Оқ ату

Министр Батыс Қазақстанда полицейдің өз бастығын неге атып өлтіргенін айтты

3529
(Жаңартылды 18:36 17.09.2018)
6 қыркүйекте БҚО-да полиция сержанты командирін атып өлтірген болатын

АСТАНА, 14 қыркүйек – Sputnik. ҚР ішкі істер министрі Қалмұханбет Қасымов БҚО-да өз бастығын атып өлтірген полицейге қатысты түсініктеме берді, деп хабарлайды Sputnik Қазақстан тілшісі.

"Осындай оқиға болғаны рас. Бұл күзет қызметін жүргізетін әскери бөлімше. Олар БҚО-да әкімдікті, соттар мен медициналық қоймаларды күзетеді. Қазір аталған іске қатысты тергеу жүріп жатыр", — деді министр ОКҚ-де өткен брифингте. 

Қасымов қылмыс жасаған қызметкердің екі жылдан астам қызмет еткенін атап өтті. 

"Оның айтуы бойынша, оған ескерту жасалған, ол өзін кемсітті деп санап, қылмыс жасауға бел буған. Қаруын алғанннан кейін, командиріне бірнеше рет оқ атқан. Қазір тергеу жүргізіп жатырмыз, міндетті түрде сот-психиатриялық сараптама белгілейміз, барлық кінәліні жауапқа тартамыз", — деп уәде берді ол. 

Еске сала кетсек, 6 қыркүйекте Батыс Қазақстан облысы, Ақжайық АІІБ ғимаратында қайғылы оқиға болды. Ішкі күзет батальонының инспекторы табельдік қарудан командиріне оқ атқан. Салдарынан командир оқиға орнында қаза тапты. Сержант өз бастығына 7 рет оқ атқан.

Қасымов Дени Теннің қазасынан кейін үш күнде не ітегенін айтты

3529
Кілт сөздер:
кісі өлтіру, полицей, ІІМ, Қалмұханбет Қасымов, Батыс Қазақстан
Тақырып бойынша
ІІМ көліктегі ішкі істер департаментінің полиция полковнигі ұсталды – видео
Полицей бастығын атып тастады: ІІМ төтенше жағдайдың себебін атады
ІІМ жол шетінен өлі табылған қыздар туралы хабарламаға түсініктеме берді
ІІМ Атырау полициясының басшысы ойынханада неғып жүргенін түсіндірді
Министр Қасымов отставкаға кете ме? ІІМ-нің жауабы
Иллюстративті фото

Қытаймен шекарада түсірілген видео жарияланды

4371
"Нұр жолы" кеден бекетінде 30 шақырымға дейінгі кептеліс пайда болғаннан кейін арнайы тексеріс жүргізіліп, заңсыз ақша алғандар ұсталды

НҰР-СҰЛТАН, 15 тамыз – Sputnik. Сыбайлас жемқорлыққа қарсы іс-қимыл агенттігі "Нұр жолы" кеден бекетінің 8 лауазымды қызметкері ұсталған сәттің видеосын жариялады, деп хабарлайды Sputnik Қазақстан.

Ресми мәліметке сәйкес, ұлттық қауіпсіздік комитеті мен бас көлік прокуратурасы бірлесіп өткізген операция барысында "Нұр жолы" кеден бекетінде жұмыс істеген 8 лауазымды тұлға ұсталды. 30 шақырымға дейінгі кептеліс пайда болғаннан кейін арнайы тексеріс жүргізуге шешім қабылданған. Сол кезде Қытай Халық Республикасына көлік өткізгені үшін заңсыз ақша алынғаны анықталды.   

"Кеден бекетінің 6 лауазымды тұлғасы ұсталып, Талдықорған қалалық полиция басқармасының уақытша ұстау изоляторына қамалды. Ал 2 қызметкер өз кінәсін толық мойындауына байланысты ұсталған жоқ", - дейді тергеушілер.

Айта кетейік, бұған дейін бас көлік прокуратурасы "Нұр жолы" кеден бекетінде сыбайлас жемқорлыққа қатысы бар деген күдікпен мемлекеттік кірістер, сондай-ақ ветеринарлық және фитосанитарлық бақылау органдары қызметкерлерінің ұсталғанын хабарлаған болатын.

Істі тергеу барысын бас көлік прокуратурасы бақылауға алды. Тергеу мүддесі үшін басқа ақпарат жария етілмейді, делінген ведомство хабарламасында.

"Адам басына 3 мыңнан алған": Шекарада орналасқан үйлердің тұрғындары ұсталды

4371
Кілт сөздер:
видео, шекара, Қытай
Тақырып бойынша
Қазақстан мемлекеттік шекараны дронмен күзетуі мүмкін
Қазақстан транзиттік жүк көліктерін қадағалап отыратын болды
Шетелде емделетіндер шекарада қандай құжат көрсетеді
Қытаймен шекарадағы әскери техниканың не үшін шығарылғаны белгілі болды – видео
зейнеткер

Қостанайда зейнеткер бірге тұрып жатқан әйелдің 4 жасар немересін өлтірді

1979
65 жастағы Қарасу ауданының тұрғыны мас күйінде жантүршігерлік қылмыс жасады, ол 20 жылға сотталуы мүмкін

НҰР-СҰЛТАН, 15 тамыз  – Sputnik. Қостанайда қылмыстық істер жөніндегі ауданаралық сотта онлайн режимде төрт жасар баланың өліміне қатысты іс қаралды.

Прокурор күдіктіні 20 жылға бас бостандығынан айыруды сұрады, деп хабарлайды alau.kz.

Жантүршігерлік оқиға Қарасу ауданында биыл 17 наурызда болған. Аудандық полицияның кезекші бөліміне төрт жасар баланың денесі табылғаны туралы хабарлама түседі. Оқиға орнына келген полицейлер 65 жастағы ер адамды ұстайды.

Төрт жасар баланы өлтірген күдікті
© Photo : alau.kz
Төрт жасар баланы өлтірген күдікті

Ол мас күйінде сұмдық қылмысқа барған. Зейнеткер бірге тұрып жатқан әйелдің немересін алдымен ұрып-соғып, одан кейін қырық литрлік ыдыстың ішінде суға батырып өлтірген.

Оқи отырыңыз: Басын кесіп тастаған: Риддерде жас қыз жантүршігерлік қылмыс жасады

 

1979
Кілт сөздер:
зейнеткер, Қостанай
ҰБТ, архивтегі фото

Грант иегерлерінің тізімі қашан жарияланатыны белгілі болды

0
(Жаңартылды 17:20 15.08.2020)
2020 жылғы грант иегерлерінің тізімі 15 тамыз күні сағат 18:00-де testcenterkz парақшасында жарияланады

НҰР-СҰЛТАН, 15 тамыз – Sputnik. 2020 жылғы білім гранты иегерлерінің тізімі 15 тамызда жарияланады, деп хабарлайды Sputnik Қазақстан.

"Грант иегерлерінің тізімі бүгін сағат 18:00-де testcenterkz парақшасында жарияланады", - деп жазды Ұлттық тестілеу орталығының басшысы Дидар Смағұлов Instagram-да.

Оның айтуынша, комиссия отырысы аяқталып, шешім қабылданған.

Гранттар қалай тағайындалады?

"Бакалавр" дәрежесі бойынша білім гранттары ұлттық бірыңғай тестілеудің немесе кешенді тестілеудің нәтижесіне қарай конкурстық негізде беріледі. Конкурс кезінде Қазақстан тарихы, математика, оқу сауаттылығы (қазақ немесе орыс тілі) және екі бейіндік пәннің ұпай саны ескеріледі. Ал шығармашылық пәндер болса, емтихандардың нәтижесі есепке алынады.

Оқытудың қысқартылған мерзімін көздейтін және жоғары білімнің ұқсас білім беру бағдарламалары бойынша оқуға түсемін деушілердің кәсіптік пәннен және арнайы пәннен жинаған ұпайы ескеріледі. Сол сияқты шығармашылық даярлық бойынша арнайы пән мен шығармашылық емтиханның бағасына қарайды.

Қанша балл жинау керек?

Жоғары білімнің білім беру гранттарын тағайындауға арналған конкурсқа қатысу үшін шығармашылық даярлықты талап ететін жоғары білімнің білім беру бағдарламаларына түсушілерді қоспағанда, ұлттық университеттерге түсу үшін ҰБТ нәтижесі бойынша кемінде 65 балл жинау керек.

  • "Педагогикалық ғылымдар" бойынша кем дегенде 70 балл;
  • "Ауыл шаруашылығы және биоресурстар" және "Ветеринария" бойынша кемінде 60 балл.

Басқа жоғары оқу орындарына түсуі үшін кемінде 50 балл жинау қажет. Педагогика бойынша ұпай саны 70 болса, медицина мамандықтарына түсу үшін кем дегенде 65 балл алу керек.

Ал шығармашылық даярлықты талап ететін жоғары білімнің білім беру бағдарламаларына түсушілерді қоспағанда, оқытудың қысқартылған мерзімін көздейтін жоғары білімнің ұқсас білім беру бағдарламаларының тобы бойынша білім беру бағдарламалары топтарына түсушілерге ҰБТ нәтижесі бойынша – кемінде 25 ұпай жинау керек.  

Басымдық кімге беріледі?

Конкурс кезінде грантқа үміткерлердің ұпай саны тең болса, басымдық беру шарттары қарастырылған. Олар:

  • "Алтын белгi" белгiсімен марапатталған тұлғалар;
  • техникалық және кәсіптік білім алғаннан кейін мамандығы бойынша кемінде бір жыл жұмыс өтілі бар тұлғалар;
  • тiзбесiн бiлiм беру саласындағы уәкiлеттi орган айқындайтын жалпы бiлiм беретiн пәндер бойынша халықаралық олимпиадалар мен ғылыми жобалар конкурстарының (ғылыми жарыстардың) (бiрiншi, екiншi және үшiншi дәрежелi дипломдармен марапатталған), орындаушылардың халықаралық және республикалық конкурстарының және спорттық жарыстардың (бiрiншi, екiншi және үшiншi дәрежелi дипломдармен марапатталған) соңғы үш жылдағы жеңiмпаздарының, сондай-ақ өздерi таңдаған мамандықтар олимпиадалардың, конкурстың немесе спорттық жарыстың пәнiне сәйкес келген жағдайда, жалпы бiлiм беретiн пәндер бойынша ағымдағы оқу жылында президенттік, республикалық олимпиадалар мен ғылыми жобалар конкурстарының (бiрiншi, екiншi және үшiншi дәрежелi дипломдармен марапатталған) жеңiмпаздары;
  • жетiм балалар мен ата-анасының қамқорлығынсыз қалған балалар, сондай-ақ кәмелетке толғанға дейін ата-аналарынан айырылған немесе ата-анасының қамқорлығынсыз қалған жастар қатарындағы Қазақстан Республикасының азаматтары;
  • I және II топтағы мүгедектер, жеңілдіктері мен кепілдіктері бойынша Ұлы Отан соғысының қатысушылары мен мүгедектеріне теңестірілген тұлғалар, медициналық қорытындыға сәйкес тиісті білім беру ұйымдарында оқуға қарсы айғақтары жоқ бала кезінен мүгедектер, мүгедек балалар және үздік білімі туралы құжаттары (куәліктері, аттестаттары, дипломдары) бар тұлғалар.
  • Гранттардың 70 проценті жалпы конкурс тәртібімен беріледі, қалған 30 проценті тек ауыл жастары арасынан шыққандарға таратылады.

 

0
Кілт сөздер:
грант тізімі, грант