Беларусь президенті Александр Лукашенко

Мамин Минскіде Беларусь президентімен кездесті: не талқыланды

1321
Тараптар сауда-экономикалық, индустриялық, ауыл шаруашылығы, цифрландыру салаларындағы өзекті мәселелерді талқылады

НҰР-СҰЛТАН, 18 шілде – Sputnik. Қазақстан премьер-министрі Ақсар Мамин Беларусь президенті Александр Лукашенкомен кездесу өткізді.

Премьердің баспасөз қызметінің мәліметінше, кездесу Минскіде Еуразиялық үкіметаралық кеңестің отырысы аясында өтті. 

"Беларусь президентімен кездесу барысында сауда-экономикалық, индустриялық, ауыл шаруашылығы, цифрландыру салаларындағы, сондай-ақ Еуразиялық экономикалық одақ аясындағы екі елдің ынтымақтастығының өзекті мәселелері талқыланды", - деп хабарлады үкімет басшысының баспасөз қызметі.  

Аскар Мамин и Александр Лукашенко, Минск
© Photo : Пресс-служба премьер-министра РК
Асқар Мамин мен Александр Лукашенко, Минск

Еуразиялық үкіметаралық кеңестің отырысында сөз сөйлеген Қазақстан үкіметінің басшысы өзара іс-қимылдың проблемалы мәселелерін шешу үшін уақытылы әрі сапалы ақпарат алмасу мақсатында ветеринарлық,  санитарлық, фитосанитарлық, көлік және кедендік бақылау салаларындағы ұлттық жүйелердің интеграциясын жеделдету қажеттігін атап өтті.

Қазіргі кезге дейін ЕАЭО интеграцияланған ақпараттық жүйесін дамыту аясында 88 ортақ үрдіс әзірленді, оның ішінде тек 19 (21%) іске қосылған.  

Мамин өзара жеткізулерді ЕАЭО өндіруші кәсіпорындарын осыған дейін ұлттық режимді ұсыну туралы келісімге қол жеткізілген мемлекеттік сатып алуларға барынша толық тарту есебінен арттыру мүмкін болатынын атап айтты.  

Отырысқа қатысушылар ЕАЭО ішкі нарығының жұмысы аясында кедергілерді жою, арнайы қорғаныш, демпингке қарсы және өтемдік шараларды қолдану тетіктерін жетілдіру, сәйкестендіру құралдары арқылы тауарларды таңбалау жүйесін одан әрі дамыту, газ, мұнай және мұнай өнімдерінің ортақ нарығын қалыптастыру, сондай-ақ басқа да мәселелер бойынша атқарылып жатқан жұмыс барысын қарастырды. 

Оқи отырыңыз: Қазақстан коронавирусқа қарсы вакцинаны алғашқылардың бірі болып алудан үмітті - Мамин

Отырыс қорытындысы бойынша "Жерді қашықтан зондтау ұлттық деректер  көзінің негізінде ғарыштық және геоақпараттық өнімдер мен қызметтерді өндіру және ұсыну бойынша Еуразиялық экономикалық одаққа мүше мемлекеттердің кіріктірілген жүйесі" мемлекетаралық бағдарламасы қабылданды.

Бағдарлама жерсеріктердің қолданыстағы және перспективалы топтамаларының ресурстарын біріктіруді, орташа және жоғары шешімді ғарыш аппараттарының базасында Жерді қашықтан зондтау (ЖҚЗ) бірлескен ғарыш жүйесінің және ғарыштан түсірудің бірыңғай деректер банкін құруды қарастырады, оларды әзірлеу және өндіруді ЕАЭО елдерінің кәсіпорындарының кооперациясы жүзеге асыратын болады. 

Еуразиялық үкіметаралық кеңес сондай-ақ ЕАЭО-ға мүше мемлекеттердің аумақтарында COVID-19 коронавирус инфекциясының және басқа да инфекциялық аурулардың таралуына жол бермеу бойынша тұрғындардың санитарлық-эпидемиологиялық саулығын және денсаулығын сақтау саласындағы іс-шаралардың кешенді жоспарын бекітті.

ЕАЭО агроиндустриясын дамыту және индустрияландыру картасын әзірлеу туралы өкім жасасты, сондай-ақ 2021 жылдың 1 наурызынан бастап кеден операцияларын электронды түрде жасаған жағдайда көлік, коммерциялық және басқа да құжаттарда кеден органдарының белгілерін қоймау туралы шешім қабылдады. 

 17 шілдеде Минскіде Еуразиялық үкіметаралық кеңестің кезекті отырысы өтті, оған Қазақстан үкіметінің басшысы Асқар Мамин қатысты.

1321
Кілт сөздер:
Еуразиялық экономикалық одақ, Асқар Мамин, Александр Лукашенко
Ақорда

Тоқаев Лукашенкоға жеделхат жолдады

634
(Жаңартылды 14:29 10.08.2020)
Мемлекет басшысы Қазақстан мен Беларусь арасындағы өзара тиімді ынтымақтастық алдағы уақытта да табысты дами беретініне сенім білдірді

НҰР-СҰЛТАН, 10 тамыз – Sputnik. Қазақстан президенті Қасым-Жомарт Тоқаев Александр Лукашенконы Беларусь президенті болып қайта сайлануымен құттықтады, деп хабарлады Ақорда.

Тоқаев Қазақстан халқының және жеке өзінің атынан Александр Лукашенконы Беларусь президенті болып қайта сайлануымен құттықтап, жеделхат жолдады.

"Саяси жағдайдың күрделі болғанына қарамастан сайлаудың қорытындысы халық Сіздің Беларусь мемлекетінің егемендігі мен тәуелсіздігін нығайтуға негізделген стратегиялық бағытыңызды қолдайтынын көрсетті", – делінген жеделхатта. 

Президент екі ел халқының игілігі үшін Қазақстан мен Беларусь арасындағы өзара тиімді ынтымақтастық алдағы уақытта да табысты дами береді деп сенетінін жеткізді.

Оқи отырыңыз: Беларусьте президент сайлауынан кейін қақтығыс болды – видео 

Мемлекет басшысы Қасым-Жомарт Тоқаев Александр Лукашенкоға Беларусь Республикасының Президенті ретінде ойға алған барлық жоспарын толық жүзеге асыруды, ал Беларусь халқына бейбітшілік, өзара түсіністік пен өсіп-өркендеу тіледі. 

634
Кілт сөздер:
Александр Лукашенко, жеделхат, Қасым-Жомарт Тоқаев
Тақырып бойынша
Президент сайлауында өз кандидатурасын ұсынған қазақстандық ғалым қайтыс болды
Экс-министр сенат депутаттығына ұсынылды
Сенат сайлауы: кандидаттарға қанша ақша беріледі
Сенат сайлауы: кандидаттардың бірі қайтыс болды
Қазақстан мен Түркия арасындағы әуе қатынасын қалпына келтіруді талқылауға қатысушылар

Қазақстан мен Түркия арасындағы әуе қатынасы қашан қалпына келетіні талқыланды

1080
(Жаңартылды 17:59 08.08.2020)
Түркияның Қазақстандағы елшісі сыртқы істер министрлігіне шақырылып, түрік тарапының шешімі туралы ел үкіметін алдын ала хабардар ету өтініші жеткізілді

НҰР-СҰЛТАН, 8 тамыз – Sputnik. Анкара қаласында Қазақстан премьер-министрінің орынбасары Ералы Тоғжанов бастаған делегация Түркияның денсаулық сақтау министрі Фахреттин Қожамен кездесіп, екі ел арасындағы әуе қатынасын қалпына келтіру мәселесін талқылады, деп хабарлайды сыртқы істер министрлігі.

Тараптар коронавирус індетінің таралуына жол бермеу мақсатында бірлескен іс-шаралар қабылдауға және екі ел арасындағы ынтымақтастықты нығайтуға уағдаласты. Сондай-ақ, қазақстандық тарап Түркия үкіметіне пандемия кезінде елімізге көрсеткен ізеттілік көмегі үшін ризашылығын білдірді.

Денсаулық сақтау министрі Алексей Цой түрік тарапын COVID-19 індеті бойынша еліміздің қазіргі жағдайы туралы ақпараттандырды. Ол Қазақстандағы ахуал тұрақталғанын және бақылауда екендігін атап өтті.

"Келіссөздер нәтижесінде Түркия денсаулық сақтау министрі Қожа аталған мәселені өз еліндегі коронавирус індетімен қарсы күрес жөніндегі ғылым кеңесінің келесі отырысының күн тәртібінде талқылауға қайта шығаратынына сендірді. Сондай-ақ, Қазақстандағы оң динамиканың жалғасуын ескере отырып, бұл мәселе жуық арада өз шешімін табады деп үміттенетінін жеткізді", – делінген хабарламада.
Казахстан и Турция обсудили вопросы возобновления авиасообщения
© Photo : Пресс-служба МИД Казахстана
Қазақстан мен Түркия арасындағы әуе қатынасы қашан қалпына келетіні талқыланды

Сонымен қатар, 7 тамызда Қазақстанның сыртқы істер министрі Мұхтар Тілеуберді Түркия сыртқы істер министрі Мевлют Чавушоғлұмен Қазақстан мен Түркия арасындағы әуе рейстерді тоқтата тұру мәселесі бойынша телефон арқылы сөйлесті.

Оқи отырыңыз: "Өкінішпен естідім": Түркия президенті Назарбаевқа жеделхат жолдады

Түркия сыртқы істер министрі бұл шешім бауырлас халықтардың екіжақты қарым-қатынасына байланысты емес екеніне және тұрақты рейстерді қайта бастау туралы шешім мемлекеттік комиссияның келесі отырысында қаралатынына сендірді.

Оған қоса, сыртқы істер министрлігіне Түркияның Қазақстандағы елшісі Уфук Экиджи шақырылып, түрік тарапының осындай шешімдері туралы Қазақстан үкіметін алдын ала хабардар ету өтініші жеткізілді.

1080
Кілт сөздер:
Қазақстан, Түркия Республикасы, әуе қатынасы
Тақырып:
Төтенше жағдай және карантин
Тақырып бойынша
"Қазақстандықтардан басқа ешкім жоқ": Түркия шекараны ашты
Нұр-Сұлтан мен Алматыдан бірқатар қалаға әуе қатынасы жанданды
Ресей мен Грузия арасында тікелей әуе қатынасы тоқтатылды
Мәскеу мен Нұр-Сұлтан арасындағы әуе қатынасы қайта жанданады – Ресей елшілігі
Қазақстан мен Өзбекстан арасындағы әуе қатынасы жанданады
Кісен, архивтегі сурет

Ресей Қазақстанға ұйымдасқан топ құрған адамды тапсырды

0
Есірткі Қазақстанға поштамен жіберілген. Бизнесті ұйымдастырушы құжаттарды қолдан жасағаны белгілі болды

НҰР-СҰЛТАН, 10 тамыз - Sputnik. Ресей Қазақстанға есірткі контрабандасымен айналысатын трансұлттық ұйымдасқан топты құрған Қазақстан азаматы Стас Ларинды берді. Бұл туралы Ресейдің бас прокуратурасының баспасөз қызметі. 

Ол қылмыстық кодекстің 264-бабы 1-бөлігі (трансұлттық ұйымдасқан топты құру, жетекшілік ету)
286-бабы 4-бөлігі (есірткі және психотроптық заттар контрабандасы), 297-бабы 4-бөлігі (есірткі және психотроптық заттарды заңсыз сату және сақтау) және 385-баптың 2-бөлігі (жалған құжат қолдан жасау) бойынша айыпталып отыр.

Ларин 2016 жылы есірткі контрабандасымен айналысатын трансұлттық ұйымдасқан топ құрған. 2017 жылдың қазан айына дейін жетекшілік етті.

Ларин 2019 жылдың желтоқсанында Новосибирск  облысында ұсталды. Жуырда Стас Ларин арнайы конвоймен Қазақстанға жеткізілді.

0