АСТАНА, 8 қаз – Sputnik. Сенбі, 8 қазанда республикамыздың солтүстігінде және шығысында атмосфералық фронталды бөліктердің өтуіне байланысты жауын-шашын күтіледі, ал қалған бөліктерінде жауын-шашынсыз ауа-райы болады, деп хабарланады ҚР ІІМ ТЖ комитетінің сайтында.
Кей жерлерде тұман, жел 15-20 м/с болады. Ақмола, Қостанай, Солтүстік Қазақстан, Павлодар, Қарағанды облыстарының кей жерлерінде тұман болады.
Жамбыл, Оңтүстік Қазақстан, Шығыс Қазақстан облыстарында, күндіз Маңғыстау, Қызылорда облыстарының кей жерлерінде жел 15-20 м/с күшейеді, Шығыс Қазақстан, Жамбыл облыстарында — тұман байқалады.
Оңтүстік Қазақстан, Қарағанды, Ақтөбе облыстарының кей жерлерінде өте жоғары өрт қауіпі сақталады.
