АСТАНА, 25 сәуір — Sputnik. Алматы облысында полиция Алматы қаласының 21 жастағы тұрғыны Айдар Ибадуллаевты іздестіріп жатыр, ол екі күн бұрын із-түзсіз жоғалып кеткен, деп хабарлайды Sputnik Қазақстан тілшісі.
Іздеу барысында жас жігіттің туыстары Іле ауданы Өтеген батыр ауылын мұқият тексеруді сұрады. Айдар сол ауылда жоғалып кеткен болса керек.
Алматы облысы ішкі істер департаменті баспасөз қызметі Айдар Ибадуллаевтың іздестіріліп жатқаны туралы ақпаратты растады.
Із-түзсіз жоғалып кеткен жігіттің суреті мен сырт келбеті туралы бағыттама Алматы облысы ІІД-нің барлық бөлімшелеріне жіберілген.
Айдар Ибадуллаев, бастапқы мәлімет бойынша, құрылыс материалдарын сатумен айналысатын ЖШС директорының ұлы екен.
