Полиция

Қостанайда баласын мектепке апарған ер адам із-түзсіз жоғалып кетті

42
(Жаңартылды 20:55 19.02.2018)
Қостанай тұрғыны Ербол Кәкімов соңғы рет 15 ақпанда интернетке қосылған

АСТАНА, 19 ақпан — Sputnik. Қостанайда баласын мектепке апарған ер адам жоғалып кетті, деп жазады "Алау" жергілікті басылымы.

"Ол №4 мектеп маңайында жоғалып кетті. Күйеуім ұлымызды мектепке апарып, әрі қарай жұмысқа кетуі керек болатын, арасы бес-ақ минуттық жер. Телефонға жауап бермейді. Мессенджерде жазып едім, жауап жазған жоқ. Ішімдік ішпейді, сол күні ренжіскен жоқпыз, бәрі жақсы болатын", — дейді жары Татьяна Миненко.

Туған-туыстарының сөзіне сүйенсек, Кәкімов қара күрте, көк джинсы, қара бәтеңке киген, қолында қара сөмкесі болыпты. Ер адамның білегінде күйіктен қалған тыртық бар екен.  

35 жастағы Ербол Кәкімов әлеуметтік желіде соңғы рет 15 ақпанда онлайн болған.

42
Кілт сөздер:
із-түзсіз жоғалу, Қостанай
Загрузка...