АСТАНА, 12 қыркүйек — Sputnik. Алматыда жаяу жүргіншіні қағып өлтіріп, оқиға орнынан қашып кеткен жүргізуші бірнеше күн өткен соң ұсталды.
"Зардап шеккен адамға көмектесудің орнына, жүргізуші қашып кеткен. Өкінішке орай, адам көз жұмды. Бірнеше минуттан соң тез арада кісіні қаққан көлік анықталып, жүргізушінің кім екенін білдік. Ол тергеу органдарынан әдейі жасырынып жүрген. Кеше ұсталды, жауап алынды", — деп хабарлады жергілікті полиция қызметі іздеу бөлімінің басшысы Ерік Насырбеков.
Жүргізуші Алматы қаласы Алатау ауданының 1975 жылы туған тұрғыны. Қазір тергеу жүргізіліп, бұлтартпау шарасын таңдау мәселесі қаралуда.
