Қасым-Жомарт Тоқаев

Тоқаевты Мюнхенде қалай қарсы алды видео

2326
(Жаңартылды 15:38 14.02.2020)
Мемлекет басшысы қауіпсіздік жөніндегі 56-шы Мюнхен конференциясы мен панельдік пікірталастарға қатысады

НҰР-СҰЛТАН, 14 ақпан — Sputnik. Президент Қасым-Жомарт Тоқаев екі күндік жұмыс сапарымен Мюнхенге барды. Видеоны мемлекет басшысының баспасөз хатшысы Берік Уәли жариялады.

Мемлекет басшысы қауіпсіздік жөніндегі 56-шы Мюнхен конференциясы мен панельдік пікірталастарға қатысады деп жоспарланып отыр. Сондай-ақ, әлемдік лидерлер, халықаралық ұйым жетекшілері, ірі неміс компаниялары және халықаралық қатынас саласындағы белгілі сарапшылармен екіжақты кездесу өткізетін болады.

"Конференцияда Қасым-Жомарт Тоқаев аймақтық қауіпсіздік мәселелеріне қатысты пікірталасқа қатысып, "Географиялық орналасудың маңызы: Орталық Азия туралы әңгіме" тақырыбында сөз сөйлейді", - деді Берік Уәли.

Мюнхенде өтетін іс-шараға қатысу үшін 40-қа жуық мемлекеттің басшылары, 100-ден астам сыртқы саяси және қорғаныс ведомстволарының жетекшілері, халықаралық қатынастар саласындағы беделді сарапшылар барады.

Мюнхен конференциясы

Қауіпсіздік жөніндегі 56-шы Мюнхен конференциясының күн тәртібінде әлемдік дамудың және жаһандық қауіпсіздіктің өзекті мәселелері қарастырылады. Конференцияға қатысушылар сауда соғыстары мен санкциялар проблемаларын, Таяу Шығыстағы ахуалды, Еуропалық одақпен, АҚШ-пен, Ресеймен, Қытаймен және басқа да елдермен арадағы өзара қатынастарды, Еуропадағы қауіпсіздіктің сын-қатерлерін, Еуропалық одақ пен НАТО-ның келешегін, сондай-ақ, киберқауіпсіздік пен денсаулық сақтау салаларындағы қазіргі заманның қауіп-қатерлерін, жалған ақпаратпен күрес және басқа да мәселелерді талқылайды.

2326
Тақырып бойынша
Тоқаев Қордайдағы қақтығыс кімнің кесірінен болғанын айтты
Тоқаев Қазақстандағы еріктілер қозғалысының құрметті елшісі болды
Тоқаев тікелей эфир арқылы мәлімдеме жасады - видео
Қордайдағы қақтығыс: Тоқаев маңызды тапсырма берді
Тоқаев Қордайдағы оқиғаға байланысты басшыларды Ақордаға шақырды
Загрузка...