Жедел жәрдем, архивтегі фото

Алматыда "көлік қаққан" баланы әкесі таспен ұрған болып шықты

167
(Жаңартылды 14:41 03.08.2018)
Қатыгез әке де, тергеушілерді шатастырған куәгер келіншек те сот алдында жауап бермек

АСТАНА, 2 тамыз – Sputnik. Алматыда Шығыс айналма жолының бойында шала-жансар күйде кілемге ораулы жатқан жерінен табылған баланы көлік қақпаған! Туған әкесі соңынан еріп шыққан ұлын өзі таспен басынан ұрыпты, деп хабарлады КТК. 

Мұрат Асқароглы сол сәтте мас болғандықтан, аяғына оратылған баласы мазасын алғанын айтуда. Адам жоқ қуыста өз ұлын ұрып жығып, сасқанынан автобусқа отырып кетіп қалған. Ал 4 жасар Мұхаммед қара түсті көлік қақты деген келіншек те тергеушілерге өтірік ақпарат бергенін мойындады.  

Жоқ жүргізушіні осы уақытқа дейін іздеп таппаған полиция бар отбасынан сезіктене бастапты. Ақыры бейне жазбаларды қайта қарап, онда әкесі баласын жетектеп,  бара жатқан кадрларды байқаған. Сөйтіп сәби табылған жердегі шөпті шауып, қылмыс құралы – қанға боялған тасты да тауыпты.  Дәрігерлер де бүлдіршіннің жарақаттары да жол апатынан болмаған деген тоқтамға келіпті. Қазір әкесі жыларман боп бүкіл елден кешірім сұрап отыр. Бірақ қатыгез әке де, тергеушілерді шатастырған куәгер келіншек те сот алдында жауап бермек.


167
Кілт сөздер:
полиция, тергеу, көлік апаты, Алматы
Тақырып бойынша
Алматыда сауда орталығы алдында бес көлік соқтығысты
Жаңаөзенде баласын балконға шығарып ұрған келіншек өз әрекетін түсіндірді
Құлағынан бұрап, басынан ұрған: мұғалім оқушыға қол көтергені үшін айыпталды
Жасөспірімді соққыға жыққан экс-әкімге қатысты сот шешімі шықты
Астанада мас әкесі соққыға жыққан қыз ауруханаға түсті
Сәбиді соққыға жыққан әйел Өзбекстан азаматшасы болып шықты
Загрузка...