Өңірлер

Көкшетауда судьяны өлтірген қаныпезер өмір бойына сотталды

© Sputnik / Илья Питалев / Медиабанкке өтуСотталушы
Сотталушы - Sputnik Қазақстан
Жазылу
Алқабилер соты ер адамды төрт қылмыстық бап бойынша айыпты деп таныған

АСТАНА, 14 қараша — Sputnik. Ақмола облысы қылмыстық істер бойынша сот коллегиясының бұрынғы төрайымын өлтірген қылмыскер өмір бойына сотталды, деп хабарлайды Sputnik Қазақстан тілшісі облыстық қылмыстық істер бойынша мамандандырылған ауданаралық сот залынан.

Еске алу - Sputnik Қазақстан
Өңірлер
Қаскөйдің қолынан мерт болған судья Алматыда жерленді

Бастапқы тергеу органдары Медет Әбдірахмановты Ақмола облыстық соты қылмыстық істер бойынша сот коллегиясының бұрынғы төрайымы Жанна Бердіғұловаға қатысты ҚР ҚК 120-бабы 2-бөлігі 10-пункті (өлтіру қатерін төндіріп зорлау), 99-бабы 2-бөлігі 10-пункті (Басқа қылмысты жасыру үшін кісі өлтіру), 188-бабы 1-бөлігі (Ұрлық, біреудің мүлкін тонау), 384-бабы 3-бөлігі (Ресми құжаттарды тонау) бойынша қылмыстар жасағаны үшін айыптады. Бұл қылмыстық іс алқабилердің қатысуымен қаралды.

Алқабилер Әбдірахмановты айыпты деп үкім шығарды. Сот отырысына қатысушылардың қорытындысына сүйене отырып, судья сотталушыны өмір бойына бас бостандығынан айырып, мүлкін тәркіледі. Сотталған азамат өлтірілген судьяның туған-туыстарына моральдық шығын ретінде 10 миллион теңге төлеуге міндеттелді.

Қамауға алу - Sputnik Қазақстан
Оқиға
Көкшетаудағы судья өліміне қатысы бар күдікті бұрын сотталған болып шықты

46 жастағы Жанна Бердіғұлова 12 маусымда өлтірілген. Әйел адам туған қаласы Алматыда жаңа лауазымға ие болып, көшкелі жүрген болатын. Тергеу материалы бойынша, Көкшетау қаласының 33 жастағы тұрғыны жиһаз сату туралы хабарландыру арқылы келіп, оны өлтірмек болған. Қылмыскер әйел адамды буындырып, жеке мүлкі мен судьяның қызметтік куәлігін ұрлап кетті.

Әдірахманов үш рет сотталған, оның ішінде адам өлтіргені үшін 14 жыл түрмеде отырған.

Жаңалықтар
0