Кісен салынған адам, архивтегі фото

Қордай ауылын үрейде ұстаған қанды қол қылмыскерлер ұсталды

657
Қарақшылық шабуыл салдарынан ауыл тұрғыны көз жұмды, күдіктілер қылмыс жасағанын мойындады

АСТАНА, 13 қыркүйек – Sputnik. Жамбыл облысының Қордай ауданында қарақшылық шабуыл жасады деген күдікпен 3 адам ұсталды. Бұл туралы ішкі істер департаментінің басшысы, полиция полковнигі Арман Оразалиев брифинг кезінде мәлімдеді.  

Оның айтуынша, полиция қызметкерлері ауқымды жедел-іздестіру іс-шаралары барысында қылмысқа қатысы бар үш адамды ұстаған. Олардың екеуі бұрын сотты болған Қордай ауданының тұрғыны болса, біреуі Алматы қаласының тұрғыны. Соңғы жарты жылда барлығы Алматыда тұрғаны анықталды, деп жазды ZhambylNews.

Күдіктілер "Хонда City" маркалы автокөлікпен жүрген. Ұсталғандардан заттай айғақтар (қобдиша, жапа шеккендердің банкомат карточкалары, мобильдік байланысты төлеу карточкалары) табылған. Олар қылмыс жасағанын мойындаған.  

Еске сала кетейік, осы жылдың 20 шілдесінде шамамен кешкі сағат тоғыз жарымның кезінде Қордай ауылында қарақшылық шабуыл жасалды. 1950 жылы туған В.И.Бойконың үйіне бет перде киген екі адам басып кіріп, үй иесі мен әйелі Л.И.Милидиді ұрып-соғып, байлап, 100 мың теңге, 500 еуро және екі "Халық банкінің"  карточкасын қолды еткен. Алған ауыр жарақатының салдарынан В. Бойко 4 тамызда Бішкек қаласындағы "Меди ЛТД" жеке клиникасында көз жұмды.

 

Сонымен қатар, қылмыс болған түні шамамен сағат 03:30-да бет перде киген екі адам Уалиханов көшесінде тұратын Н.Н.Ничипуренконың үйінің терезесін бұзып, ішке енген.

Қылмыскерлер үй иесінің 100 мың теңгесін, алтын бұйымдары мен "Халық банкі" карточкасын алып кеткен.


657
Кілт сөздер:
қарақшылық шабуыл, күдікті, Жамбыл облысы
Тақырып бойынша
Шымкентте ер адам кішкентай балаға шабуыл жасады
Қарағанды облысында Швейцария азаматшаларына шабуыл жасалды
Ақша айырбастау пунктіне жасалған қарақшылық шабуыл видеоға түсіп қалды
Kaspi Талғардағы бөлімшеге жасалған қарақшылық шабуылдың видеосын жариялады
Талдықорғанда букмекерлік кеңсеге қарақшылық шабуыл жасады деген күдікпен екі адам ұсталды
Пәтер кілті

Пневмониядан қайтыс болған ауыл имамының ұлына баспана кілті табыс етілді

281
(Жаңартылды 17:52 27.09.2020)
Тұрғын үй Түркістан облысының имамдары мен облыстық "Зекет" қорының өкілдігі және ерікті жамағаттың қолдауымен салынды

НҰР-СҰЛТАН, 27 қыркүйек – Sputnik. Қазақстан мұсылмандары діни басқармасының төрағасы, бас мүфти Наурызбай қажы Тағанұлы Түркістан облысына жасаған сапары аясында Сайрам ауданының Арыс ауылындағы мешітте имамдық қызмет еткен марқұм Мәдікәрім Құрбанбаевтың балаларына мүфтият салып берген баспананың кілтін табыс етті.

Мүфтияттың баспасөз қызметінің хабарлауынша, көп жылдан бері дін жолында қызмет етіп, Исламды насихаттап, түрлі игі шаралардың басы-қасында жүрген Мәдікәрім Құрбанбаев пневмония кеселіне шалдығып, қайтыс болған. Артынша өмірлік жан жары да осы жаман індеттен көз жұмған.

"Өте қиын сәтте рухани һәм материалдық тұрғыдан қолдау мақсатында бас мүфти Наурызбай қажы Тағанұлы "Ел үлесі – пәтерге" акциясының аясында асар әдісімен салынған 5 бөлмелі үйді марқұмның артында қалған ұлы Абдулбасидке табыс етті", – делінген хабарламада.

Айта кетейік, тұрғын үй Түркістан облысының имамдары мен облыстық "Зекет" қорының өкілдігі және ерікті жамағаттың қолдауымен салынды.

Оқи отырыңыз: 2021 жылы салымшылар зейнетақы жинағының бір бөлігін баспана сатып алуға пайдалана алады

281
Тақырып бойынша
Баспана алуға арналған бағдарламалар: мамандар жиі қайталанатын қателікті атады
Алматылық жастар үшін баспана алу шарты жеңілдеді
Зейнетақы жинағына баспана алу шарттары белгілі болды
"5-10-20" және "7-20-25" бағдарламалары бойынша қалай баспана алуға болады
Мемлекет арендалық баспана ақысын қалай төлейді?
әйел

Өскеменде қолына баласын ұстаған тыр жалаңаш әйел көшеде шу шығарды

3813
Көшедегі көліктердің жанында айғай-шу шығарып жүрген тыр жалаңаш әйелдің қолында алты айлық баласы болған

НҰР-СҰЛТАН, 27 қыркүйек — Sputnik. Өскемен тұрғындары қолына кішкентай нәрестесін ұстап көшеде жүрген әйелді видеоға түсіріп алған. Әйелдің өзі де, баласы да тыр жалаңаш, деп жазады YK-news.kz. Ал далада ауа температурасы он градус қана.

Видеодан тыр жалаңаш әйелдің көшеде бағдаршамға тоқтаған көліктердің жанында жүргенін көруге болады. Басылымның хабарлауынша, жүргізушілердің бірі оны көлігіне отырғызады, бірақ әйел айғайлап, адамдарды көмекке шақыра бастайды. Біршама уақыттан кейін оқиға орнына полицейлер келеді.

Шығыс Қазақстан облысы полиция департаментінің мәліметіне сүйенсек, видеодағы әйел 33 жаста, ал қолындағы баласы алты айлық қана екен.

"Әйел арнайы медициналық мекемеге жеткізілді, ол жерде дәрігерлер оған не болғанын анықтайды", - деп хабарлады полиция.

Ал сәби ана мен бала орталығына жеткізілді, оның өміріне ешқандай қауіп төніп тұрған жоқ, деді тәртіп сақшылары.

3813
Кілт сөздер:
видео
Түнгі клуб

Нұр-Сұлтанда түнгі клуб әкімшісі қамауға алынды

0
Бұған дейін 25 жастағы бойжеткенге заң бұзғаны үшін ескерту жасалып, тіпті жауапкершілікке де тартылған

НҰР-СҰЛТАН, 27 қыркүйек – Sputnik. Елордада карантиндік шараларды бірнеше рет бұзғаны үшін 25 жастағы түнгі клуб әкімшісі бір тәулікке қамауға алынды. Полицейлердің хабарлауынша, тыйым салынғанына қарамастан 30-ға жуық азамат клубта бас қосып, ереже бұзғаны анықталған.

Ал түнгі клубтың әкімшісі бұған дейін де Әкімшілік кодексті бұзғаны үшін жауапкершілікке тартылған. Соған қарамастан, аталған клубта сауық кеші ұйымдастырылған.

Осы жағдайға байланысты тиісті материалдар жиналып, сотқа жолданған. Сот үкімімен бойжеткен бір тәулікке қамауға алынды.

Сонымен қатар, карантинді бірнеше рет бұзғаны үшін Әкімшілік кодекстің 425-бабы бойынша хаттама толтырылып, "Алматы" ауданы бойынша тауарлар мен қызметтердің сапасын қадағалау басқармасына жіберілді.

Оқи отырыңыз: Петропавлда түнгі клуб жанында екі қызды қағып кеткен байдың баласы ұсталды

Полиция өкілдері қала тұрғындарына ойын-сауық мекемелерінде коронавирусты жұқтыру қаупі артқанын ескертеді.

0
Кілт сөздер:
қамауға алынды, карантин
Тақырып:
Төтенше жағдай және карантин
Тақырып бойынша
Қыркүйек соңында карантин күшейе ме – бас санитар дәрігер жауабы
Қатаң карантин қай кезде енгізіледі – денсаулық сақтау министрлігі түсініктеме берді  
Түнгі клуб алдында көлік қағып, комаға түскен әйел көз жұмды
Маңғыстау облысында той өткізген шенеунік жазаланады
Түнгі клуб алдындағы төбелес: полиция қылмыстық іс қозғаудан бас тартты