ҚОСТАНАЙ, 15 маусым — Sputnik. Полиция Қостанайда нәрестені жасырын жерлеген ер адамдардың кім екенін анықтады.
Ер адамдар ақ шүберекке оралған сәбиді бейіт басына көміп жатқанда, жолай өтіп бара жатқан әйел көріп қалып, оқиғаны видеоға түсіріп алған.
Қостанай облысы полициясының баспасөз қызметі хабарлағандай, ер адамдардың бірі өлі туған сәбиін бейіт басына жерлепті. Сәбидің өлімін дәрігерлер растады, деп хабарлайды "Наша газета".
Қостанай әкімдігінің айтуынша, бұл қараусыз қалған немесе жабық бейіт емес, себебі жерленгендердің туған-туыстары жиі барып тұрады.
