Қазақстан премьер-министрі Асқар Мамин мен Ресей премьер-министрі Михаил Мишустин

Ресей коронавируспен күресте ЕАЭО елдеріне көмек көрсетуді жалғастырады Мишустин

63
(Жаңартылды 20:26 17.07.2020)
Коронавирус инфекциясы Еуразиялық экономикалық одақ елдерінде біртіндеп төмендеп келеді, бірақ пандемияға қарсы күрес жалғасуда және күшті біріктіруді қажет етеді, деп атап өтті Ресей премьер-министрі   

НҰР-СҰЛТАН, 17 шілде – Sputnik. Ресей коронавирус пандемиясымен күресу тәжірибесін Еуразиялық экономикалық одақ елдерімен бөлісуге дайын.

Ресей коронавирусты анықтауға арналған тест жүйелері мен реагенттерді беруді жалғастырып жатыр, деп мәлімдеді Ресей премьер-министрі Михаил Мишустин.   

Оқи отырыңыз: Еуразиялық үкіметаралық кеңестің келесі отырысы Ереванда өтеді 

"Біз серіктестерімізге белсенді түрде көмектесіп жатырмыз және "бестік" аясында өзара іс-қимыл тетіктерін жоспарладық. Әңгіме медициналық және санитарлық-эпидемиологиялық қызметкерлердің біліктілігін арттыру туралы болып отыр. Сонымен қатар коронавирусты анықтауға арналған тест жүйелерін, реагенттер мен қызу өлшеуіш құрылғыларды беруді жалғастырып жатырмыз", - деді Мишустин Еуразиялық үкіметаралық кеңестің кеңейтілген отырысында.

Шағын құрамдағы кездесу төрт сағатқа созылды. Кездесу көзбе-көз форматында өтіп жатыр.

"Бұл, әрине, біздің елдеріміз бетпе-бет келген коронавирус инфекциясының біртіндеп азайып келе жатқандығының дәлелі, бірақ оған қарсы күрес жалғасуда және, әрине, біздің күшімізді біріктіруді талап етеді", - деп атап өтті Мишустин.

17 шілде, жұмада Минскіде Еуразиялық үкіметаралық кеңестің кезекті отырысы өтіп жатыр, оған Қазақстан үкіметінің басшысы Асқар Мамин қатысуда.

Еуразиялық экономикалық одаққа Армения, Беларусь, Қырғызстан және Ресей кіреді. Молдова ЕАЭО жанындағы бақылаушы мәртебесіне ие.  

63
Кілт сөздер:
коронавирус, Ресей
Тақырып бойынша
Мамин Минск қаласына не үшін барғаны белгілі болды - видео
ЕАЭО елдері ұрланған автокөліктердің бірыңғай базасын құрады 
Қазақстанмен тауар айналымды бір миллиард долларға жеткізуге болады – Беларусь премьері
Нұрсұлтан Назарбаев

Назарбаев Маминмен кездесіп, қазіргі жағдайдағы басты міндетті атады

3386
(Жаңартылды 21:07 13.08.2020)
Елбасы Қазақстанда бұған дейін қабылданған мемлекеттік бағдарламалар қазіргі дағдарыстың ұлттық экономикаға  теріс әсерін азайтуға мүмкіндік бергенін атап өтті

НҰР-СҰЛТАН, 13 тамыз — Sputnik. Қауіпсіздік Кеңесінің төрағасы Нұрсұлтан Назарбаев премьер-Министр Асқар Маминмен кездесті. Кездесу барысында биылғы 7 айдың қорытындысы бойынша еліміздің экономикалық даму нәтижелері мен пандемиядан кейінгі кезеңге арналған жұмыс жоспары талқыланды, деп хабарлады Elbasy.kz.

"Біз тәуелсіздік жылдарындағы ең күрделі кезеңді бастан өткеріп жатырмыз. Осы уақыт ішінде талай дағдарысты еңсердік. Қазіргі қиындық әлемнің бүкіл елін қамтып отыр. Барлық жерде жұмыссыздықтың көбеюі байқалуда, бизнес қиындыққа тап болып, мемлекеттер арасындағы сауда-саттық деңгейі төмендеді. Алайда бұған дейін  қабылданған шаралар дағдарыстың экономикамызға әсерін азайтуға көмектесті. Біздің экономикалық көрсеткіштердің төмендеуі басқа елдермен салыстырғанда үш есе аз", – деді Нұрсұлтан Назарбаев.

Премьер-министрдің ақпаратына сәйкес,  жыл басынан бері экономиканың машина жасау, өңдеу және тау-кен өндірісі, құрылыс, басқа да негізгі салаларындағы  көрсеткіштер оң қарқын алған.

Елбасы Қазақстанда бұған дейін қабылданған мемлекеттік бағдарламалар қазіргі дағдарыстың ұлттық экономикаға  теріс әсерін азайтуға мүмкіндік бергенін атап өтті. Ол күрделі кезеңдегі елдің әлеуметтік-экономикалық дамуын қолдау бағытында  отандық бизнестің белсенділігі жоғары екенін атап өтті.

"Ірі бизнес жұмыс орындарын сақтап қалуға көмектесті, халықтың әлсіз топтарын қолдауға қаражат бөлді, сондай-ақ "Біз біргеміз" бастамасын ілгерілетуге үлесін қосты. Мен барлық бизнес өкілдеріне ризашылығымды білдіремін. Birgemiz қоры арқылы біз 2,3 миллион қазақстандыққа қолдау көрсете алдық, – деді Елбасы.

Назарбаев қандай тапсырма берді

Нұрсұлтан Назарбаев дағдарыстан кейінгі кезеңдегі экономикалық өсім мәселесін қарастырып, отандық бизнесті жандандыру және азаматтардың әл-ауқатын жақсарту қажеттігін атап өтті. Үкімет экономиканың түрлі саласындағы өсімді қамтамасыз ету үшін нақты шаралар қабылдауы керек екендігі айтылды.

"Қазіргі уақытта сарапшылар экономикалық дағдарыс пен пандемияның екінші толқыны келетінін болжауда. Мамандар бұл мәселені мұқият зерттеп, осы жағдайға арнаулы бағдарлама әзірлеуі керек. Жаңа тәсілдер мен тиісті шаралар қажет", – деді Қазақстанның тұңғыш Ппрезиденті.

Сонымен қатар Елбасы коронавирус инфекциясының таралуына қарсы күрес аясындағы ақпараттық-түсіндіру жұмыстары мәселесіне тоқталды.

"Қауіпті дертті жұқтырып алмау адамның өзіне және тәртібіне байланысты екенін түсіндірген мемлекеттер ұтылған жоқ. Кейбір елдерде карантин шаралары қабылданбады, өйткені адамдар сақтық шараларын сақтап, мамандардың талабын орындады", – деді Нұрсұлтан Назарбаев.

Қазақстанның тұңғыш президенті геосаяси қақтығыстар мен қарама-қайшылықтар өршіп тұрған жағдайда Қазақстан қоғамының бірлігі мен тұрақтылығын сақтаудың маңыздылығын атап өтті.

"Біздің басты міндетіміз – дағдарысқа қарамай, еліміздің ұлттық қауіпсіздігін қамтамасыз ету. Ішкі тұрақтылықты сақтауымыз керек. Қоғам тұтастығы мен саяси тұрақтылық – біздің алға жылжуымыздың негізі екенін жұртшылық естен шығармағаны жөн", – деді Елбасы.

Кездесу соңында Нұрсұлтан Назарбаев жаһандық экономикалық дағдарыстардан өтуде Қазақстанның мол тәжірибесі, сондай-ақ экономиканың тұрақты өсімін қамтамасыз етуге мүмкіндігі бар екенін атап өтті.

3386
Қазақстан темір жолы ҰК АҚ басқарма төрағасы Сауат Мыңбаев

Президент Сауат Мыңбаевты неге шақырды?

1835
"Қазақстан темір жолының" басшысы пандемия салдарынан жолаушылар тасымалының көлемі өткен жылмен салыстырғанда екі есеге азайғанын атап өтті  

АЛМАТЫ, 12 тамыз – Sputnik. 2020 жылдың бірінші жартыжылдығында Қазақстан мен Қытай арасындағы жүк тасымалының көлемі біршама өсті. Бұл жайында "Қазақстан темір жолы" ҰК" АҚ басқарма төрағасы Сауат Мыңбаев мемлекет басшысы Қасым-Жомарт Тоқаевқа хабарлады, деп жазды Ақорда сайты.

Басқарма төрағасының айтуынша, 2020 жылдың бірінші жартыжылдығында жүк айналымы өткен жылдың аталған кезеңімен салыстырғанда 3,5%-ға артқан.

Оқи отырыңыз: Тоқаев Есімовті Ақордада қабылдады 

Қазақстан мен Қытай арасындағы жүк тасымалының көлемі біршама өскен. Соған сәйкес мемлекетаралық бекеттегі өткізу қабілетін арттыру шаралары қабылданады.

Сауат Мыңбаев пандемияның жолаушылар тасымалына әсер еткенін атап өтті. Оның айтуынша, өткен жылмен салыстырғанда жолаушылар тасымалының көлемі екі есеге азайған. Соған қарамастан компания жолаушыларға қызмет көрсетудің жаңа стандарттарын енгізіп, жолаушылар вагондарының паркін жаңартып жатыр.

Кездесу соңында президент басқарма төрағасына бірқатар нақты тапсырма берді.

1835
Кілт сөздер:
теміржол, Сауат Мыңбаев
Тақырып бойынша
Тоқаев теңге бағамына қатысты бірқатар тапсырма берді
Құлыбаев Тоқаевқа бизнестің карантиннен зардап шеккен салалары туралы айтты
Ақорда президент қол қойған заң жарлығын жариялады
Тоқаев есеп комитетінің жүргізіп отырған жұмысына қатысты пікір білдірді
Архивтегі фото

Нұр-Сұлтанда басқарма басшысы 1 миллион теңгеге дейін пара алған видео

0
Елорда әкімдігінің лауазымды қызметкерлері заңды тұлғаларға құрылыс-монтаждау жұмыстарымен айналысуға лицензияларды заңсыз берген

НҰР-СҰЛТАН, 14 тамыз – Sputnik. Сыбайлас жемқорлыққа қарсы іс-қимыл агенттігі елорда әкімдігінің лауазымды тұлғасын тергеуге алды, деп хабарлайды Sputnik Қазақстан тілшісі.

Ресми ақпаратқа сәйкес, "Нұр-Сұлтан қаласының қалалық орта сапасы және бақылау басқармасы" мемлекеттік мекемесінің басшысы мен басқа да тұлғаларына қатысты сотқа дейінгі тергеу басталды.

"Олар 100 000 теңгеден 1 000 000 теңгеге дейінгі ақшалай сыйақы үшін заңды тұлғаларға құрылыс-монтаждау жұмыстарымен айналысуға 1,2,3-санаттағы лицензияларды заңсыз бергені үшін айыпталып отыр", - дейді тергеушілер.

Ал Алматы облысы Кербұлақ ауданының тұрғын-үй коммуналдық шаруашылығы және тұрғын үй инспекциясы бөлімінің басшысы мен басқа да қызметкерлері бюджет қаражатын жымқырғаны үшін тергеуге алынды.

Оқи отырыңыз: Алматы полициясының лауазымды тұлғасы қылмыс үстінде қолға түсті – видео

"Олар 2019 жылдың шілде-тамыз айларында "Сарыөзек ауылының сумен жабдықтау жүйесін ағымдағы жөндеу" объектісі бойынша нақты орындалмаған жұмыстар үшін 35 855 570 теңгені аудару арқылы бюджет қаражатын жымқырды",- делінген ресми хабарламада.

0
Кілт сөздер:
видео, пара