Атбасарда соққан желдің салдары

Ақмола облысында қатты жел ағаштарды жұлып, үйлердің шатырын ұшырды

275
Өңірде қатты дауылға байланысты дабылды ескерту жарияланған еді

АСТАНА, 24 мамыр — Sputnik. Ақмола облысында соққан қатты жел ғимараттардың шатырын ұшырып, автокөліктерге зақым келтіріп, ағаштарды жұлып әкетті.

22 мамыр күні жедел қызметтер дабылды ескерту жариялаған болатын: 23 мамырда түнде желдің екпіні кей жерлерде 15-20 м/с, күндіз ұйытқуы 25 м/с дейін болады де күтілген.

23 мамырда бүкіл облыста үш рет қауіпті метеорологиялық құбылыс орын алды.

Атбасарда күндіз сағат үштен соң қатты дауыл салдарынан бес қабатты тұрғын үй мен "№1 өнеркәсіптік-техникалық колледждің" төрт қабатты ғимаратының шатыры бұзылды.

Атбасарда соққан желдің салдары
© Photo : "Все кто жил и живет в Атбасаре"
Атбасарда соққан желдің салдары

Степногорда кешкі сағат бес жарым кезінде жылдамдығы 30 м/с жел "Жұлдыз" жаздық мейрамханасының шатырын құлатты, салдарынан үш жеңіл көлікке зақым келген.

1 / 3
Степногорда соққан қатты желдің салдары

Атбасар ауданы Новосельское ауылында кешкі сағат тоғыз шамасында қатты жел орта мектептің шатырын ұшырып әкеткен, сондай-ақ 16 су ағызғышқа зиян келген.

Барлық оқиғада зардап шеккендер мен қаза тапқандар жоқ.

275
Қазақстан мен Қырғызстан шекарасындағы бекет

"Үлкен ауыртпалық түсіп жатыр": Шөкеев шекарадағы жағдайға алаңдады

150
(Жаңартылды 19:08 09.07.2020)
Қазігі кезде облыс тарапынан шетелдіктерге ыстық тамақ кейде әкімдік, ал кейде демеушілер тарапынан ұйымдастырылады

НҰР-СҰЛТАН, 9 шілде – Sputnik. Түркістан облысының әкімдігі "Жібек жолы" шекара бекетінің маңына жиналған өзбектер мен тәжіктерді еліне өткізу мәселесін үкіметтік деңгейде көтеріп жатыр. Бұл туралы облыс әкімі Өмірзақ Шөкеев мәлімдеді, деп хабарлайды Sputnik Қазақстан тілшісі.

Бұған дейін Түркістан облысындағы "Жібек жолы" бекетінде Өзбекстан мен Тәжікстанның үш мыңға жуық азаматы шекарадан өте алмай жүргені хабарланған еді.

Облыс әкімі бұл наурыз айынан бері жалғасып жатқан мәселе екенін атап өтіп, содан бері "Жібек жолы" арқылы Өзбекстан мен Тәжікстанның 40 мыңдай адамын өткізгенін айтты.

"Өзбекстан тарапы адамдардың бәрін карантинге алу үшін төсек-орын тапшы екенін айтуда. Осыған байланысты кідіріп қалып жатыр. Бұл әрине, бізге үлкен ауыртпашылық түсіріп жатыр", – деді Шөкеев онлайн брифингте.

Айтуынша, облыс тарапынан шетелдіктерге тамақ жеткізіледі. Ыстық тамақ кейде әкімдік, ал кейде демеушілер тарапынан ұйымдастырылады. Бұл жұмысқа облыстағы тәжік және өзбек халқының диаспоралары да тартылуда.

"Кеше екі мыңға жуық адамды өткіздік. Бұл жұмыс жалғасады. Біз қазір бұл мәселені үкіметтік деңгейде көтеріп жатырмыз. Екі ұсынысымыз бар. Біріншісі, олардың жиналатын жерін шекараның ар жағында "Транзиттік аймақ" деген жер бар, сол жерден жасау. Екіншісі, басқа бекетке ауыстыру. Өйткені ана жерде тоғыз мың адам тұратын елді мекен бар. Сондықтан олардың сол жерде жиналуы ауыл тұрғындары үшін шынымен де қауіпті", – деп алаңдады облыс әкімі.

Оқи отырыңыз: Қазақстан-Қытай шекарасы неге жабылатыны белгілі болды

Шөкеев жағдай әрі қарай жалғаса берсе, күн суытқаннан кейін шетелдіктерді далада ұстау қиынға соғатынын айтты.

"Сондықтан бұл үлкен мәселе, онымен қазір айналысып жатырмыз. ­Өкінішке қарай, мәселенің шешімі біздің қолымызда емес", – деді ол.

150
Кілт сөздер:
Түркістан облысы, шекара
Тақырып:
Төтенше жағдай және карантин
Тақырып бойынша
Қазақстан мен Ресей шекара межелеуді аяқтады
Белгісіз біреулер Тәжікстан шекара бекетіне шабуылдады: 17 адам өлді
Шекара маңы ынтымақтастығын дамытудың бағдарламасы әзірленді – видео
Шекара қашан ашылады – ҰҚК жауап берді
Шетелге түскен студенттің елден шығу тәртібі қандай – шекара қызметі түсіндірді
Дәрігер

Пандемия басталғалы 132 түркістандық дәрігер вирус жұқтырды

38
(Жаңартылды 18:23 09.07.2020)
Өңір басшысы қайтыс болған дәрігерлердің отбасына өтемақы төленетінін атап өтіп, әкімдік тарапынан барлық қолдауды көрсетуге уәде етті

НҰР-СҰЛТАН, 9 шілде – Sputnik. Түркістан облысында 132 дәрігер індетке шалдықты, бесеуі пневмониядан қайтыс болды. Бұл туралы облыс әкімі Өмірзақ Шөкеев мәлімдеді, деп хабарлайды Sputnik Қазақстан тілшісі.

"Жалпы облыс бойынша 132 медицина қызметкері індетке шалдықты. Оның 24-і емделіп шықты. Өкінішке қарай, бес дәрігер пневмониядан көз жұмды", – деді Шөкеев онлайн брифингте.

Өңір басшысы қайтыс болған дәрігерлердің отбасына өтемақы төленетінін атап өтті. Облыс әкімі әкімдік тарапынан барлық қолдауды көрсетуге уәде етті.

"Жалпы облысымызда 17 мыңнан астам медицина қызметкері жұмыс істейді. Олардың қазіргі жұмысы өте қауіпті әрі күрделі. Олар уақытпен санаспай, жеке қауіпсіздігін ойламай, осы індетпен күресіп жатыр. Сол үшін бүкіл ел атынан алғыс айтамыз", – деді әкім.

Оқи отырыңыз: Жамбыл облысында даулы видеодан кейін бас дәрігер науқасты сотқа берді

Түркістан облысында коронавирус диагнозы 2 079 адамда расталды. 795 науқас емделіп шықты, он бір адам қайтыс болды.

Ал пневмония шалдыққандар саны бес жарым мыңға жуықтады. Қырық алты науқас көз жұмған.

38
Кілт сөздер:
қайтыс болды, дәрігерлер
Тақырып:
Коронавирус эпидемиясы
Тақырып бойынша
Павлодар облысының әкімі өңірде дәрігер жетпей жатқанын айтты
Дәрігер қайтыс болған әріптестерінің тізімін жариялады - басқарма түсініктемесі
Дәрігер коронавирус кезінде нені жеуге болмайтынын айтты
Маңғыстауда дәрігер тапшылығы қалай шешілуде: әкім жағдайды түсіндірді
"Жала жабудың қажеті жоқ": дәрігер желіде тараған видео туралы айтты
Жайылымда жүрген сиырлар, архивтегі сурет

Моңғолия мен Қытайда өршіген оба Қазақстанға қауіп төндіре ме

0
Қазақстан азаматтары Моңғолия мен Қытайда обаның өршуіне байланысты алаңдаушылық танытып, әлеуметтік желілерде ақпарат таратуда

НҰР-СҰЛТАН, 9 шілде – Sputnik. Моңғолия мен Қытайда оба өршіді. Арнайы түсініктеме берген ауыл шаруашылығы министрлігінің ветеринарлық шаралар мен азық-түлік қауіпсіздігін ұйымдастыру басқармасының жетекшісі Салтанат Әбілқасымова Қазақстандағы эпидемиологиялық жағдай обаның өршуіне әкелуі мүмкін екенін мәлімдеді, деп хабарлайды Sputnik Қазақстан.

"Тарихи аумақ тұрғысынан алғанда Қазақстан жануарлар обасының таралуы үшін қолайлы болып тұр. Сондай-ақ, Дүниежүзілік жануарлар денсаулығын сақтау ұйымы бүкіл әлемде ірі қара обасының жағдайын қауіпсіз деп таныды. Барлық елдерде мұндай мәртебе бар",– деді Әбілқасымова.

Сонымен қатар, Қазақстан африкалық шошқа обасы бойынша қауіпсіз ел мәртебесіне ие болғанын атап өтті.

"Мемлекеттік ветеринарлық инспекция бірқатар бақылау және қадағалау функцияларын, сондай-ақ профилактикалық шаралар мен диагностикалық сынақтарды жүргізеді. Аурудың алғашқы белгісі анықталғаннан бері жағдай бақылауда",– деп түйіндеді Әбілқасымова.

Оқи отырыңыз: Қостанай облысында ауыл тұрғындарының сиырын ауру деп әкетіп жатыр

Бұған дейін Қытай билігі Ішкі Моңғолия автономиялық аймағында қойшының бубон обасымен ауырғаны туралы хабарлады. Ал Моңғолияда аталған ауруға күдіктенген үш жағдай анықталды.

Айта кетейік, бубон обасы бактериядан туындайды және антибиотиктермен тиімді емделеді.

0
Кілт сөздер:
Қытай, Моңғолия
Тақырып бойынша
ЕАЭО мен Қытай шекарасы арқылы тыйым салынған тауарларды өткізуге бақылау күшейеді
Моңғолия президенті барлық зейнеткердің кредитін жауып берді
Ірі қара малдың 2 мың терісі тиелген жүк көлік Қырғызстан шекарасында тоқтатылды
Ақтөбе облысында асыл тұқымды ірі қара мал неден қырылып қалды?
Байқоңыр маңында оба анықталған жоқ