Қырғызстан премьер-министрі Мухаммедкалый Абылгазиев, архивтегі сурет

Қырғызстан президенті үкіметті таратты

1530
Қырғызстан министрлер кабинетінің басшысы радиожиіліктерді сату кезіндегі жемқорлыққа қатысты қылмыстық іс бойынша тергеуге қысым жасады деген айыптауларға жол бергісі келмейді

НҰР-СҰЛТАН, 16 маусым – Sputnik. Қырғызстан үкіметі таратылды. Ел президенті Сооронбай Жээнбеков премьер-министр Мухаммедкалый Абылгазиевтің отставкасын қабылдады.

"Қырғыз Республикасының президенті Сооронбай Жээнбеков премьер-министр Мухаммедкалый Абылгазиевтің отставкасын қабылдаған жарлыққа қол қойды. Осыдан кейін үкімет те отставкаға кетті деп саналады", - делінген Қырғызстан президентінің сайтында.

Премьер-министр, бірінші вице-премьер, премьер-министрдің орынбасары, үкімет мүшесі лауазымдарын атқарған адамдар үкіметтің жаңа құрамы жасақталғанға дейін өз міндетін атқара береді.

Мухаммедкалый Абылгазиев отставкаға кету туралы өтінішті 15 маусымда жазған. Ол радиожиіліктерді сату кезіндегі сыбайлас жемқорлық туралы қылмыстық іс бойынша тергеуге қысым жасады деген айыптарға жол бергісі келмейтінін мәлімдеді.

Тағы оқыңыз: Лукашенко Беларусь үкіметін отставкаға жіберді

Sputnik Қырғызстан мәліметінше, бұған дейін, 20 мамырда, депутат Жанар Ақаев Жогорку Кенеште (парламент) үкіметті екі радиожиілікті арзанға сатып жіберді деп айыптады.

Оның пікірінше, премьердің рұқсаты болмаса, сауда жасалмайды. Парламентарий бұл келісімдерден бес миллиард сом (66 миллион доллар) шығын келді деп бағалаған.

Мухаммедкалый Абылгазиев бұл айыптаулардың ешқандай негізі жоқ екенін айтты.

1530
Кілт сөздер:
отставка, Үкімет, Қырғызстан
Тақырып бойынша
Отставкаға кетсін: Тоқаевтың кеңесшісі жұмыс тобынан шығып кетті
Өзбекстан үкіметі отставкаға кетті
Атырау әкімі отставкаға кетті
Алтай Көлгінов отставкаға кетуі тиіс пе – агенттік жауап берді
Ресей үкіметі отставкаға кетті
Қазақстанда 11 шенеунік отставкаға кетуі мүмкін
Сәкен Сәрсенов

"Қазпоштаның" бұрынғы басшысы жаңа лауазымға тағайындалды

123
Президент Қасым-Жомарт Тоқаевтың өкімімен Сәкен Сәрсенов министрдің орынбасары болып тағайындалды

НҰР-СҰЛТАН, 3 тамыз – Sputnik. "Қазпочта" АҚ бұрынғы төрағасы Сәкен Сәрсенов ішкі істер министрінің орынбасары болды, деп хабарлайды Ақорда.

"Мемлекет басшысының өкімімен Сәрсенов Сәкен Сейітжаппарұлы Қазақстан республикасы ішкі істер министрінің орынбасары қызметіне тағайындалды", – деп хабарлады президентің баспасөз қызметі.

Айта кетейік, 2020 жылдың 25 шілдесінде Қанат Алпысбаев "Қазпочта" АҚ басқарма төрағасы болып тағайындалған болатын.

Оқи отырыңыз: Қазпошта әлеуметтік карталарына жаңа функция енгізіледі

123
Кілт сөздер:
Ішкі істер министрлігі, Сәкен Сәрсенов
Тақырып бойынша
42 500 теңге: "Қазпошта" виртуалды карта шығара бастады
Алматы облысында ауылдық "Қазпошта" бөлімшесін тонаушылардың бірі ұсталды
"Кез келген адам ақша таба алады": Қазпошта жаңа қызметті іске қоспақшы
Көкшетауда екі адам "Қазпошта" бөлімшесін тонап, миллион теңге алған
Карантин пошта жұмысына қалай әсер етті – "Қазпошта" басшысымен онлайн-брифинг
Ақорда

Ақорда Тоқаев пен Ердоғанның қандай келісімге келгенін хабарлады

8299
Тараптар коронавирустың салдарын жою және дағдарыстан кейінгі қалпына келтіру жұмыстарында күш-жігерлерін одан әрі жұмылдыра беруге уағдаласты

НҰР-СҰЛТАН, 1 тамыз – Sputnik. Мемлекет басшысы Қасым-Жомарт Тоқаев Түркия президенті Режеп Тайип Ердоғанмен телефон арқылы сөйлесті, деп хабарлады Ақорда.

Мемлекет басшылары бірін-бірі күллі мұсылманның мерекесі Құрбан айтпен құттықтап, Қазақстан мен Түркияның бауырлас халықтарына бақ-береке тіледі.

"Өкінішпен естідім": Түркия президенті Назарбаевқа жеделхат жолдады 

Әңгімелесу барысында президенттер екі елдегі қазіргі эпидемиологиялық ахуалды талқылады. Қасым-Жомарт Тоқаев Анкараның COVID-19 пандемиясына қарсы тиімді іс-қимылдарын жоғары бағалап, Режеп Тайип Ердоғанға гуманитарлық көмек көрсеткені үшін ризашылығын білдірді.

"Тараптар коронавирустың салдарын жою және дағдарыстан кейінгі қалпына келтіру жұмыстарында күш-жігерлерін одан әрі жұмылдыра беруге уағдаласты", - деп жазылған хабарламада.

Екі елдің президенттері Қазақстан мен Түркия арасындағы стратегиялық қатынастардың қазіргі жағдайы мен даму перспективаларын қарастырды. Екіжақты сауда-саттықтың оң қарқынын сақтаудың және бірлескен инвестициялық жобаларды, әсіресе, денсаулық сақтау, "жаңа экономика" және ауыл шаруашылығы салалары бойынша бастамаларды жүзеге асырудың маңызды екені атап өтілді.

Әңгімелесу соңында Қасым-Жомарт Тоқаев Режеп Тайип Ердоғанды Қазақстанға ресми сапармен келуге шақырғанын нақтылады.

8299
Кілт сөздер:
Қасым-Жомарт Тоқаев, Режеп Тайип Ердоған
Тақырып бойынша
Тоқаев Түркия президентін Қазақстанға шақырды
Ердоған Назарбаевқа телефон соқты
Тоқаев Ердоғанға табиғи апатқа байланысты көңіл айтты
Мемлекет басшылары Тоқаевты Құрбан айт мерекесімен құттықтап жатыр
Бала, ойыншық

Алматыда полицейлер екі баланы түні бойы іздеді

0
Балалар дүйсенбі күні таңертең табылды. Олар түнді шағын дәмхананың қасында өткізгені белгілі болды. Екеуі де үйден кету себебін айтқысы келмеді

НҰР-СҰЛТАН, 3 тамыз – Sputnik. Алматыда 11 және 8 жастағы екі ағайынды үйден кетіп, қайта оралмаған. Балаларды 30 полицей мен 15 кинолог іздеді. Алты сағаттан кейін балалар аман-сау табылды.

Екі ағайындының жоғалып кеткені туралы хабарлама полицияға түнгі сағат 01:45-те түсті, деп хабарлайды Polisia.kz порталы.

Оқи отырыңыз: Түркістан облысында үш бала тауда адасып кетті, біреуі жардан құлаған 

Ата-анасы балалар үйден кетіп, қайтып оралмағанын айтқан, бірақ бұған дейін ондай әрекет жасамаған.  

Дереу криминалдық полиция қызметкерлері, учаскелік инспекторлар, ювеналды полиция өкілдері мен тергеу-жедел тобының қызметкерлерінен арнайы іздеу тобы құрылды. Сондай-ақ, балаларды іздеуге 15 кинолог тартылды.

"Ең алдымен, үйдің жанындағы аумақты, жақын жерде орналасқан жыра-сайды тексердік, көршілерден сұрастырдық. Қалай болғанда да, біз жақсы нәтижеге қол жеткізуді көздедік", - дейді Алатау ауданы полиция басқармасының бастығы Ілияс Өмірсеріков.  

Ол балалар сағат 07:35-те табылғанын атап өтті. Ағайындылар түнді шағын дәмхананың қасында өткізгені белгілі болды. Балалар бір-бірін мықтап ұстап алыпты. Олар үйден неліктен кеткенін айтқысы келмеген.

Полиция қызметкерлері олардың тұрмысын, отбасылық тәрбиені міндетті түрде тексеріп, ата-анасымен жұмыс істейтіндерін жеткізді. Олар балалар себепсіз үйден кетіп қалмайды деп есептейді.  

0
Кілт сөздер:
балалар, Алматы
Тақырып бойынша
Атырауда үйдің ауласынан 6 жасар қыздың денесі табылды
Түлкібас ауданында 6 ай бұрын жоғалған оқушының не істеп жүргені анықталды
Алматыда әкім іздеу салған оқушы табылды
Атырауда бір жарым жасар сәби жоғалып кетті
Ақмола облысында жоғалған жасөспірімнің 9 жыл бойы қайда жүргені белгілі болды