Зорлық-зомбылық

Автобуста кондуктордың соққысына ұшыраған әйел министрге шағымданды

189
(Жаңартылды 13:28 17.07.2018)
ІІМ мәліметінше, кондуктор мас болған екен

АСТАНА, 16 шілде — Sputnik. Қалалық автобуста кондуктордың соққысына ұшыраған Алматы тұрғыны ішкі істер министрі Қалмұханбет Қасымовқа шағым түсірді.

Әйел адамның арызы Қасымовтың блогында жарияланған — оның айтуынша, маусымның соңында мас кондуктор өзіне қол жұмсап, салдарынан көзі көгеріп, беті ісіп, миы шайқалған екен. Ал жүргізуші араша түсудің орнына үн-түнсіз қарап тұрыпты. Ол Қасымовтан маскүнемдікке бейім, жүйкесі жұқа адамды жұмысқа алған автопаркті жазалауды сұрайды.

Астанада автобустар кондукторсыз жүретін болады

Қасымов берген жауабында хабарлағандай, №16 автобуста жолаушыны ұрып-соғу жайты "Бұзақылық" бабы бойынша тіркелген. Күдікті ер адам ұсталып, одан жауап алынды. Кондуктордың мас болғаны анықталған.

Қасымов айтқандай, бұл іс бойынша заңды процестік шешім қабылданады. Министр тергеудің барысы мен нәтижесі жайлы әйел адамды үнемі хабардар етіп отыруға уәде берді.

Автобуста киімін жыртып алған жолаушы арыз түсірді

189
Кілт сөздер:
арыз, зорлық-зомбылық, кондуктор, автобус, Қалмұханбет Қасымов, Алматы
Архивтегі фото

Қостанайда карантин режимін бұзған жолаушы полицейдің құлағын тістеп алды   

10
(Жаңартылды 15:48 04.08.2020)
Тәртіп сақшыларына қарсылық көрсеткен ер адам полицейді тістеп алған, енді ол айыппұлмен құтыла алмайды. Ер адамға қарсы қылмыстық іс қозғалады

АЛМАТЫ, 4 тамыз – Sputnik. Қостанай облысында екі ер адамға қатысты сотқа дейінгі тергеу жүргізіліп жатыр, оның біреуі полиция қызметкерінің құлағын тістеп алды. Оқиға 3 тамызда Әулиекөл ауылында болған, деп хабарлады alau.kz өңірлік порталы.

"Карантин режимін бұзған ВАЗ-2110 автокөлігінің 33 жастағы жүргізушісі мен жанындағы жолаушыны ұстау кезінде олар табанды қарсылық көрсетті. Ал жолаушы учаскелік полиция инспекторына дене жарақатын салып, құлағын тістеп алды", - деп хабарлады полиция департаменті өзіндік қауіпсіздік басқармасының бастығы Жәнібек Қамзенов.

Ер адамдар Қазақстан Қылмыстық кодексінің 380-бабының 1-бөлігі ("билік өкіліне қатысты күш қолдану") бойынша қылмыстық жауапкершілікке тартылады. 

Егер ұсталғандардың кінәсі дәлелденсе, олар үш жылға дейін бас бостандығынан айырылуы мүмкін.

Оқи отырыңыз: Маска тағудан бас тартқан 22 жастағы алматылық қыз сот алдында жауап береді

Облыстық полиция департаменті кейінгі уақытта полицейлерге қарсылық көрсету жағдайлары жиілеп кеткенін атап өтті. Жыл басынан бері осындай тоғыз дерек тіркелді.   

10
Кілт сөздер:
Қостанай облысы, карантин
Тақырып:
Төтенше жағдай және карантин
Тақырып бойынша
Далада маска тақпағандар айыппұл төлейді – бас санитар дәрігер   
Нұр-Сұлтан тұрғыны далада жүгіргені үшін қамауға алынды
Карантин режимін бұзғандар жауапқа тартылады – Тоғжанов
Түркістан облысында той болып жатқан үйге шақырылмаған "қонақтар" кіріп келді
Ерлан Тұрғымбаев

Министрлік Ақтаудағы жаназаға қатысты тексеріс бастады видео

131
(Жаңартылды 14:08 04.08.2020)
Маңғыстау облысының бас мемлекеттік санитар дәрігердің қаулысы бойынша 3-17 тамыз аралығында қатаң шектеу шаралары енгізілген болатын

НҰР-СҰЛТАН, 4 тамыз – Sputnik. Ішкі істер министрлігі Ақтау қаласында өткен жаназаға қатысты тексеріс бастады. Карантиндік шектеуге қарамастан, Батыс Қазақстан облыстық полиция департаментінің басшысы Мақсұтхан Әбләзімовтің анасын ақтық сапарға шығарып салуға жүздеген адам жиналған болатын, деп хабарлайды Sputnik Қазақстан тілшісі.

Министрлік баспасөз қызметі таратқан мәліметке сәйкес, Маңғыстау облыстық полиция департаменті тиісті шараларды дер кезінде қолға алмады. Соның салдарынан қатаң карантин кезінде тәртіп бұзушылыққа жол берілді. Осыған байланысты министр қызметтік тексеріс өткізуді тапсырды. 

"Ішкі істер министрі Ерлан Тұрғымбаев Ақтау қаласындағы жерлеу рәсіміне адамдардың көптеп жиналуына қатысты қызметтік тергеу шараларын өткізуді тапсырды", - деді ведомствода.

Маңғыстау облысының бас мемлекеттік санитар дәрігердің қаулысы бойынша 3-17 тамыз аралығында қатаң шектеу шаралары енгізілген болатын. Көпшілік шараларын өткізуге де тыйым салынды. Соған қарамастан, Ақтау қаласындағы жаназаға жүздеген адам жиналды. Ал кейбір тұрғындар бас полицей мен санитарды отсатвкаға жіберуді талап етті.   

Бұған дейін желіде Ақтаудағы жаназаның видеосы тараған болатын. Ресми ақпаратқа сәйкес, полиция генерал-майоры, Батыс Қазақстан облыстық полиция департаментінің басшысы Мақсұтхан Әбләзімов пен бизнесмен Бахаридин Әбләзімовтің анасы Бибіжамал Әбләзімова 79 жасында өмірден озды. Жүздеген адам оны жерлеу рәсіміне жиналды. 

Айта кеткен жөн, Бахаридин Әбләзімов Forbes-тің нұсқасы бойынша Қазақстанның ең ықпалды 50 бизнесменінің тізіміне кіреді.

131
Кілт сөздер:
видео, тексеріс, жаназа, Ақтау, Ішкі істер министрлігі
Тақырып бойынша
Жүздеген адам жиылды - Ақтауда болған жағдайдың видеосы тарап кетті
Ақтауда болған жағдайдың видеосы тарады - жұрт нені талап етіп отыр
Мүфтият жаназа мен жерлеу талаптарын жариялады
Ақтауда педофил ұсталды - видео
Шымкентте түсірілген видео жұрттың жағасын ұстатты - полиция түсініктемесі
Жүк көлігі

Жүк көлігі самокат мінген жігітті басып кете жаздады видео

0
Полицейлер жол-көлік апаты бойынша арыз түспегенін айтады. Ал әлеуметтік желі қолданушыларының басым бөлігі самокат мінген жігітті сынап жатыр

НҰР-СҰЛТАН, 4 тамыз – Sputnik. Алматыда самокат мінген жігіт жүк көлігінің бүйіріне соғылып, доңғалақтың астына түсіп кете жаздады, деп хабарлайды Sputnik Қазақстан тілшісі.

Әлеуметтік желіде тараған видеоға қарағанда, жол-көлік оқиғасы Әйтиев пен Гоголь көшелеренің қиылысында болған. Самокат мінген жігіт қатты жылдамдықпен жаяу жүргіншілер жолағымен өтіп кетпекші болған.

Бірақ алдынан жүк көлігі шығып қалды. Осы кезде ол аяғын жерге тіреп, жылдамдықты барынша тежеуге әрекеттенеді. Бірақ тым кеш болды. Самокат мінген жігіт бетімен көліктің шанағына соғылып, бір айналып етбетімен құлады. Бірақ көп ұзамай, тұрып кетті. Ал самокаты көліктің астында қалып қойды. Жүк көлігінің жүргізушісі оны байқаған да жоқ, бұрылып кете берді. 

Посмотреть эту публикацию в Instagram

Публикация от @kris_p_almaty +21 | kz 🇰🇿 (@kris_p_almaty)

Полиция осы жол-көлік апаты бойынша арыз түспегенін хабарлады. Ал әлеуметтік желілерде қолданушылардың басым бөлігі самокат мінген жігітті сынап жатыр. Себебі, жол ережесі бойынша жаяу жүргіншілер жолағынан жаяу өту керек.

"Самокат мінген жігіт тоқтап, түсуі керек. Сөйтіп, жаяу жүргіншілер жолағынан өтуі тиіс еді. Жалпы, самокат пен велосипед мінгендер жолда абай болыңдар! Жол жүру ережесі қанмен жазылған, бұл жолы сәттілік серік болды. Осыдан ой түю керек", – дейді желі қолданушыларының бірі.

Оқи отырыңыз: Батыс Қазақстанда жеті жүк көлігі соқтығысып қалды – видео

0
Кілт сөздер:
Алматы, оқиғалар
Тақырып бойынша
Нұр-Сұлтанда жүк көлігі мен микроавтобус соқтығысты: 11 адам зардап шекті  
Алматыда жүк көлігі қарт кісіні қағып, 300 метрге сүйреп әкетті - фото
Made in Russia: Ресейдің жүк көлігі Қазақстан нарығын қалай жаулап алды
Жүк көлігі бораннан қорықпайтын жүргізушілердің жолын бөгеді
Тежегіші істен шыққан: Алматыда жүк көлігі алты автокөлікті соғып кетті