Украина президенті Владимир Зеленский

Зеленскийдің президент болғанына бір жыл: сарапшылар не дейді?

54
(Жаңартылды 18:15 21.05.2020)
Осыдан тура бір жыл бұрын Украина президенті Владимир Зеленскийді ұлықтау рәсімі өтті. Саяси тәжірибесі жоқ ол екінші айналымда сайлаушылардың 73% дауысын жинап, Петр Порошенконы айқын басымдықпен жеңді

Бүгінге дейін Зеленский өзінің сайлау алдында берген кейбір уәделерін орындады. Атап айтқанда, депутаттың дербес құқықтылығын алып тастады. Ал Донбаста бейбітшілікті қамтамасыз ете алған жоқ. Сондай-ақ, ол қолында бұрын-соңды болмаған биліктің шоғырлануына қарамастан, елді реформалауда және "кедейлік дәуірін" еңсеруде айтарлықтай жетістіктерге жете алмады.

Оған қоса, лауазымды қызметке тағайындау кезінде "тамыр-таныстыққа" жол беретіндігі үшін қоғам тарапынан жиі сынға ұшырады. Кадр тапшылығы да оның жұмысының тиімділігіне кері әсерін тигізуде: көбінесе негізгі лауазымдарға үміткерлер болмайды немесе оларды бұрынғы шенеуніктердің арасынан іздеуге тура келеді. Ресеймен де қарым-қатынас қалыпқа келе қоймады.

РИА Новости-ге сұхбат берген сарапшылардың пікірінше, Зеленский "осы уақытқа дейін президент болуды үйренді, бірақ ол кеме штурвалын қалай басқаруды әлі де меңгеру керек".

Кадр тапшылығы мен тамыр-таныстық

Зеленский президенттігінің басты мәселесі кадр саясаты болып шықты: билікке ел басқару үшін командасы жоқ адам келді. Саясатқа мүмкіндігінше жаңа адамдарды көп тарту туралы сайлауалды идеясы да сәтсіздікке ұшырады.

"Зеленский мен сайлаушылар жаңа адамдарды жинау жеткілікті, сондықтан бәрін тез арада шешуге болады деп ойлады. Алайда, күрделі мәселелерді тез әрі қарапайым түрде шешу мүмкін емес", – дейді украиналық саясаттанушы Владимир Фесенко.

"Слуги народа" депутаттарының арасындағы жаңа есімдер тез арада "ескіге" айналды. Билік партиясы бейресми ықпал ету топтарына бөлініп, тұрақсыз жұмыс істеп жатыр.

"Президент команданы асығыс жинақтағандықтан оны тәртіпке салу мен жұмылдырудың бірден-бір өлшемі – өзі. Өйткені, идеологиялық немесе құндылық факторлары жоқ. Зеленский болмаса – ол жасаған жүйе де болмайды", – деді Фесенко.

Кадр саясатының тиімсіздігі Украина экономикасындағы проблемаларға алып келді. Премьер-министр Алексей Гончарук басқарған Зеленскийдің алғашқы үкіметі мемлекеттік бюджет түсімін іске асыра алмады. Бұл әлеуметтік төлемдер проблемасына әкеліп, нәтижесінде министрлер кабинеті таратылды.

Гончаруктың орнына Денис Шмыгаль келді. Украина Радасы коронавирус індетіне байланысты экономиканы тұрақтандыру жоспарын ұсына алмай отырған бұл үкімет те таяуда отставкаға кетуі мүмкін екенін жоққа шығармайды.

"Кадр саясатында таңғаларлық жағдайлар болып жатыр. Билікке тек бұрынғы шенеуніктер ғана емес, сонымен бірге саяси биографиясы өте күмәнді адамдар да келуде", – деп жазды "Новое время" басылымында "Центр UA" қоғамдық ұйымының басшысы Олег Рыбачук.

Украинаның саясат анализі және менеджменті институтының директоры Руслан Бортниктің айтуынша, кадр саясатындағы қателіктер айқын көрінуде. Өйткені, Зеленский алты айдан кейін үкімет пен бас прокурорды және президент кеңсесінің басшысын ауыстыруға мәжбүр болды.

"Бұл кадр саясатының жүйесіз екенін көрсетеді. Билікке кездейсоқ адамдар жиі келеді, рейтинг төмендесе де, олардан тез арылуға тура келеді", – деді сарапшы РИА Новостиге.

Зеленскийдің өз достары мен туыстарын жоғары лауазымды қызметке тағайындамау туралы сайлаушыларға берген уәдесі оның жеңіске жетуіне көмектескен еді.

2019 жылдың сәуірінде мемлекеттік лауазымдарға кімдерді тағайындайсыз деп сұраған журналистерге Зеленский "Уайымдамаңыздар. Бізде тамыр-таныстық болмайды" деп жауап берген болатын.

Алайда, бір жылдан кейін "Студии Квартал 95" бағдарламасының тағы бір қатысушысы мемлекеттік лауазымға тағайындағаннан кейін украиналықтар таңданудан қалды.

Мәскеу және батыспен қарым-қатынас

Сыртқы саясатта Зеленский Киевтің еуропалық интеграциялық векторын сақтап қалды және НАТО-мен ынтымақтастықты жалғастыруда. 

"Президенттің командасында сратегиялық жоспарлау сезілмейді. Іс жүзінде біз бұрынғы көпвекторлы саясатты жалғастырып жатырмыз", – дейді халықаралық перспективалық зерттеулер орталығының сарапшысы Николай Капитоненко.

Өз кезегінде саясаттанушы Бортник көпвекторлы саясатқа қайта оралу туралы айтудың қажеті жоқ деген пікірде. Әншейін жаңа президент еуропалық интеграцияны Порошенко сияқты белсенді ілгерілетіп жатқан жоқ. 

"Біз еуропалық интеграцияны ілгерілетуді тоқтаттық, бірақ оған Зеленскийдің жеке позициясы емес, дағдарыс, коронавирус әсер етіп отыр. Батыс өз проблемаларына қайта оралды. Қалай десек те, ешкім ЕО мен НАТО-ға белгіленген бағдардан бас тартпайды, бұл конституцияда бар. Бірақ ешкім бұл процестерді жеделдетіп жатқан жоқ", – дейді сарапшы.

Ал Ресеймен қарым-қатынаста қандай өзгерістер бар?

"Біздің Ресеймен қарым-қатынасымыз грузиялық сценариймен жүруде. Бір жағынан маңызды транзиттік газ келісімшарты жасалды, саудада кедергілер азайды, ал екінші жағынан саяси қарым-қатынас тұрақтанды айта алмаймыз. Украинада Ресей елшісі жоқ және саяси қатынастар өте төмен деңгейде", – дейді Бортник.

Мәскеу мен Киевтің қарым-қатынасы Донбастағы жағдайға байланысты нашарлады. Украина билігі бұған дейін Ресейді елдің ішкі ісіне араласады деп бірнеше рет айыптады. Тіпті, 2015 жылы қаңтарда Жоғарғы Рада Ресейді "агрессор ел" деп атаған мәлімдеме қабылдады. Ал Ресей Украинаның мұндй айыптауларын жоққа шығарады.

Рейтингтің төмендеуі

Қателіктер мен кейде көпшілік түсіне бермейтін шешімдерге қарамастан егер жақын арада сайлау өткізілсе, Зеленский тағы да жеңіске жетер еді. Соңғы сауалнамаларға сүйенсек, сайлаушылардың 40%-тен астамы өз дауысын беруге дайын.

Былтырғы сайлаудың бірінші кезеңінің нәтижесі бойынша ол барлық кандидаттар ішінде ең көп (30,24%) және сол кездегі президент Порошенкодан екі есе көп дауыс жинады. Ал сайлаудың екінші кезеңінде Зеленский 73,22% дауыс жинап, жеңіске жетті.

"Зеленскийдің партиясы он айда әрбір төртінші сайлаушыны жоғалтты, ал президенттің өзі сайлаушылардың 30 процентінен айырылды. Рейтинг жоғары болып қалғанымен, оның төмендеу динамикасы байқалады", – деді Бортник.

Оның пікірінше, қоғам саяси революция мен әлеуметтік-экономикалық байланыстардың өзгерісін күтті. Алайда, бұл болмады және Зеленский өзіне мұра болған жүйені басқарып отыр, дейді сарапшы. 

54
Ақорда, архивтегі фото

Тоқаев Филиппин және Аустралиядағы жаңа елшілерді тағайындады

36
(Жаңартылды 11:20 22.05.2020)
Мемлекет басшысы екі елшіні жаңа дипломатиялық лауазымдарды қоса атқарушы қызметіне тағайындау туралы жарлықтарға қол қойды  

НҰР-СҰЛТАН, 22 мамыр – Sputnik. Қазақстан президенті Қасым-Жомарт Тоқаев Филиппин және Аустралиядағы елшілерді тағайындады.

Қазақстанның Индонезиядағы төтенше және өкілетті елшісі Данияр Сарекенов Қазақстанның Филиппин Республикасындағы төтенше және өкілетті елшісі қызметін қоса атқарушы қызметіне тағайындалды, деп хабарлады Ақорда.

Сонымен қатар, Қазақстанының Сингапурдағы төтенше және өкілетті елшісі, Қазақстанның Жаңа Зеландиядағы төтенше және өкілетті елшісі қызметін қоса атқарушы Аркен Арыстанов Қазақстанның Аустралия Одағындағы төтенше және өкілетті елшісі қызметін қоса атқарушы қызметіне тағайындалды.

Оқи отырыңыз: Тоқаев бірнеше елшіні қызметінен босатты

Данияр Сарекенов дипломатиялық еңбек жолын 1993 жылы сыртқы істер министрлігінде атташе қызметінен бастады. 2013 жылы Қазақстан Республикасының Малайзиядағы елшілігінде кеңесші болып жұмыс істеді. Кейінірек, сол жылы ол Қазақстанның Малайзиядағы елшісі болды, бұл қызметті 2019 жылға дейін атқарды.

Аркен Арыстанов әр жылдары қаржы саласында еңбек етті. 2011-2013 жылдары "Қазпошта" АҚ басқарма төрағасы болды. 2014-2019 жылдары – Қазақстанның Франциядағы елшілігінде инвестициялар жөніндегі кеңесші.

2019 жылы ол Қазақстанның Сингапур мен Жаңа Зеландиядағы елшісі болып тағайындалды.

36
Кілт сөздер:
елші, Қасым-Жомарт Тоқаев
Тақырып бойынша
Тоқаев Қазақстанның Украинадағы жаңадан тағайындалған елшісіне тапсырма берді
Қазақстанның Қытайдағы елшісі ауысты
Тоқаев кадрлық ауыс-түйіс жасады
Тоқаев Марат Тәжинді "Барыс" орденімен марапаттады
АҚШ президенті Дональд Трамп

Трамп АҚШ Ашық аспан келісімшартынан шығатынын жариялады

83
(Жаңартылды 10:04 22.05.2020)
Егер ештеңе өзгермесе, Америка Құрама Штаттары үшін келісімшарттың әрекет ету мерзімі жарты жылдан кейін аяқталады

НҰР-СҰЛТАН, 22 мамыр – Sputnik. АҚШ президенті Дональд Трамп өз елінің Ашық аспан келісімінен шығатынын мәлімдеді, деп хабарлайды РИА Новости.

"Біз Ресеймен өте жақсы қарым-қатынастамыз деп ойлаймыз, бірақ олар келісімшартты ұстанбады. Сондықтан біз шығамыз. Бірақ бізде жаңа келісімге қол жеткізуге немесе осы келісімшартты бірге қайтару үшін бір нәрсе жасауға болатын жақсы мүмкіндік бар", - деп хабарлады Трамп.

Оқи отырыңыз: Ресей АҚШ-қа гуманитарлық көмек жіберді 

Мемлекеттік хатшы Майк Помпео кейінірек Вашингтон келісімнен алты айдан кейін шығатынын мәлімдеді. Ол Штаттар Ресей келісімшартты "қайта сақтай бастаған" жағдайда ғана шешімін өзгертуі мүмкін екенін атап өтті.

Ресей сыртқы істер министрлігі Мәскеу ешқандай заңбұзушылыққа жол берген жоқ деп жауап берді.

"Біз кейбір техникалық проблемалардың болуын осы іргелі келісімнен шығуға себеп қылуды құптамаймыз. АҚШ Ресей тарапынан заңбұзушылық ретінде көрсетуге тырысып жатқан осы техникалық мәселелерді талқылауды одан әрі жалғастыруға ештеңе кедергі емес", - деді сыртқы істер министрінің орынбасары Александр Грушко.

Грушко Ашық аспан келісімшарты 20 жылдан астам уақыт ішінде Еуропадағы бейбітшілік пен қауіпсіздікті қолдағанын және "барлық элемент өзара байланысты болатын әскери қауіпсіздік жүйесінің ажырамас бөлігі болды" деп атап көрсетті.

Вашингтон бұған дейін Мәскеудің 2019 жылдың қыркүйегінде АҚШ-Канада миссиясының ұшуына рұқсатты кері қайтарып, келісімшартты бұзғанын мәлімдеген. Ресей бұл айыптауларды жоққа шығарып, заңбұзушылық АҚШ тарапынан болғанын көрсетті. Атап айтқанда, 2016 жылы Вашингтон аралық аэродромдардың қажетті санын беруден бас тартып, ресейлік ұшақтардың қауіпсіз келуін қамтамасыз етпеген.

Ашық аспан келісімшарты

1992 жылы қол қойылған құжат қырғи қабақ соғыстан кейін Еуропадағы сенімді нығайту шараларының бірі болды. Ол 2002 жылдан бері жұмыс істейді және қатысушы елдерге бір-бірінің қарулы күштері мен іс-шаралары туралы ашық ақпарат жинауға мүмкіндік береді. Келісімге 34 мемлекет қол қойды.

83
Кілт сөздер:
келісім, Ресей, АҚШ
Архивтегі фото

Ресейлік танымал актриса коронавирус жұқтырды

0
Алена Бабенко әлеуметтік желіде COVID-19 індетін жұқтырғанын және денсаулығының нашарлағанын хабарлады

НҰР-СҰЛТАН, 24 мамыр – Sputnik. Ресейдің еңбек сіңірген әртісі Алена Бабенко коронавирус диагнозымен  ауруханаға жатқызылды. Бұл туралы актриса өзінің Instagram парақшасында хабарлады.

Посмотреть эту публикацию в Instagram

Публикация от Алена Бабенко (@alena_babenko_official)

Алена Бабенко сырқат екенін сезген бойда "Танцы со звездами" шоуынан кетіп, өзін оқшаулағанын атап өтті.

"Мен өз денсаулығыма ғана емес, достарым мен әріптестерімнің денсаулығына да жауаптымын. Өкінішке қарай, бұл әлгі коронавирус болып шықты", - деді актриса.   

Бабенко аурудың дене қызуының көтерілуі, әлсіздік секілді белгілерін байқаған. Қазір ол ауруханада емделіп жатыр, жағдайы біршама жақсарған.

Ресейлік актриса Алена Бабенко кинода, театрда және телехикаяларда ойнайды. Актриса ондаған рөлді сомдаған. 2013 жылы ол режиссер Ермек Аманшаев пен Георгий Шенгелияның "Параллель әлемдер" Қазақстан-Ресей мелодрамасында ойнады.

24 мамырдағы мәлімет бойынша Ресейде COVID-19 індетін жұқтырған 344 481 адам тіркелді.

0
Кілт сөздер:
актриса, коронавирус
Тақырып бойынша
"Басқаша түсініп қалды": Нұрлан Еспанов коронавирус туралы айтқан сөзін түсіндірді
Әйгілі Голливуд актері әйелі екеуі коронавирус жұқтырғанын мәлімдеді
Коронавирус індеті: COVID-19 жұқтырған танымал адамдар - фото
Танымал қазақстандық әнші төтенше жағдайға байланысты әскерге шақырылды – видео