Өңірлер

"АрселорМиттал" ереуілдеген шахтерлердің жағдайы туралы ақпарат таратты

© AP Photo / David GoldmanШахтер
Шахтер - Sputnik Қазақстан
Жазылу
Қарағандыда жалақыны көтеруді талап етіп жатқан кеншілермен келіссөздер жүргізілуде

АСТАНА, 12 желтоқсан — Sputnik. Ереуілдеген шахтерлер ыстық тамақпен қамтамасыз етілді, оқиға орнында реанимациялық-көшпелі топ кезекшілік жасап жатыр, деп хабарлады "АрселорМиттал Теміртау" АҚ баспасөз қызметі. 

Компанияның мәліметінше, келісу комиссиясы жұмысты жалғастыруда.  

Кенші - Sputnik Қазақстан
Өңірлер
Қарағандыда жер астынан шықпай отырған шахтерлердің саны 700-ге жуықтайды
"АрселорМиттал Теміртау" АҚ әкімшілігі шахталардағы кеншілерді ыстық тамақпен, құрғақ шұлғаумен және шаммен қамтамасыз етуде. Кәсіпорынның денсаулық сақтау орындары тәулік бойы жұмыс істеп жатыр, реанимациялық-көшпелі топ кезекшілік жасауда. Шахтерлер дәрігерлердің көмегіне жүгінген жоқ", — деп жазылған хабарламада.

Компания шахталардың ауысым басшылары әр екі сағат сайын "Көмiр" әскерилендірілген апаттық құтқару қызметі мен өздерінің басшыларына істің мән-жайын хабарлап отырғанын атап өтті.  

Дүйсенбі, 11 желтоқсан күні "АрселорМиттал Теміртау" АҚ көмір департаментіне қарасты төрт шахтаның жұмысшылары ауысым аяқталғаннан кейін жұмыс орнынан кетуден бас тартты. ҚР Еңбек және әлеуметтік қорғау министрі Тамара Дүйсенова жалақыны көтеруді талап етіп ереуілге шыққан кеншілердің саны 600-ден асатынын хабарлады.  


Жаңалықтар
0