Өңірлер

Моңғолиядан келген қазақ полицейлерге көмектесемін деп сотталып кетті

© Sputnik / Алексей Вовк / Медиабанкке өтуҚұқық қорғау органдарының қызметкерлері кісенді шешіп жатыр, архивтегі фото
Құқық қорғау органдарының қызметкерлері кісенді шешіп жатыр, архивтегі фото - Sputnik Қазақстан
Жазылу
Ержан Асан сотта айыбын ішінара мойындаған, туыстарының үйінде тентек судан кішкене ұрттағанын да айтқан

АСТАНА, 2 ақпан — Sputnik. Моңғолиядан келген қазақ жігіті жол жиегінде тұрған тәртіп сақшыларына көмектесемін деп басы бәлеге қалды. Ол  билік өкіліне күш қолданғаны үшін бес жылға бас бостандығынан айырылды, деп хабарлады "Тілші".  

 Күйеуі үшін шыр-пыр болған Айжан Аймағанбетова Ақтөбедегі "бесінші" түрменің маңында бар жайтты қысқаша баяндап берді. 

Трактор, архивтегі фото - Sputnik Қазақстан
Өңірлер
Қытайда тұрған қандасымыз Павлодар облысына трактормен көшіп келді
"Мен ауылдан келдім. Балаларымды тастап, әділдік іздеп бармаған жерім жоқ. Сот үкімі шықты. Күйеуім сотталып кетті. Бірақ, апелляциялық шағым түсірдік. Не боларын бір құдайдың өзі көрсетер", — деп терең күрсінген Айжан Аймағанбетова.

Өткен жылдың қазан айында жолдасы Ержан Асан түс қайта Ырғыз ауданы аумағында Құмтоғай — Қарақұдық ауылдары арасында көлігімен келе жатады.

"Жол шетінде көлік тұрады. Қасына жақындап барып тоқтайды да, олардың неге тұрғандарын, қажет болса көмек көрсетуге әзір екенін жеткізген. Сөйтсе, жол бойында тұрғандар тәртіп сақшылары екен. Ұрттап алыпсың деп жолдасыма тиісе кеткен. Елсіз жерде жеке автокөліктерімен жүрген екеудің полиция қызметкері екеніне күдіктенген Ержан қызметтік куәліктерін сұрайды", — деп әңгімеледі Айжан.

Алайда, екеуі де құжаттарын көрсетуге асықпаған сыңайлы. Күдіктенген Ержан Асан көлігіне отырып, орнынан қозғала бергенде, жол шетінде тұрған жігіттердің бірі капотқа мініп алса керек.

Ауыл - Sputnik Қазақстан
Өңірлер
Оңтүстік Қазақстанда жүздеген оралман картада жоқ ауылда тұрып жатыр
"Ержанды ол көліктен күштеп шығармақ болады. Терезені сындырады. Салонда екі жастағы баламыз бар еді. Айқай шуды көріп, зәресі ұшып жылаған. Сонда күйеуім дереу баланы құшақтап алады. Көлік өздігімен қозғалып кете береді. Осылайша авто орнынан қозғалып барып, жолдан түсіп барып тоқтаған", — дейді келіншек.

Сотталушы тараптың айтуынша, екі тәртіп сақшысы да оқиға орнында куәліктерін көрсеткендерін дәлелдей алмапты.

"Егер құжаттарын көрсете қойғанда мұндай келеңсіз жағдай болмас па еді", — дейді еңсесі түскен келіншек.

Ал сот материалдарына сүйенсек, Сарин мен Төлебаев есімді тәртіп сақшылары жұмыс бабымен бір ауылға барған. Алайда ұялы байланыс болмаған соң, жол жаққа келіп, полиция бөлімімен хабарласқан. Бір кезде қастарына Опель Омега көлігі келіп тоқтайды. Жүргізушісі ішкілік ішті деген күдікке ілінген.

"Полиция қызметкерлері Ержан Асанның мас күйінде автокөлік басқарып келе жатқанын байқап, құжаттарын сұраған. Ержан құжаттарының автокөлік ішінде екенін айтып, көлігіне отырып, оталдыра бастайды. Полиция қызметкерлерінің "көліктен түс" дегеніне қарамастан, жүріп кетеді. Тәртіп сақшысы Төлебаев машинаның алдыңғы капотына жармасып тоқтатуға тырысқанына қарамастан, жүргізуші көлікті тоқтатпаған", — делінген сот материалында.

Бала - Sputnik Қазақстан
Өңірлер
Полицейлер он жасар баланы көлікке отырғызып, алып кеткені үшін кешірім сұрады
Іс құжаттарына сүйенсек, көлік жолдың жиегіне жылжи берген. Полицей жігіт жүргізуші жағындағы терезені шынтағымен сындырып, көлікті тоқтатып алған, осылайша, Ержан Асан билік өкіліне қатысты күш қолданды деп айыпталады.

Ержан Асанның өзі сотта айыбын ішінара мойындайды. Туыстарының үйін жағалап жүріп, қайтарда тентек судан кішкене ұрттағанын да айтқан. Қасында екі жастағы қызы болған.

"Көлігіммен кетіп бара жатып, жол жиегінде тұрған адамдардың қасына тоқтағаным рас. Бар ойым, көмек керек болса, қол ұшын созып жіберейін дегенмін. Көліктері бұзылып тұр деп ойладым", — деген сотта Ержан Асан.

Бүгінде оның қорғаушылары сот үкіміне қатысты апелляциялық шағым түсірді.

Ержан Асан Моңғолиядан көшіп келген, бүгінде бес баласы бар.


Жаңалықтар
0