АСТАНА, 18 ақпан — Sputnik. "Шапағат" деструктивті діни ағымдардан жапа шеккендерге көмек көрсету орталығының теологы, дінтану магистрі Серікжан Еншібайұлы "Атырау" газетіне берген сұхбатында адасқан жігіттің тағдыры жөнінде кеңінен айтып берді.
Серікжан Еншібайұлы түрлі уағыздарға әбден уланған олар, уақыт өте келе мешітке келуді де доғарғанын атап өтті. Себебі, олар мешіт имамдары бидғатшы, яғни, дінге жаңалық енгізушілер деген пікірде болған.
"Осылайша, үйді-үйге жиналып, өзара диалог құру кезінде бұл жігіт бірнеше адамды Сирияға кетуге үгіттеген. Базардың төңірегінде жүріп, біраз ақша жинаған жігіт Сирияға аттанып бара жатқан жерінен ұсталды. Терроризмді насихаттағаны үшін алты жылға бас бостандығынан айырылды. Енді ол дер кезінде теологтарды тыңдамағанына өкінеді. "Бар арманымыз Сирияға аттану болды. Ол кезде баланы да, әке-шешені де, отбасымызды да ойлаған жоқпыз. Сондықтан, Саид Бурятский, Дарын Мүбаров сияқты жалған ұстаздарды тыңдамауға шақырамын" дейді жігіттің өзі. Сол жігіт көп ұзамай бостандыққа шығады. Қазіргі кезде әйел-баласы оны күтіп отыр. Кезінде радикалды бағытта болған жұбайы да бүгінде дәстүрлі мәзһабқа оралды", — деп түйіндеді ол.
