АСТАНА, 2 жел — Sputnik. Қазгидромет синоптиктері 2016 жылғы желтоқсанға арналған метеоболжамды жариялады.
Болжамға сәйкес осы айдағы ауаның орташа температурасы Батыс Қазақстан, Солтүстік Қазақстан, Ақмола, Павлодар, Ақтөбе мен Қостанай облыстарының көп бөлігінде нормадан 1 °С төмен, республиканың қалған аумағында — нормаға жуық болады деп күтілуде.
Жауын-шашынның айлық мөлшері: Атырау, Маңғыстау, Қызылорда облысының кей жерлерінде — нормадан төмен; Батыс Қазақстан, Солтүстік Қазақстан, Ақмола, Павлодар, Ақтөбе мен Қостанай облыстарының көп бөлігінде, Шығыс Қазақстан, Алматы, Жамбыл, Оңтүстік Қазақстан облыстарының таулы және тау бөктері аудандарында — нормадан жоғары; қалған аумақта — нормаға жуық болады.
Желтоқсандағы құбылмалы ауа-райы белсенді циклондардың жиі өтуімен және оларға қатысты болатын атмосфералық фронттармен байланысты болып, еліміздің солтүстік жартысында қар жауып, жел күшейіп, бұрқасын тұрады, оңтүстік жартысында тұман басып, көктайғақ құбылыстары орын алады. Ал желтоқсанның 5-8, 10, 13-16 кезеңіндегі суық антициклонның таралуымен — ашық бірқалыпты аязды ауа-райы күтіледі.
Күнілгергі болжам бойынша Тәуелсіздік күні мерекесінде ауа температурасының едәуір төмендеуі күтілуде, сол кезде термометр бағаны:
батыста 13-14 желтоқсанда түнде 23…280 дейін, күндіз 17…220 дейін аязды;
еліміздің солтүстігінде, орталығында және шығысында 14-16 желтоқсанда түнде 25…330 дейін, күндіз 20…250 дейін аязды;
оңтүстік пен оңтүстік-шығыста 15-16 желтоқсанда түнде 13…200 дейін, күндіз 8…130 дейін аязды көрсетеді.
Ұзақ мерзімді болжамға сәйкес айдың үшінші он күндігінде ауа температурасының төмендеуі:
солтүстік жартысында түнде 30…380 дейін аяз, күндіз 23…280 дейін аяз;
оңтүстік жартысында түнде 20…250 дейін аяз, күндіз 13…180 дейін аяз күтілуде.
