ЕАЭО елдерінің премьерлері

Беларусь тарапы ЕАЭО елдерінің премьерлеріне ұсыныс жасады

798
Еуразиялық экономикалық одақтың соңғы жиындары коронавирус пандемиясына байланысты видеоконференция форматында өткен болатын

НҰР-СҰЛТАН, 22 маусым — Sputnik. Беларусь елінің премьер-министрі Роман Головченко Еуразиялық экономикалық одақ елдерінің үкімет басшыларына 17 шілдеде Минск қаласында кездесуді ұсынды.

"Бізде 17 шілдеде Еуразиялық үкіметаралық кеңесті ұйымдастыру жұмысы жалғасып жатыр. Ол бейнебайланыс емес, әдеттегі форматта өтеді деп ойлап отырмыз. Біз дайынбыз", - деп жазады Sputnik Беларусь Головченкоға сілтеме жасап. 

Еске сала кетсек, 14 сәуірде Жоғары Еуразиялық экономикалық кеңес мүшелерінің жұмыс отырысы өткен болатын. 

Бейнебайланыс форматында өткен жиынға Қазақстан президенті Қасым-Жомарт Тоқаев, Ресей басшысы Владимир Путин, Беларусь президенті Александр Лукашенко, Қырғызстанның мемлекет басшысы Сооронбай Жээнбеков және Арменияның премьер-министрі Никол Пашинян қатысты. 21

798
Кілт сөздер:
ұсыныс, премьер-министр, ЕАЭО, Беларусь
Тақырып бойынша
ЕАЭО-да Қазақстан мен Ресейдің арасында келіспеушілік бар ма?
Қазақстанда алған коронавирус анықтамасы ЕАЭО елдерінде жарамсыз – бас санитар дәрігер
Қазақстан президенті ЕАЭО-дағы пікірталастар туралы айтты
Лукашенко Беларусь үкіметін отставкаға жіберді
ЕАЭО мен Қытай шекарасы арқылы тыйым салынған тауарларды өткізуге бақылау күшейеді
Қарағанды қаласы

Президент Қарағанды облысының әкіміне тапсырма берді

23
Жеңіс Қасымбек президентке жыл басынан бергі аймақтағы әлеуметтік-экономикалық дамуының негізгі көрсеткіштері туралы есеп берді

АЛМАТЫ, 22 қыркүйек – Sputnik. Мемлекет басшысы Қасым-Жомарт Тоқаев Қарағанды облысының әкімі Жеңіс Қасымбекті қабылдады, деп хабарлады Ақорда.

Жеңіс Қасымбек президентке жыл басынан бергі аймақтағы әлеуметтік-экономикалық дамуының негізгі көрсеткіштері туралы есеп берді.

"Облыс әкімі қайта өңдеу және тау-кен өнеркәсібі, ауылшаруашылығы өндірісіндегі оң өзгеріс, астық жинау науқаны туралы баяндады. Аймақтың жылыту маусымына дайындығы және жұмыспен қамтудың жол картасын жүзеге асыру барысы, тұрғын үй және инфрақұрылымдық құрылыс туралы ақпарат берді ", - делінген ақпаратта.

Сонымен қатар кездесу барысында президентке облыстағы коронавирус індетінің алдын алу және оған қарсы іс-қимыл шаралары, пандемияның болуы ықтимал екінші толқынына дайындық жағдайы, медициналық инфрақұрылымдар мен дәрігерлерді даярлау жұмыстары туралы баяндалды.

Оқи отырыңыз: Тоқаевтың жарлығы қоғамдық талқылауға шығарылды 

Кездесу соңында Қасым-Жомарт Тоқаев жұмыспен қамтудың жол картасы бойынша жаңа жұмыс орындарын ашу, өңірге инвестиция тарту және басқа да аймақты дамытуға қатысты бірқатар тапсырма берді.

23
Кілт сөздер:
Жеңіс Қасымбек, Қасым-Жомарт Тоқаев
Тақырып бойынша
Тоқаев Шығыс Қазақстанға не үшін баратынын айтты
Тоқаев Көлгіновтің есебін тыңдап, бірқатар тапсырма берді
Тоқаевтың тапсырмасы: облыс әкімінің орынбасары мен аудан әкімі отставкаға кетті
Ауыл әкімдерін халық сайлайды – Тоқаев
Сапарбаев президентке Қордайдағы жағдайды баяндап берді
Қасым-Жомарт Тоқаев

Тоқаев БҰҰ Бас ассамблеясында әлемге төнген жаңа қауіпті атады

1159
(Жаңартылды 09:40 22.09.2020)
Қасым-Жомарт Тоқаев БҰҰ-ны шын мәнінде бірден-бір әмбебап әрі баламасы жоқ халықаралық өкілетті ұйым деп есептейтінін білдірді

НҰР-СҰЛТАН, 22 қыркүйек – Sputnik. Қасым-Жомарт Тоқаев БҰҰ Бас ассамблеясының мерейтойлық сессиясы аясында Біріккен Ұлттар Ұйымының 75 жылдығына арналған жоғары деңгейдегі іс-шарада бейне үндеу жасады. Президент өз сөзінде Қазақстанның БҰҰ миссиясы мен Жарғысын берік ұстанатынын атап өтіп, еліміз тұрақты, әділетті және өркендеген әлем құру жолындағы ортақ міндетті жүзеге асыруға белсенді атсалысатынын айтты, деп хабарлайды Ақорда.

БҰҰ-ның тарихи мерейтойлық сессиясы аясында мемлекет басшылары сөз сөйлейтін жоғары деңгейдегі кездесулер апталығы басталды. COVID-19 пандемиясы кезіндегі сөздер виртуалды форматта бұрын-соңды болмаған қауіпсіздік шараларымен ұйымдастырылды.

Қазақстан президенті ағылшын тілінде екі бейне хабарлама жасады. Біріншісі БҰҰ-ның 75 жылдығына арналған.

"Адамзат жылнамасындағы ең жойқын Дүниежүзілік соғыстан кейін 1945 жылдың маусым айында мүлдем жаңа Ұйымның құрылуы – баршамыз үшін айтулы әрі тарихи оқиға. Даг Хаммаршельдтің Біріккен Ұлттар Ұйымы "бізді жұмаққа жеткізу үшін емес, тозақтан құтқару үшін құрылған" деген қанатты сөзі баршаға аян", - деп бастады сөзін Тоқаев.

Ол бастапқыда БҰҰ ұжымдық қауіпсіздікті қамтамасыз ету жүйесі ретінде құрылғанымен, іс жүзінде әлем елдерін ортақ мақсат пен мүддеге біріктіргенін атап өтті. Соның арқасында белсенді әрі ауқымды халықаралық ынтымақтастық дәуірі орнықты.

"Әрине, бұл жол жеңіл болған жоқ. Өкінішке қарай, өткен 75 жыл ішінде әлемді қайғы-қасіреттен арылтуға бағытталған ортақ мақсаттарымыз бен құндылықтарымызды ілгерілету жолында көптеген мүмкіндікті қолдан жіберіп алдық", - деді президент.

Дегенмен, БҰҰ-ның терең тарихы белсенді ұжымдық күш-жігердің арқасында кең ауқымды мәселелерді талқыға салу кезеңінен өтті. Атап айтқанда, отарсызданудан өсіп-өркендеуге, балаларды қорғаудан климаттың өзгеруіне, денсаулық сақтау ісінен адам құқығына, бейбітшілікті қолдаудан бітімгершілікке дейінгі тақырыптар қамтылды.  

Қазақстанның БҰҰ жұмысына қатысуы

Соңғы отыз жылда Қазақстан БҰҰ-ның барлық басты органдарында, соның ішінде, Қауіпсіздік Кеңесінде жанжалдарды реттеу, ядролық қаруды таратпау және қарусыздану, терроризмге қарсы күрес, конфессияаралық және ұлтаралық диалог, теңізге шыға алмайтын дамушы елдердің мүддесін қорғау сияқты басымдықтарды дәріптеуге атсалысты.

"Ал енді бүгінгі заманның сипатына зер салсақ, көптеген жаңа сын-қатерлер, сондай-ақ қайта етек алған кейбір тәуекелдер бізді өткен кезеңге оралтуы мүмкін екенін байқаймыз. Қазіргі таңда мультилатерализм зор қатерге тап болды. Мұндай ахуал қырғи-қабақ соғыс аяқталғаннан бері туындамаған еді", - деді президент.

Пандемия мен жаппай қарулану белең алып келеді

Қасым-Жомарт Тоқаев қазіргі кезде COVID-19 індетін ауыздықтау аса қиын болып отырғанын айтты. Сонымен қатар, әлемде жаппай қарулану үдерісі қайтадан белең алып келе жатқанына тоқталды.

"Стратегиялық даму мақсаттарын жүзеге асыру ісі тұралап қалды. БҰҰ Жарғысында бекітілген мұрат-мақсаттар бұдан былай кәдеге аспайды деген пікір тарауда. Мен өз елімнің президенті және БҰҰ-ның бұрынғы жоғары лауазымды тұлғасы ретінде бұл көзқараспен мүлде келіспеймін", - деді Тоқаев.

Ол соған қарамастан, біз үміт отын өшірмей, қайта оны лаулатуымыз керектігін және ортақ мұрат-мақсаттан бас тартпай, оған қол жеткізу үшін күш-жігерімізге тың серпін беруіміз қажеттігін атады. Анархияға жол бермей, халықаралық құқыққа негізделген қоғамдастық құруды жалғастыру қажеттігін жеткізді.

"Бұл – өте күрделі міндеттер. Алдағы онжылдық 2030 жылға дейінгі орнықты дамудың күн тәртібінде тұрған міндеттерін жүзеге асыру және қазіргі заманғы дағдарыстарды еңсерудің тиімді жолын табу үшін шешуші кезең болады. Бұл ауқымды мақсат ортақ күш-жігерді және жауапкершілікті талап етеді", - деді Қазақастан президенті.

Сондай-ақ, мемлекет басшысы Бас хатшы Антониу Гутерриштің табанды көшбасшылық қызметіне ризашылық білдірді.

"Біз оның Біріккен Ұлттар Ұйымындағы тиімділікті, ашықтық пен айқындықты арттыру жөніндегі қазіргі жұмысына қолдау көрсетеміз", - деді ол.

Сөз соңын президент Қазақстан БҰҰ-ның миссиясы мен Жарғысын берік ұстанатынын және еліміз тұрақты, әділетті және өркендеген әлем құру жолындағы ортақ міндетті жүзеге асыруға атсалысатынын жеткізді.

БҰҰ-ның 75-ші сессиясы

Мерейтойлық сессия Нью-Йоркте "Біз қалаған болашақ, бізге Біріккен Ұлттар Ұйымы: көпжақтылыққа ұжымдық міндеттемелерімізді растау" ұранымен өтіп жатыр.

23 қыркүйекте Қазақстан президенті БҰҰ Бас ассамблеясының жалпы дебатында сөз сөйлейді.

1159
Кілт сөздер:
БҰҰ, Қасым-Жомарт Тоқаев
Air Astana ұшағы

Қазақстандықтар 26 қыркүйектен бастап Мәскеуге ұша алады

0
Барып-келу үшін билетке 91 800 теңге төлеу керек. Бірінші рейсті 26 қыркүйек күні Air Astana әуе компаниясы орындайды

АЛМАТЫ, 22 қыркүйек – Sputnik. 26 қыркүйектен бастап Нұр-Сұлтан – Мәскеу (Домодедово) бағыты бойынша әуе рейстері қайта жанданады. Қазақстандық Air Astana әуе компаниясының баспасөз қызметі жолаушылардың Boeing 767 әуе лайнері арқылы ұшатынын хабарлады.

Әуе компаниясының ресми хабарламасына сәйкес, алғашқы ұшақ сенбіде ұшады, ал кейінгі рейстер тек сәрсенбіде орындалады. Билет құны екі жаққа 91 800 теңгеден басталады.

Компания рейсті тек Ресей мен Қазақстан азаматтары, сондай-ақ Қазақстанда тұруға ықтиярхаты бар адамдар ғана пайдалана алатынын атап өтті.

Оқи отырыңыз: Польша Қазақстанмен әуе қатынасын қайта қалпына келтіретін болды 

Әуе компаниясының мәліметінше, Ресейге барған шетел азаматтары ұшудан 72 сағат бұрын ПТР-тест тапсыруы қажет.

Ресейліктер келген кезде сауалнама толтырып, келген сәттен бастап үш күн ішінде тест тапсыруы керек. Ресей астанасы арқылы үшінші елге транзитке уақытша тыйым салынған.

Билеттерді Air Astana ресми сайтынан алуға болады.

Айта кетейік, қазір Қазақстан үшін кейбір елмен тұрақты рейстер, сондай-ақ эвакуациялық рейстер ашылды.

Тұрақты халықаралық рейстер

21 қыркүйектегі жағдай бойынша Қазақстан тікелей әуе қатынасын қайта бастаған елдердің тізіміне Беларусь, Германия, Египет (чартерлік рейстер), Қырғызстан, Нидерланды, БАӘ, Ресей, Түркия, Өзбекстан, Оңтүстік Корея кіреді.

Украинаға тұрақты рейстер аптасына екі рет орындалады, бірақ қазақстандықтарға кіруге шектеу қойылған.

0
Кілт сөздер:
ұшақ, Нұр-Сұлтан, Мәскеу
Тақырып бойынша
Қырғызстанға ұшуға рұқсат берілді: алғашқы рейске билеттер сатылып кетті
Алматыға ұшқалы тұрған: Павлодарда ұшаққа найзағай түсті
Қазақстаннан Ресейге ұшатын рейстерге билет сатып алғанда нені білу керек?
Қазақстанда кімдер тегін ұша алатыны белгілі болды