сауда да барлық елдің, ең алдымен, аз дамыған елдердің мүдделері үшін тез дамып отыруы керек", - деп толықтырды ол.

Оқи отырыңыз: БҰҰ Бас хатшысы Қазақстанның коронавируспен күреске елеулі үлес қосқанын айтты 

"COVID-19 дәуірінде және одан кейінгі кезеңде дамуды қаржыландыру" форумы БҰҰ бастамасымен ұйымдастырылып, бейнеконференция түрінде өтіп жатыр.

Сессия барысында БҰҰ Бас хатшысы Антониу Гутерриш, Канаданың премьер-министрі Джастин Трюдо, Германия канцлері Ангела Меркель, Франция президенті Эммануэль Макрон және басқа елдердің басшылары сөз сөйледі.

177
Кілт сөздер:
БҰҰ, коронавирус, Қасым-Жомарт Тоқаев
Тақырып бойынша
Коронавирус салдары қандай болады - мамандар болжам жасады
Тоқаев: Қазақстан мен Швейцарияның ұстанымдары ортақ
Коронавирус пандемиясы кезінде Тоқаевтың жұмыс кестесі қалай өзгерді?
БҰҰ Тоқаевтың шешіміне қатысты пікір білдірді
Бөлінген қаржы қалай игерілуде: Тоқаев есеп комитетінің басшысын қабылдады
Қасым-Жомарт Тоқаев қорғаныс министрі Нұрлан Ермекбаевты қабылдады

Тоқаев қорғаныс министріне тапсырма берді

372
Президент Қазақстанның қорғаныс қабілетін күшейтуді, Қарулы күштердің жабдықталуын жақсартуды, шығындарды оңтайландыруды тапсырды

НҰР-СҰЛТАН, 28 мамыр – Sputnik. Мемлекет басшысы Қасым-Жомарт Тоқаев қорғаныс министрі Нұрлан Ермекбаевты қабылдады, деп хабарлайды Ақорда.

Қазақстан президенті – Қарулы күштердің жоғарғы бас қолбасшысына Қазақстан армиясының штаттық құрылымын оңтайландыру мақсатында жүргізіліп жатқан жұмыстар, қару-жарақтарды, әскери техника мен оқ-дәрілерді инвентаризациялау және тексеру, коронавирус індетінің таралуына қарсы күрес, сондай-ақ, жүзеге асырылып жатқан ірі инфрақұрылымдық жобалар туралы баяндалды.

Ермекбаев Тоқаевқа қазіргі уақыттағы сын-қатерлерді ескере отырып, Қарулы күштердің жаңа келбетін қалыптастыру, түрлі табиғи және техногендік төтенше жағдайларды жою кезінде әскери қызметшілерді жұмылдыру мүмкіндігі мен қажеттігі жайында мәлімет берді.

Тағы оқыңыз: Тоқаев Есімовті Ақордаға не үшін шақырды

Сонымен қатар президент Ермекбаевтың әскери бөлімшелердің дайындығы, мемлекеттік қорғаныс саласындағы тапсырыс мәселелері, бюджет мүмкіндіктерін ескере отырып, әскери техникамен жабдықтау, Қорғаныс министрлігін автоматтандыру және цифрландыру жөніндегі есебін тыңдады.

Жоғарғы бас қолбасшы еліміздің қорғаныс қабілетін күшейтуді, Қарулы күштердің жабдықталуын жақсартуды, шығындарды оңтайландыруды, әскери қызметшілердің білім деңгейін көтеріп, біліктілігін арттыру мүмкіндіктерін пысықтауды тапсырды.

372
Кілт сөздер:
Қорғаныс министрлігі, Нұрлан Ермекбаев, Қасым-Жомарт Тоқаев
Тақырып бойынша
Қорғаныс министрлігі МиГ-31 ұшағы апатына байланысты мәлімдеме жасады
Нұр-Сұлтанда Қазақстанның бірінші қорғаныс министрі Нұрмағамбетовті еске алды
МиГ-31 ұшағы апаты: қорғаныс министрі ұшқыштардың отбасыларына көмек көрсетуді тапсырды
Тоқаев мемлекеттік комиссия құру туралы жарлыққа қол қойды
Фонтан, бала

Қырық градус ыстық болады: ертеңге ауа райы болжамы

0
31 мамырда республиканың басым аумағында ауа райы жауын-шашынсыз, күн ыстық болады. Өңірлерде дабылды ескерту жарияланды

НҰР-СҰЛТАН, 30 мамыр – Sputnik. Қазақстан аумағында 31 мамырда ауа температурасы 41 градусқа дейін көтеріледі. Нұр-Сұлтанда жел күшейеді деп болжанып отыр. Қазгидромет жекелеген өңірлерде дабылды ескерту жариялады.

Қырық градус ыстық

Күндіз Қызылорда облысында 41 градусқа дейін аптап ыстық болады, солтүстік-шығыстан 15-20 м/с жел соғады.

Түркістан облысында да – 40 градус ыстық, кей жерлерде жылдамдығы 15-20 м/с жел тұрады. Түркістанда сынап бағанасы 40 градусқа дейін көтеріледі.

Қарағанды облысында 31 мамыр мен 2 маусым аралығында 35-39 градус ыстық күтіледі.

Тағы оқыңыз: Жаңбыр, бұршақ жауып, ыстық болады: маусымға ауа райы болжамы жарияланды

Қостанай облысында да аптап ыстық болжануда - 35-38 градус.

Қатты жел

31 мамыр күндіз Ақмола облысында желдің екпіні 15-20 м/с дейін барады.

Нұр-Сұлтанда оңтүстіктен және оңтүстік-батыстан соғатын желдің жылдамдығы секундына 15-18 метрге жетеді.

Мегаполистердегі ауа райы

Қазақстан астанасында сынап бағанасы 31-33 градусты көрсетеді деп күтілуде, көшпелі бұлт шығады, күн ашық. Желдің екпіні – 15-18 м/с.

Алматыда да ауа райы жауын-шашынсыз, 29-31 градус ыстық.

Шымкентте күн ашық, күндіз ауа температурасы 34-36 градусқа дейін жоғарылайды.

0
Кілт сөздер:
ыстық, ауа райы болжамы