Бас дәрігер

Шелекте тұрғындардың митингісінен кейін бас дәрігер жұмыстан кетті

60
(Жаңартылды 11:13 13.07.2018)
Атышулы оқиғадан соң бас дәрігер өз еркімен қызметін босатты

АЛМАТЫ, 12 шілде — Sputnik. Шелек ауылы орталық ауруханасының бас дәрігері Жақып Желеуов өз еркімен қызметін босатты, деп хабарлады Sputnik Қазақстан Алматы облысы әкімінің баспасөз қызметіне сілтеме жасап.

"Ол өз еркімен арыз жазды. Ешкім мәжбүрлеген жоқ. Неге бұлай істегенін біз білмейміз", — деп мәлімет берді әкімнің баспасөз қызметі.

Болжам бойынша, оның мұндай қадамға баруына шілде айының басынан бері ауруханада болып жатқан дау-дамай себеп болуы мүмкін. Өйткені медициналық мекемедегі ахуалға көңіл толмайды: көп жылдар бойы жөндеу жүргізілмеген, коммуникациялар әбден ескірген.

Соның салдарынан 2 шілде күні аурухана аумағында үш адам ажал құшты – екі сантехник пен дәрігер. Олар канализациялық құдықты жөндемек болып, газға тұншығып қалған.

Бұл жайт жергілікті тұрғындардың да, медициналық персоналдың да шыдамын тауысып, халық жұмыстан босатылсын деп митингіге шықты. 

Облыс әкімдігі шешім қабылдауға асыға қоймады, оның үстіне бойынша тергеу ісі әлі аяқталмаған. Алайда, Жақып Желеуов жұрттың қысымына шыдай алмаса керек, өз еркімен қызметтен кетті.

Ал Шелек ауруханасын жөндеу мәселесі, шенеуніктердің айтуынша, шешімін тапқан, жақын арада жұмыс басталады.

Алматы облысында ауруханада төтенше жағдай болды: үш адам қаза тапты

60
Кілт сөздер:
митинг, аурухана, Алматы облысы
Тақырып бойынша
Бас санитарлық дәрігер менингитке қатысты мәлімдеме жасады
ШҚО-да сары аурудың таралуына байланысты бас дәрігер қызметінен босатылды
Загрузка...