Қарағай. Архивтегі фото

ШҚО-да наурызда жоғалған зейнеткердің денесі орманнан табылды

81
(Жаңартылды 12:36 19.05.2018)
Сараптама қорытындысы көрсеткендей, қарт адам далада үсіп қалған

АСТАНА, 18 мамыр — Sputnik. Шығыс Қазақстан облысындағы Катонқарағай ауылының тұрғыны 78 жасар Александр Фомичев 31 наурыз күні үйінен шығып кетіп, қайтып оралмаған, деп жазды altaynews.kz. 

Ол 26 шақырым жерде орналасқан омартасын көріп келемін деген екен. Бірақ 1 сәуір күні оның сол бойы омартаға жетпегені анықталады. Бесінші сәуірден басталған іздеу жұмыстарына зейнеткердің туыстарымен қатар жергілікті полиция мен ТЖ бойынша департаменттің өкілдері де қатысты. Бірақ ол ұзақ уақыт еш нәтиже бермеді.

Тек 12 мамырда ғана Фомичевтің денесін орман жиегінен полиция капитаны Дәурен Апижанов тауып алады. Сараптама қорытындысы көрсеткендей, қарт адам далада үсіп қалған екен. Ол жолға шыққан күні ауа-райы аса аязды болып тұрған деседі.


81