Конференция қатысушысы

Кибер-кітап, цифрлық колледж: білім берудің жаңа мүмкіндіктері таныстырылды

86
(Жаңартылды 16:49 08.11.2019)
"Виртуалды (VR) және толықтырылған (AR) өмір" жобасының ұйымдастырушылары қазақстандықтарға білім берудің заманауи, цифрлық технологияларын ұсынды

НҰР-СҰЛТАН, 8 қараша – Sputnik. Қазақстанда болашақ мамандықтарды оқыту үшін виртуалды технологиялар пайдаланылатын колледж ашылуы мүмкін. Бұл туралы "Кибер страна" басқарма төрағасы Роман Поволоцкий айтты.

Қазақстанда "Виртуалды (VR) және толықтырылған (AR) өмір" білім беру жобасы жүзеге асып жатыр. Россотрудничествоның бұл гранттық жобасын Білім беру одағы "Россия сегодня" ХАА және "Кибер страна" ұйымымен бірлесіп іске асыруда.

Тағы оқыңыз: Он жасар оқушының Тоқаевқа хаты: білім министрлігі жауап берді

Жоба авторларының айтуынша, ол білім беру саласындағы заманауи, цифрлық технологияларды көрсетуге, балалардың цифрлық сауаттылығын дамытуға, бағдарламалаудың практикалық тәжірибесін алуға, ресейлік және қазақстандық білім беру компаниялары арасында әріптестік байланыстарды орнатуға бағытталған.

Білім берудің виртуалды мүмкіндіктері

Ұйымдастырушылардың мәліметінше, жақын арада кибер-кітап пен білім беру колледжі сияқты жобалар құрылады.

Кибер-кітап – бұл цифрлық оқулық. Ол балаларды бағдарламалау, дизайн және цифрлық жобаларды жобалау ортасына тарту құралы саналады.

Председатель правления Кибер страна  Роман Поволоцкий на пресс-конференции AR и VR: как и где получить профессию будущего
© Sputnik / Владислав Воднев
"Кибер страна" басқарма төрағасы Роман Поволоцкий
"Ал колледж тестілеуден өткен балалар оқитын оқу орны болады. Қазір колледж орналасатын жер таңдалып жатыр. Бүгінгі күні Алматы немесе Павлодар болады деп қарастырудамыз. Нәтижесінде, осы білім ордасында оқыған балалар цифрлық технологиялар саласында өз стартаптарын жасай алады", - деді басқарма төрағасы Поволоцкий Sputnik Қазақстан мультимедиялық баспасөз орталығында өткен баспасөз мәжілісінде.

Бүкіл жоба шамамен 10 жылға есептелген. Қазір ол әзірленіп жатыр.

86
Кілт сөздер:
колледж, білім, цифрландыру
Тақырып бойынша
Вице-министрдің табысы Қазақстан мұғалімдерінің жалақысынан 8 есе көп
Шымкентте білім саласындағы бірқатар басшы істі болды
Қазақстан мектептерінде қысқы демалыс қашан басталады
Тоқаев пен Путин бірлескен мектеп пен университет ашу мәселесін талқылады
Білім вице-министрі Жақыпова қызметінен босатылады
Диктофон

Релизден бас тарту керек кәсіби PR маманының лайфхактары

33
SputnikPro сарапшысы онлайнды дамыту, ерекшеленуден қорықпау, адамдарға сену – БАҚ-ты алға жылжытудың негізгі ерекшелігі екенін айтады  

НҰР-СҰЛТАН, 25 қыркүйек – Sputnik. "Россия сегодня" медиа тобы баспасөз қызметінің жетекшісі Анна Старкова көрші елдердің журналистеріне неліктен релиз жазудан бас тарту керектігін айтып берді.

Бұған дейін бұқаралық ақпарат құралдары іс-шараның ақпараттық серіктесі бола отырып, өзінің логотипін түрлі алаңдарда орналастыратын. Пандемия кезінде жағдай өзгерді. Өзін-өзі таныту үшін медиа топтың баспасөз қызметі ерекше кейстерді ойластыра бастаған.

Сарапшының бірінші ұсынысы: стандартты релиздерді жазу тәжірибесінен бас тарту.

"Адамдармен оларға түсінікті тілде сөйлесу керек. Кері байланыс орната бастасаңыз, ол нарықтың ойыншысы болсаңыз, сізді тыңдайды, сізге келіп, оқи бастайды", - деп санайды Старкова.

Сарапшының келесі кеңесі – бұқаралық ақпарат құралдары онлайнды ғана дамытпау керек.

"Мұны пандемия кезінде істей бастадық. Біз барлығы дерлік интернетті қолданатын әлемде өмір сүріп жатырмыз", - деп атап өтті маман.

Қазір, оның айтуынша, әлеуметтік желілердегі және мессенджерлердегі анонимділік танымал болудан қалып барады.

"Бізді ("РИА Новости" ХАА Телеграм каналы) оқи бастады, өйткені РИА Новости, мысалы, Лукашенконың инаугурациясында не болғанын айтты. Сол кезде ол жаңалыққа айналады, бұл тексерілген ақпарат. Шын мәнінде болған нәрсе, сыбыс емес", - деп атап өтті Старкова.  

Сарапшының тағы бір ұсынысы – ерекшеленуден қорықпау. Баспасөз қызметі пандемия жағдайында "трендтерді қарап, оларды батыл түрде пайдаланған".

"Сізбен бірге жұмыс істейтін адамдарға сенім арту керек, өйткені ең алдымен біреумен араласуың керек. Оларды алға жылжытуың керек, нәтижесінде сіздің брендіңіз алға жылжиды", - деп сендірді Старкова.

Кәсіби PR маманының бесінші кеңесі – дос болу.

"Бұл, шынын айтқанда, ең маңызды кеңес. Басқа ақпарат құралдарымен, баспасөз қызметтерімен, тіпті бәсекелестермен де достасу керек. Кофеге шақырыңыз, бранчи жасаңыз, лайфхактармен бөлісіңіз. Бұл бәріне қатысты", - деп есептейді ол.  

SputnikPro білім беру жобасының жиырма бірінші онлайн-сессиясына Қазақстан, Ресей, Әзербайжан, Армения, Беларусь, Қырғызстан, Молдова, Абхазия және Осетия БАҚ өкілдері қатысты.

SputnikPro – Sputnik халықаралық ақпарат агенттігі мен радиосының журналист, студент, баспасөз қызметі мен медиа саласында жұмыс істеп жүрген маман иелеріне арналған жоба. Оның мақсаты – тәжірибе алмасу әрі медиа саласында кәсіби байланысты нығайту.

33
Диктофон

SputnikPro вебинары: мамандар БАҚ-ты қалай ілгерілету керек екенін түсіндіреді

19
Sputnik халықаралық ақпарат агенттігі мен радиосы SputnikPro жобасының онлайн-сессияларын одан әрі жалғастырады. Модульге қатысуға қазақстандық журналистер, баспасөз қызметінің қызметкерлері шақырылады

НҰР-СҰЛТАН, 23 қыркүйек – Sputnik. "БАҚ-ты қалай алға ілгерілету керек?" тақырыбындағы SputnikPro  жобасының онлайн-сессиясы 25 қыркүйек, жұма күні, сағат 16.00-де (Нұр-Сұлтан уақыты бойныша) өтеді.

Шеберлік сабағында "Россия сегодня" медиатобы баспасөз қызметінің жетекшісі  Анна Старкова неліктен баспасөз хабарламаларын жазу қажеті емес және жеке әлеуметтік желіні қалай дамыту керек сынды сауалдарға жауап береді.

Модульге қатысу үшін мына сілтеме бойынша тіркелуге болады.

Анна Старкова "Россия сегодня" ХАА баспасөз қызметінің жетекшісі, сондай-ақ, агенттіктің корпоративтік коммуникациясын үйлестіреді. Халықаралық коммуникация, gr және журналистика салаларында 15 жылдан астам тәжірибесі бар. Бұған дейін "Валдай клубы" директорының кеңесшісі және стратегиялық бастамалар агенттігі компаниясының халықаралық жобалар жетекшісі болған.

"России сегодня" баспасөз қыметінің каналы, РИА Новости және Sputnik Telegram-ы - t.me/zubovskiy4.

SputnikPro онлайн-маусымын наурыз айының ортасында ашты. Сессияларда коронавирустық пандемия контекстіндегі жұмыс ерекшеліктері, веб-сараптама мен авторлық құқық құралдарының көмегімен өзіңді және қолданушыны шатастырмауды, ақпараттың шынайылығын тексеру мен жаңалықтар ресурсына қолжетімділікті қамтамасыз ету, сондай-ақ, "сарыжағал ақпараттан" аулақ болып, жаңалықтар ресурстарындағы трафикке қол жеткізу мәселелері талқыланады. Қатысушылар чатта бір-біріне хабарламалар жібере отырып, бір мезетте пікір алмаса алады.

SputnikPro – Sputnik халықаралық ақпарат агенттігі мен радиосының журналистерге, жоғары оқу орындарының студенттеріне, баспасөз қызметінің қызметкерлері мен медиа менеджерлерге арналған, шетелдік әріптестермен тәжірибе алмасуға және кәсіби байланыстарды дамытуға бағытталған жоба. Жоба модулінің жүргізушілері ретінде Sputnik бөлімшелерінің жетекшілері, сондай-ақ басқа да ресейлік танымал журналистер мен сарапшылар сөз сөйледі. 2018 жылдың наурыз айынан бастап SputnikPro Армениядан Үндістанға, Грекиядан Қытайға дейін 22 елде шеберлік сабақтары мен семинарлар өткізді. Әлемнің 80 елінен барлығы 3000-нан астам тыңдаушы қатысты. Жоба жаңалықтарымен Facebook-тегі парақшасынан таныса аласыз.

Sputnik – ірі халықаралық бұқаралық ақпарат құралдарының бірі, ол 33 тілдегі мультимедиялық интернет-сайттарды, әлемнің 90-нан астам қаласында және интернетте орыс, ағылшын, француз және басқа тілдердегі баламалы және цифрлық радиохабарды біріктіреді. Sputnik-тің жаңалықтар таспасы тәулік бойы әлемдегі жетекші басылымдарға ағылшын, араб, испан, қытай және парсы тілдерінде ақпарат жеткізеді. Sputnik ақпарат ресурсының аудиториясы - айына 80 миллион. Бас кеңсесі Мәскеу қаласында. Sputnik "Россия сегодня" медиатобына кіреді.

19
Қасым-Жомарт Тоқаев Hyundai Trans Kazakhstan зауытына барды

Тоқаев Алматыда автокөліктің капотына не жазды

618
(Жаңартылды 11:14 26.09.2020)
Президент Алматы қаласына жұмыс сапары кезінде қол қойған автокөлік жаңа зауыттың көрсету залына қойылады

НҰР-СҰЛТАН, 26 қыркүйек – Sputnik. Президент Қасым-Жомарт Тоқаев Алматыдағы Hyundai Trans Kazakhstan зауытына барған кезде жаңа автокөліктің капотында естелік жазба қалдырды.

Мемлекет басшысы "Iске сәт! Ақ жол тілеймін!" деп жазды. Ол сондай-ақ қол қойып, сол күннің датасын көрсетті.

Касым-Жомарт Токаев оставил надпись на капоте авто
© Photo : Astana Motors
Тоқаев жаңа автокөліктің капотында естелік жазба қалдырды

"Астана Моторс" компаниясы Sputnik Қазақстанға президент қол қойған көлікті не істейтіндерін айтты.  

"Ол тарих үшін сақталып, зауыт кеңсесінің көрсету залына қойылады", - деп хабарлады баспасөз қызметі.

Айта кетейік, кәсіпорында президентке автокөліктерді құрастыру процесі көрсетілген болатын. Ол 2020 жылдың 15 қазанында ашылады.

Кәсіпорын пайдалануға берілгеннен кейін оның қуаты бірінші кезеңде жылына 30 мың, екінші кезеңде 45 мыңға дейін машина жасауға жетеді. Инвестицияның жалпы көлемі – 28 миллиард теңгеден астам, оның 30% – компанияның өз қаражаты.

Оқи отырыңыз: Коронавирустың екінші толқынына дайын болайық – Тоқаев 

Hyundai Trans Kazakhstan кәсіпорны 700-ге жуық жұмыс орнын ашып, сабақтас салалардың дамуына серпін береді.

Инвесторлар келешекте автобөлшектер шығаратын зауыт салуды жоспарлап отыр. Осылайша компания отандық автокөлік өнеркәсібін дамыту жөніндегі көздеген мақсаттарына қол жеткізеді. Бұл отандық өндірістің 51 % астамын қамтамасыз етеді.

Еске сала кетейік, жұмада Қасым-Жомарт Тоқаев жұмыс сапарымен Алматыға барды. Ол қалалық клиникалық жұқпалы аурулар ауруханасы филиалының, өнеркәсіптік кәсіпорындардың және көпфункционалды музыкалық орталықтың жұмысымен танысты.

618
Кілт сөздер:
зауыт, Алматы, Қасым-Жомарт Тоқаев
Тақырып бойынша
Президентке құрылыс материалдары өндірісінің технологиялық процесі көрсетілді
Тоқаев жарлыққа қол қойды
Тоқаев жұмыс сапарымен Алматыға барды
Тоқаев Қазақстанның өлім жазасынан бас тартуына байланысты түсініктеме берді