Жұмыс үстелі мен ноутбук және өсімдіктер, иллюстративті фото

Әлемді өзгерту тәсілі: әлеуметтік медиа жобалар және ол қалай сәтті жасалады

34
Халықаралық ақпараттық агенттік пен радио Sputnik шеберлік шыңдауға арналған SputnikPro білім беру жобасының онлайн-сессиялар сериясын жалғастырады. Вебинарға қатысуға қазақстандық журналистер, медиа менеджерлер мен блогерлер шақырылады

НҰР-СҰЛТАН, 9 қыркүйек – Sputnik. SputnikPro білім беру жобасының "Әлемді өзгерту тәсілі: әлеуметтік медиа жобалар және ол қалай сәтті жасалады" тақырыбындағы онлайн сессиясы 11 қыркүйек, жұма күні сағат 16.00-де (Нұр-Сұлтан уақытымен) өтеді.

Шеберлік сабағында "Россия сегодня" ХАА мемлекеттік медиа жобалар дирекциясы директорының орынбасары, медиа менеджер және интернет-технолог Ирина Кедровская ресейлік дәрігерлерді қолдауға арналған онлайн-акцияны мысалға ала отырып, жақсы трафикпен сәтті әлеуметтік жоба құру және бейілді аудитория жинау тәжірибесімен бөліседі.

Онлайн-жобаға қатысу үшін мына сілтеме бойынша тіркелуге болады.

Ирина Кедровская – медиа менеджер, интернет-технолог. В.И.Ленин атындағы Мәскеу мемлекеттік педагогикалық университеттің филология факультетін бітірген. 

 Заместитель директора дирекции государственных проектов медиагруппы Россия сегодня Ирина Кедровская
© Sputnik /
"Россия сегодня" ХАА мемлекеттік медиа жобалар дирекциясы директорының орынбасары Ирина Кедровская

Ол қызметтік жолын "Независимая газетада" бастап, "Известия" газеті мен Родионов баспа үйінде және РИА Новостиде жұмыс істеді.

2008 жылдан бері оқытушылық қызметпен қатар, қайырымдылық шараларына белсене араласады.

Сонымен қатар, ол "Россия сегодня" ХАА-нің әлеуметтік жобаларын қадағалайды. Атап айтқанда, "Найди меня, мама" қайырымдылық жобасы 2017 жылғы БАҚ саласында әлеуметтік маңыздылығымен мойындалды.

Оның жетекшілігімен жасалған жобалар бірнеше рет марапатқа ие болған. Олардың қатарында Рунет сыйлығы мен Инновация уақыты, Ресей Журналистер одағының нұсқасы бойынша жылдың үздік бұқаралық ақпарат құралы сияқты марапаттар да бар.

SputnikPro онлайн-маусымын наурыз айының ортасында ашты. Сеанстарда коронавирустық пандемия контекстіндегі жұмыс ерекшеліктерін, веб-сараптама мен авторлық құқық құралдарының көмегімен өзіңді және қолданушыны шатастырмауды, ақпараттың шынайылығын тексеру мен жаңалықтар ресурсына қолжетімділікті қамтамасыз ету мәселелері талқыланады. Қатысушылар чатта бір-біріне хабарламалар жібере отырып, бір мезетте пікір алмаса алады.

SputnikPro ағарту жобасы туралы

SputnikPro – бұл Sputnik халықаралық ақпарат агенттігі мен радиосының журналистеріне, кәсіби жоғары оқу орындарының студенттеріне, баспасөз қызметінің қызметкерлері мен медиа менеджерлерге арналған, шетелдік әріптестермен тәжірибе алмасуға және кәсіби байланыстарды дамытуға бағытталған жоба. Жоба модулінің менеджерлері Sputnik бөлімшелерінің жетекшілері, сондай-ақ басқа да ресейлік танымал журналистер мен сарапшылар болады. 2018 жылдың наурыз айынан бастап SputnikPro Армениядан Үндістанға, Грекиядан Қытайға дейін 22 елде шеберлік сабақтары мен семинарлар өткізді. Әлемнің 80 елінен барлығы 3000-нан астам тыңдаушы қатысты. Жоба жаңалықтарын Facebook-тегі парақшасынан таныса аласыз.

Sputnik халықаралық ақпарат агенттігі мен радиосы туралы

Sputnik – әлемдегі 90-нан астам қалаларда мультимедиялық интернет-сайттарды, аналогты және сандық радио хабарлар таратуды біріктіретін ірі халықаралық ақпарат құралдарының бірі. Sputnik жаңалықтарының арналары әлемнің жетекші басылымдарына тәулік бойы ағылшын, араб, испан, қытай және парсы тілдерінде ақпарат ұсынады. Sputnik ақпараттық ресурстарының аудиториясы ай сайын 80 миллионнан астам адамды құрайды, Sputnik әлеуметтік желісінің жазылушыларының жалпы саны 20 миллионнан асады. Бішкектен Кишиневке және Пекиннен Монтевидеоға дейінгі әлемнің 24 редакторлық орталығында мыңдаған адам мен ондаған ұлт өкілдері жұмыс істейді. Sputnik – "Россия сегодня" медиа-тобының құрамына кіреді. Sputnik-тің бас кеңсесі Мәскеуде орналасқан.

34
Кілт сөздер:
маман, білім
Тақырып бойынша
SputnikPro сарапшысы қызықты тікелей эфирдің лайфхактарын бөлісті
SputnikPro жобасы редакциялық кәсіби шеберлік құпиясымен бөліседі
Видеоролик жасау кезеңдері және оны безендіру ережесі – SputnikPro лайфхактары
SputnikPro-да Беларусьтегі жағдай мен әлеуметтік желі мүмкіндігі талқыланады
Әлеуметтік желілер ықпалды саяси алаңға айналды – SputnikPro сарапшысы
Диктофон

Релизден бас тарту керек кәсіби PR маманының лайфхактары

44
SputnikPro сарапшысы онлайнды дамыту, ерекшеленуден қорықпау, адамдарға сену – БАҚ-ты алға жылжытудың негізгі ерекшелігі екенін айтады  

НҰР-СҰЛТАН, 25 қыркүйек – Sputnik. "Россия сегодня" медиа тобы баспасөз қызметінің жетекшісі Анна Старкова көрші елдердің журналистеріне неліктен релиз жазудан бас тарту керектігін айтып берді.

Бұған дейін бұқаралық ақпарат құралдары іс-шараның ақпараттық серіктесі бола отырып, өзінің логотипін түрлі алаңдарда орналастыратын. Пандемия кезінде жағдай өзгерді. Өзін-өзі таныту үшін медиа топтың баспасөз қызметі ерекше кейстерді ойластыра бастаған.

Сарапшының бірінші ұсынысы: стандартты релиздерді жазу тәжірибесінен бас тарту.

"Адамдармен оларға түсінікті тілде сөйлесу керек. Кері байланыс орната бастасаңыз, ол нарықтың ойыншысы болсаңыз, сізді тыңдайды, сізге келіп, оқи бастайды", - деп санайды Старкова.

Сарапшының келесі кеңесі – бұқаралық ақпарат құралдары онлайнды ғана дамытпау керек.

"Мұны пандемия кезінде істей бастадық. Біз барлығы дерлік интернетті қолданатын әлемде өмір сүріп жатырмыз", - деп атап өтті маман.

Қазір, оның айтуынша, әлеуметтік желілердегі және мессенджерлердегі анонимділік танымал болудан қалып барады.

"Бізді ("РИА Новости" ХАА Телеграм каналы) оқи бастады, өйткені РИА Новости, мысалы, Лукашенконың инаугурациясында не болғанын айтты. Сол кезде ол жаңалыққа айналады, бұл тексерілген ақпарат. Шын мәнінде болған нәрсе, сыбыс емес", - деп атап өтті Старкова.  

Сарапшының тағы бір ұсынысы – ерекшеленуден қорықпау. Баспасөз қызметі пандемия жағдайында "трендтерді қарап, оларды батыл түрде пайдаланған".

"Сізбен бірге жұмыс істейтін адамдарға сенім арту керек, өйткені ең алдымен біреумен араласуың керек. Оларды алға жылжытуың керек, нәтижесінде сіздің брендіңіз алға жылжиды", - деп сендірді Старкова.

Кәсіби PR маманының бесінші кеңесі – дос болу.

"Бұл, шынын айтқанда, ең маңызды кеңес. Басқа ақпарат құралдарымен, баспасөз қызметтерімен, тіпті бәсекелестермен де достасу керек. Кофеге шақырыңыз, бранчи жасаңыз, лайфхактармен бөлісіңіз. Бұл бәріне қатысты", - деп есептейді ол.  

SputnikPro білім беру жобасының жиырма бірінші онлайн-сессиясына Қазақстан, Ресей, Әзербайжан, Армения, Беларусь, Қырғызстан, Молдова, Абхазия және Осетия БАҚ өкілдері қатысты.

SputnikPro – Sputnik халықаралық ақпарат агенттігі мен радиосының журналист, студент, баспасөз қызметі мен медиа саласында жұмыс істеп жүрген маман иелеріне арналған жоба. Оның мақсаты – тәжірибе алмасу әрі медиа саласында кәсіби байланысты нығайту.

44
Диктофон

SputnikPro вебинары: мамандар БАҚ-ты қалай ілгерілету керек екенін түсіндіреді

20
Sputnik халықаралық ақпарат агенттігі мен радиосы SputnikPro жобасының онлайн-сессияларын одан әрі жалғастырады. Модульге қатысуға қазақстандық журналистер, баспасөз қызметінің қызметкерлері шақырылады

НҰР-СҰЛТАН, 23 қыркүйек – Sputnik. "БАҚ-ты қалай алға ілгерілету керек?" тақырыбындағы SputnikPro  жобасының онлайн-сессиясы 25 қыркүйек, жұма күні, сағат 16.00-де (Нұр-Сұлтан уақыты бойныша) өтеді.

Шеберлік сабағында "Россия сегодня" медиатобы баспасөз қызметінің жетекшісі  Анна Старкова неліктен баспасөз хабарламаларын жазу қажеті емес және жеке әлеуметтік желіні қалай дамыту керек сынды сауалдарға жауап береді.

Модульге қатысу үшін мына сілтеме бойынша тіркелуге болады.

Анна Старкова "Россия сегодня" ХАА баспасөз қызметінің жетекшісі, сондай-ақ, агенттіктің корпоративтік коммуникациясын үйлестіреді. Халықаралық коммуникация, gr және журналистика салаларында 15 жылдан астам тәжірибесі бар. Бұған дейін "Валдай клубы" директорының кеңесшісі және стратегиялық бастамалар агенттігі компаниясының халықаралық жобалар жетекшісі болған.

"России сегодня" баспасөз қыметінің каналы, РИА Новости және Sputnik Telegram-ы - t.me/zubovskiy4.

SputnikPro онлайн-маусымын наурыз айының ортасында ашты. Сессияларда коронавирустық пандемия контекстіндегі жұмыс ерекшеліктері, веб-сараптама мен авторлық құқық құралдарының көмегімен өзіңді және қолданушыны шатастырмауды, ақпараттың шынайылығын тексеру мен жаңалықтар ресурсына қолжетімділікті қамтамасыз ету, сондай-ақ, "сарыжағал ақпараттан" аулақ болып, жаңалықтар ресурстарындағы трафикке қол жеткізу мәселелері талқыланады. Қатысушылар чатта бір-біріне хабарламалар жібере отырып, бір мезетте пікір алмаса алады.

SputnikPro – Sputnik халықаралық ақпарат агенттігі мен радиосының журналистерге, жоғары оқу орындарының студенттеріне, баспасөз қызметінің қызметкерлері мен медиа менеджерлерге арналған, шетелдік әріптестермен тәжірибе алмасуға және кәсіби байланыстарды дамытуға бағытталған жоба. Жоба модулінің жүргізушілері ретінде Sputnik бөлімшелерінің жетекшілері, сондай-ақ басқа да ресейлік танымал журналистер мен сарапшылар сөз сөйледі. 2018 жылдың наурыз айынан бастап SputnikPro Армениядан Үндістанға, Грекиядан Қытайға дейін 22 елде шеберлік сабақтары мен семинарлар өткізді. Әлемнің 80 елінен барлығы 3000-нан астам тыңдаушы қатысты. Жоба жаңалықтарымен Facebook-тегі парақшасынан таныса аласыз.

Sputnik – ірі халықаралық бұқаралық ақпарат құралдарының бірі, ол 33 тілдегі мультимедиялық интернет-сайттарды, әлемнің 90-нан астам қаласында және интернетте орыс, ағылшын, француз және басқа тілдердегі баламалы және цифрлық радиохабарды біріктіреді. Sputnik-тің жаңалықтар таспасы тәулік бойы әлемдегі жетекші басылымдарға ағылшын, араб, испан, қытай және парсы тілдерінде ақпарат жеткізеді. Sputnik ақпарат ресурсының аудиториясы - айына 80 миллион. Бас кеңсесі Мәскеу қаласында. Sputnik "Россия сегодня" медиатобына кіреді.

20
Қазақстан премьері мен Татарстан басшысы Қостанайда кездесті

Қазақстан премьері мен Татарстан басшысы Қостанайда кездесті

60
(Жаңартылды 21:17 27.09.2020)
Автомобиль жасау саласындағы жаңа жобалар Қазақстан мен Ресей арасындағы өнеркәсіптік кооперацияның нақты практикалық кеңеюін айғақтайды

НҰР-СҰЛТАН, 27 қыркүйек – Sputnik. Қостанайда премьер-министр Асқар Мамин мен Татарстан президенті Рустам Минниханов кездесіп, үш бірдей автомобиль жасау жобасын бастап берді. Нысандарға тартылған инвестиция көлемі 261 миллиард теңгені құрайды, деп хабарлайды primeminister.kz сайты.

Келісімге сәйкес, алдағы уақытта Қостанай индустриялық аймағында "КАМАЗ" шойын құймасы мен жүк техникасының шанақ-арқалығына арналған құрамдас бөлшектер өндіру зауыты салынып, Қарағанды облысының Саран қаласында автомобиль шиналары өндірісі ашылады. Бұл жердегі шектес салаларды ескере отырып, өндіріс орнында шамамен 1 200 жаңа жұмыс орны құрылады деп жоспарланған.

Ал зауыттардың құрылысы 2023 жылы аяқтау көзделген.

Үкімет басшысы автомобиль жасау саласындағы жаңа жобалар Қазақстан мен Ресей арасындағы өнеркәсіптік кооперацияның нақты практикалық кеңеюін айғақтайтынын атап өтті.

"Автомобиль жасау саласындағы өндіріс көлемі жыл басынан бері 51,8%-ке ұлғайды. Негізгі капиталға салынған инвестициялар 6,6 еседен астам – 9,4 миллиард теңгеге дейін артты", – деді Мамин.

Шара аясында үкімет басшысына ауыл шаруашылығы техникасын жинау және кәдеге жарату зауыты мен "КАМАЗ" инжиниринг орталығын ашудың бірлескен Қазақстан–Ресей жобасы таныстырылды.

Оқи отырыңыз: Таңғалдырмаймыз, бірақ қуантамыз: Ермек Тұрсынов Татарстан киносы күндері жайлы

Сондай-ақ, кездесуде ресейлік "КАМАЗ" бен "Татнефть" және өзбектің "UzAuto" компанияларының басшылығымен автомобиль жасау саласындағы ынтымақтастықты одан әрі дамыту келешегі талқыланды.

60
Кілт сөздер:
экономика, Қазақстан, Татарстан
Тақырып бойынша
Қазақстан мен Татарстан меморандумға қол қойды
Азық-түлікті қымбаттатуға еш себеп жоқ – Мамин
Маска мен дәрі-дәрмек тапшылығы болмайды – Мамин
Татарстан президенті сабан тойды Қостанайда атап өтеді
Татарстан президенті Абай өлеңін қазақ тілінде оқыды