Нұрсұлтан Назарбаев

Назарбаев: партия қазақстандықтарды біріктіруі тиіс

2798
(Жаңартылды 15:48 28.08.2020)
Елбасы Nur Otan елдегі жағдайды жақсы білетін, қоғам қолдауына ие беделді лидерлерді таңдау керек екенін айтты

НҰР-СҰЛТАН, 28 тамыз — Sputnik. Елбасы Нұрсұлтан Назарбаев Nur Otan партиясы саяси кеңесі бюросының отырысын өткізді.

Қатысушылар партияның "Сенім. Диалог. Болашаққа нық қадам - Nur Otan партиясының 7 серпіні" бағдарламасы мен партия ішіндегі сайлау өткізу мәселесін талқылады.

Назарбаев қоғам партияның праймеризіне қызығушылық танытып отырғанын атап өтті.

"Адамдар елдің қоғамдық және саяси өміріне белсендірек араласқысы келеді. Біз партияны жандандырудың дұрыс бағытын таңдадық. Елдегі мәселелерді бірлесе шешу үшін ашық диалог қамтамасыз ету керек. Жағдайды жақсы білетін, қоғам қолдауына ие беделді, белсенді лидерлерді таңдау керек", - Nur Otan партиясының төрағасы Нұрсұлтан Назарбаев.

Ол праймеризге қатысушылар маңызды мәселелерді қозғап, олқылықтарды анықтап, оларды шешу жолын ұсынуы тиіс екенін айтты.

Қыркүйек айында 216 жергілікті бағдарлама жарияланып, талқыланатын болады.

"Бес жылға арналған бағдарлама азаматтардың пікірі, әр аудан, қала мен облыстың бюджетін ескере отыра толықтырылады", - деді Елбасы.

Ол келесі кезеңдерді жүзеге асыруда партияға іріктеуді ұйымдастыру жұмысының сапалы болуы маңызды екенін жеткізді.

"Праймеризді ашық, әділ ұйымдастырып, барша қатысушылар үшін бірдей жағдай жасау керек. Партиядағы үгіт жұмысы қыркүйекте басталады. Денсаулық сақтау министрлігінің талаптары қатаң сақталуы тиіс. Біз үшін бастысы - адамдардың денсаулығы", - деді Елбасы.

Партия төрағасы Nur Otan-ның қоғамды біріктіру және елдің алдағы дамуын қамтамасыз етудегі рөліне тоқталды.

"Партия қазақстандықтарды біріктіруі тиіс. Бірлік болса ғана, қиындықтарды еңсере аламыз. Әсіресе, елдегі тұрақтылық пен тыныштықты сақтау үшін бірлесе жұмыс істеу маңызды",- деді Назарбаев.

Ол партия төрағасының орынбасары Бауыржан Байбек пен премьер-министр Асқар Маминнің есебін тыңдады.

2798
Кілт сөздер:
партия, қазақстандықтар, Назарбаев
Тақырып бойынша
Нұрсұлтан Назарбаев сұхбат берді
Назарбаев қазақстандықтарға үндеу жасады
Назарбаев Маминмен кездесіп, қазіргі жағдайдағы басты міндетті атады
Айсұлтан Назарбаев жерленді делінген Кеңсай-2 зиратында не болып жатыр
Назарбаев Тоқаевпен кездесті – не туралы сөйлесті
Қазақстанның қорғаныс министрі Ермекбае пен Ресейдің қорғаныс министрі Шойгу

Қазақстанның Ресеймен жаңа әскери келісімшарты: ол не туралы   

62
Әскери ынтымақтастық туралы келісімшарттың жобасы президент Қасым-Жомарт Тоқаевтың қарауына жіберілді

НҰР-СҰЛТАН, 21 қыркүйек – Sputnik. "Қазақстан Республикасы мен Ресей Федерациясы арасындағы әскери ынтымақтастық жөніндегі келісімшартқа қол қою туралы" жарлық жобасы "Ашық НҚА" платформасында жарияланды.

Ол 1994 жылдың 28 наурызындағы Қазақстан Республикасы мен Ресей Федерациясы арасындағы келісімшарттың орнына әзірленді, сондықтан қорғаныс министрліктеріне қатысты мәселелер бойынша елдердің өзара ықпалдастығын дамытып, жандандыруы тиіс.

Жарлық жобасы Қазақстан Республикасы мен Ресей Федерациясы арасындағы 1992 жылдың 25 мамырындағы Достық, ынтымақтастық және өзара көмек туралы келісімшарттың және 2013 жылдың 11 қарашасындағы Қазақстан Республикасы мен Ресей Федерациясы арасындағы ХХІ ғасырдағы тату көршілік пен одақтастық туралы келісімшарттың ережелеріне негізделген.

Оның негізгі қағидаттары – одақтастық және стратегиялық серіктестік, мемлекеттік егемендік пен аумақтық тұтастықты өзара құрметтеу, шекаралардың мызғымастығы, дауларды бейбіт жолмен шешу және күш қолданбау, тең құқықтық пен ішкі істерге араласпау қағидаттары, делінген жарлықтың кіріспе бөлімінде.

Жаңа әскери келісімшарт нені реттейді?

Қазақстан мен Ресей келесі мәселелер бойынша өзара әрекеттесу туралы келісімге келді:

  • тараптардың бірі жүгінген жағдайда, тараптардың қауіпсіздігін қамтамасыз ету үшін әскерлерді (күштерді) пайдалануды бірлесіп жоспарлау;
  • тараптардың бірі жүгінген жағдайда, аймақтық қауіпсіздікке төнетін сын-қатерлерге бірлесе қарсы тұру;
  • жедел және жауынгерлік дайындық;
  • әскери білім және ғылым;
  • терроризмге қарсы іс-қимыл;
  • бітімгершілік қызмет;
  • тараптардың өз аумағындағы әскери құрамаларының қызметін қамтамасыз ету,  әскерлердің (күштердің) қызметі және оларды жан-жақты қолдау;
  • екіжақты құқықтық келісімшарт базасын жетілдіру;
  • тараптардың әскери делегацияларының халықаралық ұйымдардың жұмысына қатысуы аясындағы өзара іс-қимылы;
  • мемлекеттік құпияны сақтау;
  • мәдениет және спорт.

Осы келісімшарт аясында Қазақстан мен Ресей әскери саладағы стратегиялық серіктестіктің  үш жылдық кезеңге арналған бағдарламасын әзірлейді.

Тараптарға қандай міндет жүктеледі?

Келісімшартта тараптардың әскери барлау саласындағы ынтымақтастығы көрсетілген, бірақ тараптардың әрқайсысы қарсы тарапқа бағытталатын барлау қызметін жүзеге асырмауға міндеттеледі. Тараптардың формасы мен мазмұнына қарамастан, осы келісімшарт шеңберінде бір-біріне берген кез келген ақпараты басқа тарапқа зиян келтіру мақсатында пайдаланылмауы қажет. 

Бұл келісімшарттың басқа мемлекеттерге қарсы бағытталмағандығы және тараптардың басқа халықаралық келісімшарттардан туындайтын құқықтары мен міндеттеріне әсер етпейтіндігі аталып өткен.

Пресс-служба Минобороны РФ
Қазақстан мен Ресей әскери саладағы стратегиялық серіктестіктің үш жылдық кезеңге арналған бағдарламасын әзірлейді

Сонымен қатар, тараптар бірлескен іс-шараларды жоспарлайды және әскери нысандардағы іс-әрекеттердің салдарынан туындаған экологиялық проблемалардың алдын алу мен шешуде өзара көмек көрсетеді.

Тараптардың бірінің қауіпсіздігіне, тәуелсіздігіне немесе аумақтық тұтастығына қауіп төнген жағдайда, елдер дереу кеңесе келе, халықаралық құқыққа, соның ішінде 1992 жылдың 15 мамырындағы Ұжымдық қауіпсіздік туралы шарттың ережелеріне сәйкес бір-біріне қажет кез келген, соның ішінде әскери көмек көрсету үшін нақты іс-қимылды жүзеге асырады.

62
Тақырып бойынша
Әлемнің үздік елдері анықталды: Қазақстан нешінші орында
Алматыда күзде әскерге мың жарым адам шақырылады
Ресейдің әскери дәрігерлері Нұр-Сұлтан мен Алматыдағы госпитальдерде жұмысқа кірісті
Маңғыстау облысында ірі ауқымды әскери оқу-жаттығу өтті
Қорғаныс министрлігі Беларусьтегі оқу-жаттығулар не үшін өтетінін түсіндірді
Қасым-Жомарт Тоқаев

Тоқаев бүгін бейнеүндеу жасайды

5803
Қазақстан президенті БҰҰ Бас ассамблеясының 75 жылдығына және жалпы дебаттардағы күн тәртібіне байланысты ағылшын тілінде екі бейнеүндеу жасайды деп жоспарланып отыр

НҰР-СҰЛТАН, 21 қыркүйек – Sputnik. Мемлекет басшысының баспасөз хатшысы Берік Уәлі президенттің бүгінгі үндеуі туралы ақпарат таратты, деп хабарлайды Sputnik Қазақстан.

"Бүгін Нұр-Сұлтан уақыты бойынша шамамен сағат 20.00-ден кейін Қазақстан президенті Қасым-Жомарт Тоқаев Біріккен Ұлттар Ұйымы Бас ассамблеясының мерейтойлық сессиясы аясында БҰҰ 75 жылдығына арналған Жоғары деңгейдегі кездесуде бейнеүндеу жасайды", - деп жазды Уәли өзінің әлеуметтік желідегі парақшасында.

Айта кетейік, БҰҰ Бас ассамблеясының 75-сессиясы онлайн форматта өтеді. Мемлекет басшылары бейнебайланыс форматында сөз сөйлейді. Қасым-Жомарт Тоқаев БҰҰ Бас ассамблеясының 75 жылдығына және жалпы дебаттардағы күн тәртібіне байланысты ағылшын тілінде екі бейнеүндеу жасайды деген жоспар бар.

Қазақстан президенті 21 қыркүйекте Біріккен ұлттар ұйымы 75 жылдығына арналған жоғары деңгейдегі кездесуге, ал 23 қыркүйекте БҰҰ Бас ассамблеясының жалпы дебатына қатысады.

"Ол кезде мені қолдамады": Тоқаев 12 жыл бұрынғы болжамы дәл келгенін айтты

Президент өз баяндамаларында халықаралық өзекті мәселелерді шешу ісіндегі әлемдік қоғамдастықтың іс-қимылдарын үйлестірудің маңыздылығын, атап айтқанда, коронавирус індетімен күрес, жаһандық экономикалық өсімді қалпына келтіру, терроризмге қарсы іс-қимыл, ядролық қаруды таратпау және қарусыздану, климаттың өзгеруі сияқты проблемаларды көтереді. Бұдан бөлек, президент халықаралық саясаттағы БҰҰ-ның рөлін күшейту, Орталық Азиядағы өңірлік ықпалдастық салалары бойынша жүзеге асырылуы тиіс мәселелерді қозғап, бірқатар халықаралық бастамаларды ұсынады.

5803
Кілт сөздер:
БҰҰ, бейнеүндеу, Қасым-Жомарт Тоқаев
Тақырып бойынша
Тоқаев Қытай төрағасы телефонмен сөйлескенде өзіне не дегенін айтты
БҰҰ Бас хатшысы Қазақстанның коронавируспен күреске елеулі үлес қосқанын айтты
Қазақстан қақтығыстарды бейбіт жолмен реттеуге үлес қоса алады – Тоқаев
Тоқаев қазақстандықтардың қауіпсіздігі үшін Ливан президентіне қоңырау шалды
Медицина құралдары, архивтегі фото

Дәрігерлер трактордың астына түскен қызды аман алып қалды

0
Қыз жедел хирургия бөліміне ес-түссіз күйде түскен. Дәрігерлер оны бірден аппаратқа қосып, жамбасына шұғыл ота жасаған

НҰР-СҰЛТАН, 21 қыркүйек – Sputnik. Астаналық дәрігерлер абайсызда трактордың астына түскен бес жасар қызға ота сәтті жасалғанын мәлімдеді, деп хабарлайды Sputnik Қазақстан тілшісі.

Айта кетейік, 6 қыркүйек күні Қорғалжын ауылында екі бала шөп тиелген трактордың тіркемесіне шыққан. Алайда екеуі де құлап, доңғалақтың астына түскен. Салдарынан 8 жасар ұл оқиға орнында жан тапсырды. Ал бес жасар қыз Нұр-Сұлтан қаласының №2 көпбейінді балалар ауруханасына жеткізілді.

Ақмола облысында екі бала шөп тиелген трактордың астына түсті 

Аурухананың травматолог дәрігері Мұхтар Ахмұрзаевтың айтуынша, қыз жедел хирургия бөліміне ес-түссіз күйде түскен. Оны бірден аппаратқа қосып, жамбасына шұғыл ота жасаған. Бала 10 күн бойы жансақтау бөлімінде жатты.

"Бала өте ауыр жағдайда түсті, жарақаттан қатты шок алып қалған.  Бірақ аурухана мамандары – хирургтар, нейрохирургтар, травматолог пен реаниматологтар жедел көмек көрсетіп, отаны сәтті жасап шықты", - дейді Ахмұрзаев.

Қазіргі кезде бала ауруханадан шығуға дайындалып жатыр. Ата-анасы дәрігерлерге шексіз ризашылығын жеткізді.

"Қазір қызымның жағдайы жақсы. Көңіл-күйі де жақсарған. Әкесімен видео байланыс арқылы сөйлесіп тұрады. Отбасымызбен дәрігерлерге алғыс айтамыз. Бірінші Құдайдың қалауымен, екінші дәрігерлердің арқасында қызымыз аман қалды", - дейді қыздың анасы.

Полиция осы оқиға бойынша Қылмыстық кодекстің 345-бабы 3-тармағы "Көлiк басқаратын адамдардың жол жүрісі немесе көлiкті пайдалану қағидаларын бұзуы" бойынша сотқа дейінгі тергеуді бастаған болатын.

 

0
Тақырып бойынша
"Рөлді ұстамай-ақ айдаймын": мас жүргізушінің оқиғаға дейінгі әрекеті белгілі болды
Алматылық әйел бір уақытта екі көліктің астына түсті - фото
Алматыда ер адам автобустың астына жатып алды – видео
Нұр-Сұлтанда әйел адам көлік астына түсіп қаза болды
Жүк көлігі самокат мінген жігітті басып кете жаздады – видео