көктайғақ

"Астана Тазалық" әйелдің көктайғақтан қаза тапқаны үшін 600 мың теңге төлейді

44
(Жаңартылды 11:13 02.11.2016)
Қыс мезгіліндегі көшені сапасыз тазалау қала тұрғынының өліміне себеп болды. Жәбірленушінің қызы комуналдық қызметтен өтем ақы талап етті.

АСТАНА, 1 қар — Sputnik. Қаза болған әйелдің қызы елордада көшелерінің тазалығына жауапты Астана Тазалықтан моральдық зиянды өндіріп алды, деп хабарлады Sputnik Қазақстан қалалық соттың баспасөз қызметі. 

Сотта атап өткендей, қайғылы оқиға 2016 жылғы қаңтарда орын алған.  Талапкердің анасы Астана көшелерінің бірінде құлаған және бас жарақатын алған. Одан кейін құлау нәтижесінде алған дене жарақаттарымен әйел адам Астана қаласы Теміржол емханасының жансақтау бөліміне түскен, онда есіне келместен қайтыс болған.

Сот-медициналық сараптаманың қорытындысына сәйкес, әйелдің өлімі жабық сүйек-ми жарақаты нәтижесінде болған.

Сотқа дейінгі тергеу барысында әйел адамының қайтыс болу фактісі бойынша әйел адамның жарақат алған көшесі қарапайым өмірге жанаспайтыны, жазғы және қысқы мерзімдерде механикалық жинастыруға, сондай-ақ қолмен жинастыруға жататыны анықталған.

"Астана Тазалық" ЖШС және Астана аудандық әкімдігінің аппараты арасында бекітілген көшелерді қолмен жинастыру және механикалық жинастыру бойынша мердігерлер шарттары негізінде жауапкер өзіне қала көшелерін жинастыру бойынша міндеттеме алған.

Астана қаласының Сарыарқа аудандық соты іс материалын зерделей отырып, талап арыз талабын жартылай қанағаттандырды және "Астана Тазалық"  ЖШС-нен моральдық зиянның орнын толтыру есебіне 600 000 теңге сомасында ақшалай түрде өтемақыны өндіріп берді.

Астана қалалық сотының азаматтық істер жөніндегі апелляциялық сот алқасының қаулысымен бірінші сатыдағы соттың шешімі өзгеріссіз қалдырылды.


44
Загрузка...