Зорлық-зомбылық

Алматыда жұмыстан кеш шыққан қызды пышақтап кетті: қаныпезер әлі бостандықта жүр

621
(Жаңартылды 10:42 11.09.2018)
Арнайы жедел тергеу тобы Алматы тұрғынына пышақпен шабуыл жасаған бұзақыны іздеп жатыр

АЛМАТЫ, 10 қыркүйек — Sputnik. Алматы қаласы Медеу АІІБ полицейлері 4 қыркүйек күні түнде "Думан-2" шағын ауданында тұратын қызға шабуыл жасаған ер адамды іздеп жатыр.

Оқиға жайында Facebook-те Байтақ Тұрсынбаев есімді қолданушы жазған.

Ер адамның сөзіне сүйенсек, Әйгерім Мақашева жұмыстан кейін үйіне жеткізіп салған көліктен шығып, подъезге жақындай бергенде, белгісіз біреу шабуыл жасапты.

"… бір маньяк шабуыл жасаған (айтарға сөзім жоқ) еш себепсіз 12 рет пышақ салған!!! Қыздың алты-артынан сұғып алған, оның бесеуін арқасынан салған!!!. Әйгерім бар күш-жігерін жинап, жарақатын қолымен басып, үйіне жетіп, табалдырыққа келіп құлаған. Қазір ауруханада, жағдайы бір қалыпты, дегенмен әл үстінде жатыр, үш операция жасалды", — деп жазды Байтақ Тұрсынбаев.

Автордың жазуынша, аудандық полиция қылмыскерді ұстау үшін еш әрекет етпей отыр екен.

"Алматы қаласының ІІД!!! Неге қылмыскерді әлі іздемей жатыр?", — деп жазады наразы ер адам.

Қала полициясы хабарлағандай, қызға шабуыл жасаған бұзақыны іздеуге полицияның аудандық басқармасының бар күші жұмсалып жатыр, тіпті арнайы жедел іздеу тобы құрылған.

"Қазір жедел, іздеу және тергеу шаралар кешені атқарылып жатыр. Шабуылдан зардап шеккен қыз бір пышақ жарақатын алған. Емдеуші дәрігерден рұқсат алған бойда жауап алынды. Бұл дерек бойынша Медеу ауданды ІІБ жанындағы полиция  бөлімі сотқа дейінгі тергеу жүргізіп жатыр ", — деп хабарлады қалалық полиция басқармасы.

Әзірше жасалған қылмыс ҚР ҚК 107-бабы бойынша — "Адам денсаулығына қасақана ауырлығы орташа зиян тигізу" – қаралып жатыр. Алайда кейінірек бұдан да күрделірек бапқа ауыстырылуы әбден мүмкін.

621
Тақырып бойынша
Қостанай облысының тұрғыны өзін-өзі пышақтап тастады
Дін қызметкері өзен жағасында оқушы қызды зорлады
Қазақстанның батысында биыл мектеп бітірген қызды өлтіріп кетті
Алматыда автобустан түсіп бара жатқан қызды көлік қағып кетті
ОҚО-да қырыққабат сатушы қызды кімдер ұрлап кеткені белгілі болды
Қостанайда Дарья Махартованы өлтірді деген күдікті ұсталды
Ребенок у окна, архивное фото

Шипажайда баланы сүлгімен ұрған тәрбиеші қылмыстық жазаға тартылмайтын болды

31
Ақтөбе қаласының Алматы аудандық полиция бөлімі жүргізген сотқа дейінгі тергеу екі жақтың татуласуымен аяқталды, қылмыстық іс тоқтатылды

АЛМАТЫ, 28 қыркүйек – Sputnik. Ақтөбеде баланы сүлгімен ұрған тәрбиешіге қатысты қылмыстық іс тоқтатылды, деп хабарлады өңірлік "Мой Город" басылымы.

2020 жылдың наурызында Ақтөбе облысындағы "Шағала" шипажайының 58 жастағы тәрбиешісі баланы сүлгімен ұрып-соққаны жария болған еді. Сол жердегі баланың бірі оқиғаны видеоға түсіріп алған, ал оны ата-анасы әлеуметтік желіде жариялады. Бұл шипажайда туберкулезбен ауыратын балалар оңалтудан өтеді.

Видеода балалардың еденде отырғанын, ал ақ халат киген әйелдің бір баланы сүлгімен ұрғанын көруге болады. Бала жыласа да, әйел оны бірнеше рет ұрған. Басқа балалар да "бізді аяқ киіммен де ұрады" дейді.  

Видео жарияланғаннан кейін шипажайға полиция мен прокуратура қызметкерлері барған. Аталған факті бойынша Қылмыстық кодекстің 140-бабы 2-бөлігі бойынша сотқа дейінгі тергеу басталып, сараптама тағайындалды.

Оқи отырыңыз: Алматы облысында балабақшадағы видеодан кейін тәрбиеші хабарсыз кетті 

Тергеу барысында тәрбиешінің 20 жылдық жұмыс өтілі бар екені белгілі болды. Оның айтуынша, бала тәрбиешіге тіл тигізген. Содан ашуланып, сүлгімен сабай бастаған.

Ақтөбе қаласының Алматы аудандық полиция бөлімі жүргізген сотқа дейінгі тергеу екі жақтың татуласуымен аяқталды, қылмыстық іс тоқтатылды.

Ал шипажайдың хабарлауынша, баланы ұрған тәрбиеші мен сол жерде әйелді тоқтатпаған екінші тәрбиеші Еңбек кодексінің 52-бабы 14-бөлігі бойынша жұмыстан босатылған.

31
Кілт сөздер:
қылмыстық іс, тәрбиеші
Тақырып бойынша
Түркістан облысы лагеріндегі шу: оқиғаның неден басталғаны белгілі болды
"Аюға намаз үйреткен таяқ": тәрбиеші әріп білмеген бүлдіршінді ұрып-соқты – видео
Студент тәрбиешінің балаларды ұрып жатқанын видеоға түсіріп алды
Атырауда тәрбиешінің бүлдіршінді сабап жатқан сәті видеоға түсіп қалды
Балабақшада балалар кішкентай қызды жабылып соққыға жықты – видео
Елбасы Түркістан қаласын одан әрі дамыту жоспарымен танысты

Түркістанда түрлі форумдар мен спорт шараларын өткізіп тұру қажет Назарбаев

29
Түркістан қаласының жаңа нысандары бүкіл Қазақстан мен әлемнен турист тартатын, тұрғындардың назарын аударатын көрнекті орынға айналады, деп атап өтті Қазақстанның тұңғыш президенті

НҰР-СҰЛТАН, 28 қыркүйек – Sputnik. Елбасы Нұрсұлтан НазарбаевТүркістан қаласын одан әрі дамыту жоспарымен танысты, деп хабарлады Ақорда.

Нұрсұлтан Назарбаевқа "Керуен-сарай" кешені таныстырылып, "Әзірет Сұлтан" қорық-мұражайы аумағындағы археологиялық зерттеулердің нәтижелері туралы мәлімет берілді. Сондай-ақ Елбасыға осы жылдың тамыз айында Қазақстан президенті Қасым-Жомарт Тоқаевтың хаттамалық тапсырмаларын орындау аясында жүзеге асып жатқан басқа да жобалар туралы баяндалды.

Елбасы туристік және қала инфрақұрылымы құрылысының қарқыны жоғары екенін атап өтті.

Нұрсұлтан Назарбаев өзінің 2018 жылы қабылдаған Түркістанды қайта түлету туралы шешіміне Қазақстан халқы қолдау білдіргенін айтты.

"Бүгін біз Түркістанның жаңа нысандарымен таныстық. Олар бүкіл Қазақстан мен әлемнен турист тартатын, тұрғындардың назарын аударатын көрнекті орынға айналады. Түркістанның ауқымды құрылысы тұтас өңірдің экономикалық дамуына зор септігін тигізіп отыр", – деді Қазақстанның тұңғыш президенті.

Нұрсұлтан Назарбаев қаланың орналасқан жері, түркі әлемінің маңызды рухани орталықтарының бірі ретіндегі оның мәртебесі болашақта Орталық Азия елдерінің интеграциясына қызмет ететінін атап өтті.

"Түркістанда Түркітілдес елдердің саммитін өткізуді жоспарлаған болатынбыз. Әлемдегі күрделі ахуалға байланысты ол кейінге шегерілді. Егер бәрі ойдағыдай болса, оны Наурыз мерекесіне қарай өткіземіз деп ойлаймын", – деді Елбасы.

Сондай-ақ шара барысында туристік инфрақұрылым қалыптастыруды және көлік-логистикалық жобаларды іске асыруды жалғастыру қажеттігі аталып өтті.

Түркістан қаласында жаңа әуежай іске қосылды: рәсімге Елбасы қатысты 

Елбасы Түркістан қаласының тұрғындары мен қонақтары үшін жайлы жағдай жасаудың маңыздылығына да тоқталды.

"Қала өсіп, халқының саны да арта түсетініне сенімдімін. Мұнда түрлі форумдар мен жастар жиындарын, спорт шараларын өткізіп тұру қажет. Осылайша, біз қаланы көпшілікке таныстырып, көрсетуіміз керек. Түркістанды қайта түлетудің біздің халқымыз үшін маңызы зор", – деді Қазақстанның тұңғыш президенті.

Нұрсұлтан Назарбаев қала мен өңірдің одан әрі өсіп-өркендей беретініне сенім білдірді.

Соңында Елбасы БАҚ өкілдеріне арналған брифинг өткізіп, "Қазақстанның рухани астанасының" жаңа "Визит-орталығында" орналасқан музейді аралады.

29
Кілт сөздер:
Түркістан, Назарбаев, форум
Тақырып бойынша
Назарбаев пен Мирзиёев Сарыағашта өзекті мәселелерді талқылады
Мен көрген қиындықты ешкімнің басына салмасын – Түркістан әкімі 
Назарбаевтың ұсынысы: наурызда тағы бір мереке пайда болуы мүмкін
Назарбаев Маңғыстау облысына не үшін барды?
Нұрсұлтан Назарбаев Түркістан қаласына барды
Назарбаев: Тәуелсіздік алғаннан соң Түркістанды астана ретінде қарастырдым