Александр Субботин

ЕАЭО басшылары маңызды құжатқа қол қоюы мүмкін

225
Одаққа мүше елдердің басшылары алдағы интеграция жөніндегі бірқатар маңызды мәселені талқылайтын болады

АЛМАТЫ, 16 желтоқсан — Sputnik. Еуразиялық экономикалық одақтың 2025 жылға дейінгі даму стратегиясы 20 желтоқсан Санкт-Петербург қаласында өтетін жиында мемлекет басшыларына ұсынылады. Бұл туралы Еуразиялық экономикалық комиссия алқасының мүшесі Александр Субботин айтты.

Құжат Жоғары еуразиялық экономикалық кеңес отырысында таныстырылады. 

"Қазіргі уақытта 2025 жылға дейінгі одақты дамыту стратегиясы әзірленіп жатыр. Мемлекеттік сатып алудың қолжетімділігінен бастап өнеркәсіп, агроөнеркәсіп кешені, кеден және азық-түлік бағыттарына дейін қамтуға тырыстық. Құжат одақтың алдағы уақытта қандай форматта дамитынын көрсетеді. Бұл құжат президенттер деңгейінде қабылданады деп ойлаймын", - деді "Россия сегодня" халықаралық ақпарат агенттігінің мультимедиялық баспасөз орталығында өткен жиында Александр Субботин.

Сондай-ақ, ол 19 желтоқсан күні одаққа мүше елдердің вице-премьерлерінің қатысуымен Еуразиялық экономикалық комиссия отырысы өтетінін атап өтті. Күн тәртібіне 60 мәселе шығарылады. Отырыс қорытындысы бойынша президенттер талқылайтын нақты күн тәртібі бекітіледі. 

225
Кілт сөздер:
құжат, басшы, ЕАЭО
Диктофон

Релизден бас тарту керек кәсіби PR маманының лайфхактары

33
SputnikPro сарапшысы онлайнды дамыту, ерекшеленуден қорықпау, адамдарға сену – БАҚ-ты алға жылжытудың негізгі ерекшелігі екенін айтады  

НҰР-СҰЛТАН, 25 қыркүйек – Sputnik. "Россия сегодня" медиа тобы баспасөз қызметінің жетекшісі Анна Старкова көрші елдердің журналистеріне неліктен релиз жазудан бас тарту керектігін айтып берді.

Бұған дейін бұқаралық ақпарат құралдары іс-шараның ақпараттық серіктесі бола отырып, өзінің логотипін түрлі алаңдарда орналастыратын. Пандемия кезінде жағдай өзгерді. Өзін-өзі таныту үшін медиа топтың баспасөз қызметі ерекше кейстерді ойластыра бастаған.

Сарапшының бірінші ұсынысы: стандартты релиздерді жазу тәжірибесінен бас тарту.

"Адамдармен оларға түсінікті тілде сөйлесу керек. Кері байланыс орната бастасаңыз, ол нарықтың ойыншысы болсаңыз, сізді тыңдайды, сізге келіп, оқи бастайды", - деп санайды Старкова.

Сарапшының келесі кеңесі – бұқаралық ақпарат құралдары онлайнды ғана дамытпау керек.

"Мұны пандемия кезінде істей бастадық. Біз барлығы дерлік интернетті қолданатын әлемде өмір сүріп жатырмыз", - деп атап өтті маман.

Қазір, оның айтуынша, әлеуметтік желілердегі және мессенджерлердегі анонимділік танымал болудан қалып барады.

"Бізді ("РИА Новости" ХАА Телеграм каналы) оқи бастады, өйткені РИА Новости, мысалы, Лукашенконың инаугурациясында не болғанын айтты. Сол кезде ол жаңалыққа айналады, бұл тексерілген ақпарат. Шын мәнінде болған нәрсе, сыбыс емес", - деп атап өтті Старкова.  

Сарапшының тағы бір ұсынысы – ерекшеленуден қорықпау. Баспасөз қызметі пандемия жағдайында "трендтерді қарап, оларды батыл түрде пайдаланған".

"Сізбен бірге жұмыс істейтін адамдарға сенім арту керек, өйткені ең алдымен біреумен араласуың керек. Оларды алға жылжытуың керек, нәтижесінде сіздің брендіңіз алға жылжиды", - деп сендірді Старкова.

Кәсіби PR маманының бесінші кеңесі – дос болу.

"Бұл, шынын айтқанда, ең маңызды кеңес. Басқа ақпарат құралдарымен, баспасөз қызметтерімен, тіпті бәсекелестермен де достасу керек. Кофеге шақырыңыз, бранчи жасаңыз, лайфхактармен бөлісіңіз. Бұл бәріне қатысты", - деп есептейді ол.  

SputnikPro білім беру жобасының жиырма бірінші онлайн-сессиясына Қазақстан, Ресей, Әзербайжан, Армения, Беларусь, Қырғызстан, Молдова, Абхазия және Осетия БАҚ өкілдері қатысты.

SputnikPro – Sputnik халықаралық ақпарат агенттігі мен радиосының журналист, студент, баспасөз қызметі мен медиа саласында жұмыс істеп жүрген маман иелеріне арналған жоба. Оның мақсаты – тәжірибе алмасу әрі медиа саласында кәсіби байланысты нығайту.

33
Диктофон

SputnikPro вебинары: мамандар БАҚ-ты қалай ілгерілету керек екенін түсіндіреді

19
Sputnik халықаралық ақпарат агенттігі мен радиосы SputnikPro жобасының онлайн-сессияларын одан әрі жалғастырады. Модульге қатысуға қазақстандық журналистер, баспасөз қызметінің қызметкерлері шақырылады

НҰР-СҰЛТАН, 23 қыркүйек – Sputnik. "БАҚ-ты қалай алға ілгерілету керек?" тақырыбындағы SputnikPro  жобасының онлайн-сессиясы 25 қыркүйек, жұма күні, сағат 16.00-де (Нұр-Сұлтан уақыты бойныша) өтеді.

Шеберлік сабағында "Россия сегодня" медиатобы баспасөз қызметінің жетекшісі  Анна Старкова неліктен баспасөз хабарламаларын жазу қажеті емес және жеке әлеуметтік желіні қалай дамыту керек сынды сауалдарға жауап береді.

Модульге қатысу үшін мына сілтеме бойынша тіркелуге болады.

Анна Старкова "Россия сегодня" ХАА баспасөз қызметінің жетекшісі, сондай-ақ, агенттіктің корпоративтік коммуникациясын үйлестіреді. Халықаралық коммуникация, gr және журналистика салаларында 15 жылдан астам тәжірибесі бар. Бұған дейін "Валдай клубы" директорының кеңесшісі және стратегиялық бастамалар агенттігі компаниясының халықаралық жобалар жетекшісі болған.

"России сегодня" баспасөз қыметінің каналы, РИА Новости және Sputnik Telegram-ы - t.me/zubovskiy4.

SputnikPro онлайн-маусымын наурыз айының ортасында ашты. Сессияларда коронавирустық пандемия контекстіндегі жұмыс ерекшеліктері, веб-сараптама мен авторлық құқық құралдарының көмегімен өзіңді және қолданушыны шатастырмауды, ақпараттың шынайылығын тексеру мен жаңалықтар ресурсына қолжетімділікті қамтамасыз ету, сондай-ақ, "сарыжағал ақпараттан" аулақ болып, жаңалықтар ресурстарындағы трафикке қол жеткізу мәселелері талқыланады. Қатысушылар чатта бір-біріне хабарламалар жібере отырып, бір мезетте пікір алмаса алады.

SputnikPro – Sputnik халықаралық ақпарат агенттігі мен радиосының журналистерге, жоғары оқу орындарының студенттеріне, баспасөз қызметінің қызметкерлері мен медиа менеджерлерге арналған, шетелдік әріптестермен тәжірибе алмасуға және кәсіби байланыстарды дамытуға бағытталған жоба. Жоба модулінің жүргізушілері ретінде Sputnik бөлімшелерінің жетекшілері, сондай-ақ басқа да ресейлік танымал журналистер мен сарапшылар сөз сөйледі. 2018 жылдың наурыз айынан бастап SputnikPro Армениядан Үндістанға, Грекиядан Қытайға дейін 22 елде шеберлік сабақтары мен семинарлар өткізді. Әлемнің 80 елінен барлығы 3000-нан астам тыңдаушы қатысты. Жоба жаңалықтарымен Facebook-тегі парақшасынан таныса аласыз.

Sputnik – ірі халықаралық бұқаралық ақпарат құралдарының бірі, ол 33 тілдегі мультимедиялық интернет-сайттарды, әлемнің 90-нан астам қаласында және интернетте орыс, ағылшын, француз және басқа тілдердегі баламалы және цифрлық радиохабарды біріктіреді. Sputnik-тің жаңалықтар таспасы тәулік бойы әлемдегі жетекші басылымдарға ағылшын, араб, испан, қытай және парсы тілдерінде ақпарат жеткізеді. Sputnik ақпарат ресурсының аудиториясы - айына 80 миллион. Бас кеңсесі Мәскеу қаласында. Sputnik "Россия сегодня" медиатобына кіреді.

19
Қасым-Жомарт Тоқаев Hyundai Trans Kazakhstan зауытына барды

Тоқаев Алматыда автокөліктің капотына не жазды

1
(Жаңартылды 11:14 26.09.2020)
Президент Алматы қаласына жұмыс сапары кезінде қол қойған автокөлік жаңа зауыттың көрсету залына қойылады

НҰР-СҰЛТАН, 26 қыркүйек – Sputnik. Президент Қасым-Жомарт Тоқаев Алматыдағы Hyundai Trans Kazakhstan зауытына барған кезде жаңа автокөліктің капотында естелік жазба қалдырды.

Мемлекет басшысы "Iске сәт! Ақ жол тілеймін!" деп жазды. Ол сондай-ақ қол қойып, сол күннің датасын көрсетті.

Касым-Жомарт Токаев оставил надпись на капоте авто
© Photo : Astana Motors
Тоқаев жаңа автокөліктің капотында естелік жазба қалдырды

"Астана Моторс" компаниясы Sputnik Қазақстанға президент қол қойған көлікті не істейтіндерін айтты.  

"Ол тарих үшін сақталып, зауыт кеңсесінің көрсету залына қойылады", - деп хабарлады баспасөз қызметі.

Айта кетейік, кәсіпорында президентке автокөліктерді құрастыру процесі көрсетілген болатын. Ол 2020 жылдың 15 қазанында ашылады.

Кәсіпорын пайдалануға берілгеннен кейін оның қуаты бірінші кезеңде жылына 30 мың, екінші кезеңде 45 мыңға дейін машина жасауға жетеді. Инвестицияның жалпы көлемі – 28 миллиард теңгеден астам, оның 30% – компанияның өз қаражаты.

Оқи отырыңыз: Коронавирустың екінші толқынына дайын болайық – Тоқаев 

Hyundai Trans Kazakhstan кәсіпорны 700-ге жуық жұмыс орнын ашып, сабақтас салалардың дамуына серпін береді.

Инвесторлар келешекте автобөлшектер шығаратын зауыт салуды жоспарлап отыр. Осылайша компания отандық автокөлік өнеркәсібін дамыту жөніндегі көздеген мақсаттарына қол жеткізеді. Бұл отандық өндірістің 51 % астамын қамтамасыз етеді.

Еске сала кетейік, жұмада Қасым-Жомарт Тоқаев жұмыс сапарымен Алматыға барды. Ол қалалық клиникалық жұқпалы аурулар ауруханасы филиалының, өнеркәсіптік кәсіпорындардың және көпфункционалды музыкалық орталықтың жұмысымен танысты.

1
Кілт сөздер:
зауыт, Алматы, Қасым-Жомарт Тоқаев
Тақырып бойынша
Президентке құрылыс материалдары өндірісінің технологиялық процесі көрсетілді
Тоқаев жарлыққа қол қойды
Тоқаев жұмыс сапарымен Алматыға барды
Тоқаев Қазақстанның өлім жазасынан бас тартуына байланысты түсініктеме берді