Қыз бала

Павлодарда тағы бір педофил сотталды

154
(Жаңартылды 16:56 25.05.2018)
19 жастағы педофил қаршадай қызды зорлаған. Енді он жылдан астам түрмеде жазасын өтейді

АСТАНА, 24 мамыр – Sputnik. Павлодар қаласы мамандандырылған ауданаралық қылмыстық сотта кәмелеттік жасқа толмаған қызды зорлаған 19 жастағы тұрғынға үкім шығарылды, деп хабарлайды соттың баспасөз хатшысы Жанна Тергемесова.

Сот ведомствосының мәліметінше, сотталушы екі бап бойынша айыпталған: ҚР ҚК 120-бабы 4-тармағы (Кәмелеттік жасқа толмаған қызды зорлау) және 122-бабы 3-тармағы (Кәмелеттік жасқа толмаған қызды бірнеше рет зорлау). Судья сотталушыны айыпты деп танып, 16 жылға соттады.

Бұдан бөлек, ол жасөспірімнің заңды өкіліне материалдық шығын ретінде 90 мың теңге және моральдық шығын ретінде 500 мың теңге төлейді, сондай-ақ мемлекетке сараптама жүргізгені үшін 180 мың теңгеден астам қаражат төлеуге міндеттелді.

Кәмелеттік жасқа толмағандармен жұмыс істеуге, педагогикалық лауазымды иеленуіне тыйым салынған. 

Сотталған ер адам Павлодар облысының тумасы, орта білімі бар, үйленбеген.

Сот процесі жабық режимде өткендіктен, басқа дерек берілген жоқ. 

"Үкім заңды күшіне әлі енген жоқ", — делінген сот ведомствосының баспасөз хабарламасында.

154
Кілт сөздер:
қылмыстық іс, қызды зорлау, педофил, Павлодар
Оқиға орнында жұмыс істеп жатқан мамандар, архивтегі сурет

Шығыс Қазақстан полицейлері сұмдық оқиғаға қатысы бар күдіктіні шекарада тұтқындады

1213
(Жаңартылды 13:14 09.08.2020)
Күдікті ретінде іздестірілген 59 жастағы ер адам Қазақстан шекарасынан Ресейге автокөлікпен өтіп жатқанда сәтінде тұтқындалды

НҰР-СҰЛТАН, 9 тамыз – Sputnik. Шығыс Қазақстан облысында 40 жастағы әйелдің егіс алқабына көмілген мәйіті табылды, деп хабарлайды Шығыс Қазақстан облыстық полиция басқармасы. 

Посмотреть эту публикацию в Instagram

Публикация от ШҚО Полиция департаменті (@eastkazpolice)

Глубокое ауданының тұрғыны төрт күн бұрын таңертең үйінен жұмысына кетіп, қайтып оралмаған. Оның туыстары полицияға хабар берген соң, полицейлер мен еріктілер дереу іздеуге кіріскен болатын. 

"Глубокое ауданының Белоусовка ауылынан жеті шақырым қашықтағы егіс алқабында топыраққа көмілген әйелдің мәйіті табылды", – делінген хабарламада.

Тәртіп сақшылары жоғалған адамды танитын 59 жастағы ер адамды ұстады. Ол Қазақстан шекарасынан Ресейге автокөлікпен кетіп бара жатқанда сәтінде тұтқындалды.

"Қазіргі кезде күдікті уақытша ұстау изоляторына қамалды", – деді облыстық полиция басқармасы бастығының орынбасары Талғат Шаяхметов.

Оқи отырыңыз: Ақшұқыр ауылындағы қанды оқиғадан кейін 11 адам тұтқындалды

1213
Кілт сөздер:
Шығыс Қазақстан, қанды оқиға
Тақырып бойынша
Танымал қазақстандық ғалым мемлекеттік опасыздық жасағаны үшін тұтқындалды
Жүгіруге шығып, жоғалып кетті: Ақмола облысында 14 жасар қыз іздестірілуде
Шымкентке коронавирус кіргізген адаммен бір автобуста отырған жолаушылар іздестірілуде
Алматы зообағының есепшісі 32 миллион теңгені жымқырғаны үшін тұтқындалды
Сот залындағы кісі өлімі: күзетші салғырттығы үшін сотталды
Дәрігер

Ақтөбеде коронавирус жұқтырған балалар Кавасаки синдромына шалдықты

1125
Синдром белгілері аяқтың ісінуі, көздің қызаруы, диарея, құсу сияқты жағдайлармен байланысты болып келеді

НҰР-СҰЛТАН, 9 тамыз – Sputnik. Ақтөбеде облыстық балалар ауруханасында жатқан 5 және 15 жастағы баладан Кавасаки ауруына ұқсас белгілер анықталды, деп хабарлайды "Диапазон" Ақтөбе облысының денсаулық сақтау басқармасына сілтеме жасап.

"Облыстық балалар ауруханасында жатқан екі балада мультисистемалық қабыну синдромы расталды. 5 және 15 жастағы балалар ауыр жағдайда қабылданған болатын. Қазір олар палатаға ауыстырылды, өмірлеріне ешқандай қауіп жоқ", - деді облыстық денсаулық сақтау басқармасының басшысы Самат Даняров.

Оның айтуынша, 5 балада Кавасаки синдромы болуы мүмкін деген күдікпен ауруханаға түскен. Бұл диагноз үшеуінде расталмады.

"Коронавирус инфекциясы ересектерде тромбоэмболия тудыруы мүмкін, ал балаларда Кавасаки синдромын өршітеді. Ауру дене қызуын көтеріп, әлсіздік пен аяқ-қолда аллергия сияқты бөртпе пайда болады. Жүрек соғысы да жиілей түседі", - деп түсіндірді жұқпалы аурулар жөніндегі бас маман Мейрамбек Құрмангазин.

Оқи отырыңыз: Қытайда соңы өлімге соқтыратын жаңа вирус тарала бастады

Сондай-ақ, ол COVID-19 індетінің алғашқы белгілері сезіле бастағанда-ақ дәрігер кеңесіне жүгіну керектігін айтады.

Бұған дейін Италия, Ұлыбритания және АҚШ-та коронавирус инфекциясы бар балаларда осындай асқынулар тіркелген болатын. Мұндай жағдайда балалардың орта және кіші артериялары зардап шегеді.

Ал осыған ұқсас жағдайлар алғаш рет мамыр айында Еуропа елдерінде тіркелді. Неміс бұқаралық ақпарат құралдарында, атап айтқанда Deutsche Welle басылымы ол туралы жазды.

Маусым айында екі жасар қыз Мәскеуде Кавасаки тәрізді синдромның құрбаны болды, деп хабарлады РИА Новости

Шілде айында америкалық Wall Street Journal АҚШ-та тестілеу нәтижесінде балалардың коронавирус жұқтырған жағдайлары анықталып жатқанын мәлімдеді. Кейбір балаларда COVID-19 жұқтырғаннан кейін денеде қабыну процесі басталады.

Балалардағы синдром белгілері аяқтың ісінуі, көздің қызаруы, диарея, құсу сияқты жағдайлармен байланысты болып келеді.

1125
Кілт сөздер:
коронавирус, вирус, індет
Тақырып:
Коронавирус эпидемиясы
Тақырып бойынша
Ғалымдар коронавирус қандай суда өлетінін анықтады
Ғалымдар коронавирусты емдейтін жаңа қондырғы ойлап тапты
Дәрігер Қазақстанда вирус жұқтырғандар неліктен көбейіп жатқанын айтты
Ғалымдар коронавирус жұқтырғанда кімдер 12 есе жиі көз жұматынын айтты
Тойда 16 қонаққа вирус жұқтырған: Тоғжанов қайғылы жағдайлар туралы айтты