Өңірлер

Атырау облысының әкімі: мен ешкімді алдаған жоқпын

© Ак ЖайыкАтыраудағы митинг
Атыраудағы митинг - Sputnik Қазақстан
Жазылу
Атырауда өткен жылы сәуірде жерді сатуға және жалға беруге қарсы халық митингке шыққан еді

АСТАНА, 20 қазан – Sputnik, Айымгүл Әбіл. Атырау облысының әкімі Нұрлан Ноғаев баспасөз мәслихатында БАҚ өкілдерінің сұрағына жауап бере отырып, жер мәселесі бойынша өткен жылы Атырауда митингке шыққан халықты алдамағанын, өз сөзінде тұрғанын айтты, деп хабарлайды Sputnik Қазақстан тілшісі.

"Cіз жер митингісіне қатысқандардың алдына шыққан кезде белсенділер қудаланбайды деп айтқан едіңіз. Бірақ біз білетіндей, екеуі Макс Боқаев пен Талғат Аян сотталды. Сіз саналы түрде оларды алдадыңыз ба, әлде шын мәнінде белсенділерді жазалауға болмайды деп санайсыз ба?", — деп сұрақ қойды журналистердің бірі Атырау облысы әкімінің баспасөз мәслихатында. 

"Мен ешкімді алдаған жоқпын деп есептеймін. Мен митинг қорытындысы бойынша ешкім қудаланбайды деп айттым. Солай болды. Оларды (Макс Боқаев пен Талғат Аян – ред.) өзге істер бойынша жауапқа тартты. Тоқтар Төлешовқа қатысты іс бойынша, мұның барлығы бұқаралық ақпарат құралдарында айтылып, жазылды. Атырауда 24 сәуірде болған митинг қорытындысы бойынша ешқандай санкциялар қолданылған жоқ", — деп жауап берді Ноғаев.

ҚР Парламенті - Sputnik Қазақстан
Саясат
Жер дауынан кейін әзірленген заң жобасы парламентке түсті

"Мен ешкімді алдаған жоқпын, өз сөзімде тұрдым", — деп тағы қайталап айтты әкім. 

Ол қазіргі уақытта өңірде бәрі тыныш екенін айтты. 

"Жер мәселесі ылғи өткір тұрады. Өйткені қазақтар өз болашағын жермен байланыстырады, жер негізгі қор болып табылады. Елімізде, облыста жер ауыл шаруашылығы өнімдерін алуға пайдаланылады. Мен өз баяндамамда өзге облыстармен салыстырғанда біздің жер аса құнарлы болмаса да, атыраулықтар жерді өңдейді, алдағы уақытта егін салатын жерлерді кеңейтуге мүмкіндік бар екенін айттым", — деп қосты облыс басшысы.

Қалам - Sputnik Қазақстан
Саясат
Елбасы жер реформасына мораторийді ұзарту туралы заңға қол қойды

Еске сала кетсек, былтыр елімізде жер дауы туындап, халық біраз дүрліккен болатын. Ел азаматтары жер кодексіне енгізілген бірнеше өзгеріске, атап айтқанда ауылшаруашылығы мақсатындағы жерді қазақстандықтарға сату және шетелдіктерге жалға беру мерзімін ұзартуға қарсылық танытып, бірнеше өңірде шеру де өтті. Осыдан кейін президент жер кодексіндегі бұл өзгерістердің күшіне енуіне мораторий жариялап, жер реформасы жөніндегі комиссия құруды тапсырды. Үкімет басшысы Бақытжан Сағынтаев, кейін оның орынбасары, ауыл шаруашылығы министрі Асқар Мырзахметов төрағалық еткен, құрамына жетпістен астам адам кірген комиссия жаз бойы жұмыс істеді. Оның жұмысының қорытындысы бойынша маңызды ұсыныстар әзірленіп, заң жобасы әзірленді. 

Комиссияның ұсынысы бойынша Қазақстан президенті қолданыстағы мораторийдің мерзімін 5 жылға, яғни 2021 жылдың 31 желтоқсанына дейін ұзартты.

Жаңалықтар
0